ខេត្តកំពង់ឆ្នាំង ៖ បើគិតមកដល់ពេលនេះ មានរយៈពេលមួយសប្តាហ៍ហើយ ក្នុងករណីមានគោ ងាប់១៧ក្បាលក្នុងចំណោមគោ២១ក្បាល ដែលធ្វើឲ្យម្ចាស់គោមានការតក់ស្លុតជាខ្លាំងនោះ ត្រូវបានសមត្ថកិច្ចស្រាវជ្រាវ និងបានចម្លើយថា បណ្ដាលមកពីម្ចាស់ស្រែបាញ់ថ្នាំសម្លាប់ស្មៅទើបបណ្ដាលឱ្យពុលគោងាប់បែបនេះ…
ខេត្តកំពង់ឆ្នាំង ៖ បើគិតមកដល់ពេលនេះ មានរយៈពេលមួយសប្តាហ៍ហើយ ក្នុងករណីមានគោ ងាប់១៧ក្បាលក្នុងចំណោមគោ២១ក្បាល ដែលធ្វើឲ្យម្ចាស់គោមានការតក់ស្លុតជាខ្លាំងនោះ ត្រូវបានសមត្ថកិច្ចស្រាវជ្រាវ និងបានចម្លើយថា បណ្ដាលមកពីម្ចាស់ស្រែបាញ់ថ្នាំសម្លាប់ស្មៅទើបបណ្ដាលឱ្យពុលគោងាប់បែបនេះ ។
នៅរសៀលថ្ងៃទី២០ ខែតុលា សមត្ថកិច្ចនគរបាលព្រហ្មទណ្ឌបានប្រាប់ឲ្យដឹងថា ម្ចាស់គោបានប្តឹងម្ចាស់ស្រែរឿងគោងាប់ដល់ទៅ១៧ក្បាល ហើយនគរបានបានឆ្លងយោបល់ព្រះរាជអាជ្ញាអមសាលាដំបូងខេត្តកំពង់ឆ្នាំង ត្រូវបានព្រះរាជអាជ្ញាលើកឡើងថា មិនដឹងប្ដឹងពីបទអ្វី ? រកបទចោទមិនឃើញ ។
ដោយហេតុនេះហើយ ទើបមន្ត្រីនគរបានឲ្យម្ចាស់គោ មានឈ្មោះទត សៀងហ៊ីម អាយុ៤២ឆ្នាំ មានទីលំនៅភូមិក្តុល ឃុំក្តុលសែនជ័យ និងម្ចាស់ស្រែមានឈ្មោះចន្ថា នៅភូមិស្រែវាល ឃុំក្រាំងលាវ ស្រុករលាប្អៀរ ទៅសម្របសម្រួលគ្នានៅឯមូលដ្ឋានវិញ និងតម្រូវឱ្យម្ចាស់ស្រែ យកសំបកថ្នាំបាញ់សម្លាប់ស្រូវមកប្រគល់ឲ្យមន្ត្រីជំនាញផង ។
មន្ត្រីនគរបាលបានបញ្ជាក់ថា បានហៅឈ្មោះចន្ថា ជាម្ចាស់ស្រែមកសួរនាំដោយម្ចាស់ស្រែប្រាប់ថាបានបាញ់ថ្នាំសម្លាប់ស្មៅកាលពីថ្ងៃទី១៤ ខែតុលា ហើយពេលបាញ់ថ្នាំក៏បានស្រែកប្រាប់ម្ចាស់គោដែលមានគោនៅជិតៗនឹងថា គាត់បាញ់ថ្នាំស្មៅហើយ សូមមើលគោខ្លួនឯងផង ព្រោះគាត់ មិននៅទេព្រោះរវល់បុណ្យភ្ជុំ ។
ដោយឡែក មន្ត្រីការិយាល័យពេទ្យសត្វខេត្តបានបញ្ជាក់ថា ការយកសំណាកស្មៅ និងសាច់គោទៅពិនិត្យ គឺមិនបានលទ្ធផលអ្វីទេ ដោយសារការបាញ់ថ្នាំតាំងពីថ្ងៃទី១៤ រហូតដល់ថ្ងៃទី១៦ ខែតុលា ទើបយកសំណាកទៅពិនិត្យគួបផ្សំមានភ្លៀងធ្លាក់ផង ទើបមិនមានលទ្ធផលអ្វីនោះទេ។
គួររំលឹកថា កាលពីយប់ថ្ងៃទី១៤ ខែតុលា មានគោងាប់ចំនួន១៧ក្បាលនៅដីស្រែមួយកន្លែងនៅចំណុចត្រពាំងធ្លក ភូមិដំណាក់អំពិល ឃុំក្តុលសែនជ័យ ហើយត្រូវបានម្ចាស់ពូកើតទុក្ខមិនសុខចិត្តស្វែងរកយុត្តិធម៌ តែសមត្ថកិច្ចមន្ត្រីជំនាញរួមនិងតុលាការបានឲ្យទៅសម្របសម្រួលនៅមូលដ្ឋានវិញ ព្រោះពុំមានបទចោទប្រកាន់ឡើយ។
យ៉ាងនេះ ក្តីភាគីម្ចាស់គោបានប្រាប់តាមទូរសព្ទថា បានទាតម្លៃសំណងនៃការខូចខាតខ្លះ ពីម្ចាស់ស្រែ ហើយត្រូវបានម្ចាស់ស្រែប្រាប់ថា ថារង់ចាំពីបីថ្ងៃសិនទើបឆ្លើយតប ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ