Ronaldo វ៉ាដាច់នៅកំពូលតារាងកីឡាករបាល់ទាត់រកចំណូលច្រើនបំផុតឆ្នាំ ២០២៣
សហរដ្ឋអាមេរិក ៖ យោងតាមរបាយការណ៍ចុងក្រោយបំផុតរបស់ទស្សនាវដ្តីពាណិជ្ជកម្មសហរដ្ឋ
សហរដ្ឋអាមេរិក ៖ យោងតាមរបាយការណ៍ចុងក្រោយបំផុតរបស់ទស្សនាវដ្តីពាណិជ្ជកម្មសហរដ្ឋ
សហរដ្ឋអាមេរិក ៖ យោងតាមរបាយការណ៍ចុងក្រោយបំផុតរបស់ទស្សនាវដ្តីពាណិជ្ជកម្មសហរដ្ឋអាមេរិក Forbes ដ៏ល្បីបំផុតរបស់ពិភពលោក កាលពីពេលថ្មីៗនេះ បានបង្ហាញថា កំពូលខ្សែប្រយុទ្ធព័រទុយហ្គាល់ Cristiano Ronaldo ជាប់ជាកីឡាករបាល់ទាត់រកចំណូលបានច្រើនជាងគេបំផុតប្រចាំឆ្នាំ ២០២៣។
ខ្សែប្រយុទ្ធ Cristiano Ronaldo ប្រធានក្រុមជម្រើសជាតិព័រទុយហ្គាល់ ដែលកំពុងប្រកបអាជីពជាមួយនឹងក្លិប Al Nassr នៃលីគកំពូលអារ៉ាប៊ីសាអូឌីត Saudi Pro League បានឡើងកាន់កាប់កំពូលតារាងកីឡាករបាល់ទាត់ទាំង ១០ ដែលរកចំណូលបានច្រើនជាងគេបំផុតនៅលើពិភពលោកឆ្នាំ ២០២៣។
នៅក្នុងឆ្នាំ ២០២៣ អតីតខ្សែប្រយុទ្ធក្រុមបិសាចក្រហម Manchester United និងស្តេចស Real Madrid វ័យ៣៨ឆ្នាំរូបនេះ រកចំណូលបាន ២៦០លានដុល្លារអាមេរិក ដោយក្នុងនោះថ្លៃពលកម្ម ២០០លានដុល្លារក្នុង១ឆ្នាំជាមួយនឹងក្លិប Al Nassr ហើយចំណូល ៦០លានដុល្លារផ្សេងទៀតបានមកពីដៃសហការ ដែលរួមមានក្រុមហ៊ុនផ្គត់ផ្គង់សំភារៈកីឡា Nike និងក្រុមហ៊ុនផលិតគ្រឿងអលង្ការ និងនាឡិកាដៃ Jacob & Co ជាដើម។
ចំណាត់ថ្នាក់លេខ២ បានទៅលើកំពូលខ្សែប្រយុទ្ធអាហ្សង់ទីន Lionel Messi ជាមួយនឹងប្រាក់ចំណូលសរុប ១៣៥លានដុល្លារ ដែលត្រូវបានជំរុញដោយការផ្ទេររបស់អតីតខ្សែប្រយុទ្ធក្រុមអ្នកមានបារាំង PSG វ័យ៣៦ឆ្នាំរូបនេះ ទៅកាន់ក្លិប Inter Miami នៅលីគកំពូលសហរដ្ឋអាមេរិក MLS បូកនឹងចំណូលបានមកពីដៃគូសហការរបស់ខ្លួន ដូចជាក្រុមហ៊ុនផ្គត់ផ្គង់សំភារៈកីឡា Adidas ជាដើម។ Messi គឺជាកីឡាករដំបូងគេរបស់ MLS ដែលបង្ហាញវត្តមាននៅក្នុងបញ្ជី Top 10 ចាប់តាំងពីអតីតខ្សែបម្រើអង់គ្លេស David Beckham នៅក្នុងឆ្នាំ ២០១២។
ដោយឡែក កំពូលខ្សែប្រយុទ្ធប្រេស៊ីល Neymar ឈរនៅលើចំណាត់ថ្នាក់លេខ៣ ជាមួយនឹងប្រាក់ចំណូលសរុប ១១២លានដុល្លារ បន្ទាប់ពីអតីតខ្សែប្រយុទ្ធក្រុមអ្នកមានបារាំង PSG វ័យ៣១ឆ្នាំរូបនេះ បានចុះហត្ថលេខាចូលរួមជាមួយនឹងក្លិប Al Hilal នៅលីគកំពូលអារ៉ាប៊ីសាអូឌីត Saudi Pro League កាលពីខែសីហាកន្លងទៅ បូករួមនឹងចំណូលបានមកពីដៃគូសហការរបស់ខ្លួន ដូចជាក្រុមហ៊ុនផ្គត់ផ្គង់សំភារៈកីឡា Puma ជាដើម៕ (ប្រភពពី ESPN)
ខាងក្រោមនេះគឺជាបញ្ជីកីឡាករបាល់ទាត់ទាំង ១០ រកចំណូលបានច្រើនបំផុតនៅក្នុងឆ្នាំ ២០២៣ ដែលចេញផ្សាយដោយទស្សនាវដ្តី Forbes ៖
ចែករំលែកព័តមាននេះ