រាជធានីភ្នំពេញ ៖ គណៈបញ្ជាការឯកភាពខណ្ឌទួលគោកដឹកនាំដោយលោកសាំង សុភៈវិចិត្រ អភិបាលរងខណ្ឌទួលគោក កាលពីវេលាម៉ោង១និង៤០នាទីរសៀលថ្ងៃទី១៨ ឧសភា បានឆ្មក់ចូលត្រួតពិនិត្យរដ្ឋបាលបន្ទប់ផ្ទះ សំណាក់ឈូកមាស ស្ថិតនៅអគារលេខ២៦ ផ្លូវលេខ២៧៣ សង្កាត់បឹងកក់ទី១ ខណ្ឌទួលគោក ហើយឃាត់ខ្លួនបុរសចំនួន២នាក់
រាជធានីភ្នំពេញ ៖ គណៈបញ្ជាការឯកភាពខណ្ឌទួលគោកដឹកនាំដោយលោកសាំង សុភៈវិចិត្រ អភិបាលរងខណ្ឌទួលគោក កាលពីវេលាម៉ោង១និង៤០នាទីរសៀលថ្ងៃទី១៨ ឧសភា បានឆ្មក់ចូលត្រួតពិនិត្យរដ្ឋបាលបន្ទប់ផ្ទះ សំណាក់ឈូកមាស ស្ថិតនៅអគារលេខ២៦ ផ្លូវលេខ២៧៣ សង្កាត់បឹងកក់ទី១ ខណ្ឌទួលគោក ហើយឃាត់ខ្លួនបុរសចំនួន២នាក់ ដែលជួលផ្ទះសំណាក់ប្រើប្រាស់គ្រឿងញៀន ។ ជនសង្ស័យដែលត្រូវបានចាប់ខ្លួននោះ ១-ឈ្មោះប្រាក់ បូរ៉ាន់ដា អាយុ២០ឆ្នាំ ជាសិស្ស ២-ឈ្មោះជួន ភក្តី អាយុ២០ឆ្នាំ មានទីលំនៅសង្កាត់ស្រះចក ខណ្ឌដូនពេញ។ ក្នុងការចុះឆែកឆេរ សមត្ថកិច្ចដកហូតបានថ្នាំញៀនប្រភេទម៉ាទឹកកកចំនួន១កញ្ចប់ ។
តាមព័ត៌មានពីលោកសាំង សុភៈវិចិត្រ អភិបាលរងខណ្ឌទួលគោកបានឱ្យដឹងថា ដោយមានការស្រាវជ្រាវពីកម្លាំងជំនាញ ហើយក្តាប់បានពីមុខសញ្ញាប្រើប្រាស់គ្រឿងញៀនដែលជនទាំងពីរនាក់បានចូលទៅក្នុងបន្ទប់លេខ១០៩ ជាន់ក្រោមដី ផ្ទះសំណាក់ឈូកមាស។ គណៈបញ្ជាការឯកភាពខណ្ឌទួលគោក បានចុះត្រួតពិនិត្យរដ្ឋបាល ឃើញជនទាំងពីរនាក់នោះកំពុងតែប្រើប្រាស់គ្រឿងញៀន ព្រមទាំងដកហូតបានថ្នាំញៀនប្រភេទម៉ាទឹកកកចំនួន១កញ្ចប់ និងឧបករណ៍សម្រាប់ជក់គ្រឿងញៀនមួយចំនួន ។
លោកសាំង សុភៈវិចិត្រ អភិបាលរងខណ្ឌទួលគោក បានឱ្យដឹងទៀតថា ជនសង្ស័យទាំង ពីរនាក់ត្រូវកម្លាំងកងរាជអាវុធហត្ថខណ្ឌទួលគោក បញ្ជូនទៅកាន់ទីបញ្ជាការដើម្បីធ្វើការស្រាវជ្រាវរកអ្នកលក់គ្រឿងញៀន ។ នៅចំពោះមុខសមត្ថកិច្ច ជនសង្ស័យបានសារភាពថា ថ្នាំម៉ាទឹកកក១កញ្ចប់នេះរូបគេបានទិញពីម្តុំវត្តភ្នំ ក្នុងតម្លៃ១កញ្ចប់១០ដុល្លារ ដើម្បីយកមកប្រើប្រាស់ផ្ទាល់ខ្លួន ៕
ចែករំលែកព័តមាននេះ