ខេត្តព្រះសីហនុ ៖ កោះសនិ្តភាពបានចេញផ្សាយឆ្នាំទី៤៤ លេខ៧២៦៣ កាលពីថ្ងៃទី១៧ ឧសភា ក្រោមចំណងជើងថា «ផឹកស៊ីអួតពីធ្មេញមាសក្រឡេកញញឹម ចោរវាយបំបាក់យកទៅបាត់» ។ នៅថ្ងៃទី១៨ ឧសភា ក្រោមបទបញ្ជាម៉ឹងម៉ាត់របស់លោកឧត្តមសេយ៍ត្រី តាក វណ្ណថា ស្នងការនគរបាលខេត្ត កម្លាំងជំនាញការិយាល័យព្រហ្មទណ្ឌ
ខេត្តព្រះសីហនុ ៖ កោះសនិ្តភាពបានចេញផ្សាយឆ្នាំទី៤៤ លេខ៧២៦៣ កាលពីថ្ងៃទី១៧ ឧសភា ក្រោមចំណងជើងថា «ផឹកស៊ីអួតពីធ្មេញមាសក្រឡេកញញឹម ចោរវាយបំបាក់យកទៅបាត់» ។ នៅថ្ងៃទី១៨ ឧសភា ក្រោមបទបញ្ជាម៉ឹងម៉ាត់របស់លោកឧត្តមសេយ៍ត្រី តាក វណ្ណថា ស្នងការនគរបាលខេត្ត កម្លាំងជំនាញការិយាល័យព្រហ្មទណ្ឌនៃស្នងការដ្ឋាននគរបាលខេត្ត បានបើកប្រតិបត្តិការស៊ើបអង្កេតករណីនេះ យ៉ាងក្តៅគគុក ព្រមទាំងបានកោះហៅឈ្មោះអ៊ូច ដុក ភេទប្រុស អាយុ៤៣ឆ្នាំ ជាកម្មករទូកនេសាទ ឱ្យចូលខ្លួនមកបំភ្លឺអំពីហេតុការណ៍ដែលបានអះអាងថា មានករណីប្លន់វាយបំបាក់យកធ្មេញស្រោបមាសទម្ងន់២ហ៊ុន និងប្រាក់៣០ម៉ឺនរៀល កាលពីវេលាម៉ោង៦និង៤៧នាទីព្រឹក ថ្ងៃទី១៦ ឧសភា ។
យោងតាមការស៊ើបអង្កេតយ៉ាងល្អិតល្អន់របស់កម្លាំងនគរបាលប៉ុស្តិ៍រដ្ឋបាលសង្កាត់លេខ៣ ក៏ដូចជាកម្លាំងជំនាញនគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត ដែលបានបើកការស៊ើបអង្កេតនៅចំណុចកើតហេតុស្ថិតក្នុងភូមិ១ សង្កាត់លេខ៣ មុខពយកំពេញ បានបញ្ជាក់ឱ្យដឹងថា នៅវេលាម៉ោង៦និង៤៧នាទីព្រឹក ថ្ងៃទី១៦ ឧសភា អ្នកលក់គ្រឿងទេសដែលមានតូបក្បែរកន្លែងកើតហេតុបានឃើញបុរសកម្មករទូករូបនោះជិះម៉ូតូមួយគ្រឿងម៉ាកវ៉េវ អាល់ហ្វា ពណ៌សំបកឪឡឹក មិនចំាស្លាកលេខ មានគ្នា៣នាក់ ពីលិចទៅកើតឆ្ពោះទៅសណ្ឋាគារសុខា ក្នុងសភាពទ្រេតទ្រោតពេញផ្លូវ ពេលមកដល់មុខតូបក៏ដួលម៉ូតូតែម្តង ។ ពេលនោះប្រជាពលរដ្ឋ និងអ្នកលក់ក្បែរនោះបានរត់ទៅជួយលើក ហើយក្នុងចំណោមអ្នកទាំងបីនាក់នោះអ្នកបើកបរ និងអ្នកជិះខាងក្រោយរបួសស្រាល ដោយឡែកឈ្មោះអ៊ូច ដុក រងរបួសធ្ងន់បែកមុខ និងបាត់ធ្មេញបណ្តាលឱ្យសន្លប់ធំ ។ ពេលឃើញបែបនេះអ្នកទាំង២នាក់ដែលធ្វើដំណើរមកជាមួយគ្នានោះ ក៏ជិះម៉ូតូគេចខ្លួនតែម្តង ព្រោះខ្លាចមានរឿងនៅពេលអ្នករួមដំណើរគ្រោះថ្នាក់រហូតបាត់បង់ជីវិត ។
ប្រភពព័ត៌មានពីកម្មករទូកនេសាទដូចគ្នាបានឱ្យដឹងថា ឈ្មោះអ៊ូច ដុក ជាមនុស្សស្រវឹងខួបអួទីនួហាក់បីដូចជាមនុស្សវិកលចរិតទៅហើយ សូម្បីតែរកការងារធ្វើ ឬរកទូកចុះនោះក៏ពិបាកដែរ ព្រោះតែការស្រវឹង ។ ហើយមុនពេលជួបគ្រោះថ្នាក់ពួកគេទាំង៣នាក់នេះបាននាំគ្នាផឹកស៊ីអស់ស្រាចំនួន៧ដប ក៏ជិះម៉ូតូចេញទៅទាំងភាពស្រវឹងជោក ទើបបណ្តាលឱ្យមានគ្រោះថ្នាក់ ហើយបែរជានិយាយរៀបរាប់ប្រាប់អ្នកកាសែតថា ជាករណីប្លន់យកធ្មេញមាស និងប្រាក់៣០ម៉ឺនរៀលទៅវិញ ។
នៅចំពោះមុខសមត្ថកិច្ចនគរបាលការិយាល័យព្រហ្មទណ្ឌ ឈ្មោះអ៊ូច ដុក បានបំភ្លឺថា រូបគាត់ពិតជាស្រវឹងហើយដួលម៉ូតូមែន ហើយក្រោយពីប្រជាពលរដ្ឋជួយជ្រោមជ្រែងទើបដឹងខ្លួន ក៏បានធ្វើដំណើរទៅចុះទូកវិញ ។ ជនរូបនេះសារភាពថា ការនិយាយធ្មេញមាសនោះជាអំនួតពេលស្រវឹង ការពិតជាធ្មេញស្រោបលង្ហិនទេ៕
ចែករំលែកព័តមាននេះ