ជំនួបប៊ែលហ្ស៊ិក-ស៊ុយអែតរំសាយកណ្តាលទី ក្រោយកើតមានអំពើភេរវកម្មស្លា.ប់ និងរបួស
ប៊ែលហ្ស៊ិក ៖ អ្នកគាំទ្របាល់ទាត់ជនជាតិស៊ុយអែតចំនួន២នាក់ ត្រូវបានបា.ញ់សម្លា.ប់ និងម្នាក់
ប៊ែលហ្ស៊ិក ៖ អ្នកគាំទ្របាល់ទាត់ជនជាតិស៊ុយអែតចំនួន២នាក់ ត្រូវបានបា.ញ់សម្លា.ប់ និងម្នាក់ទៀតរងរបួសក្នុងការបាញ់វាយប្រហារមួយក្នុងទីក្រុងប្រ៊ុចសែល (Brussels) ប្រទេសប៊ែលហ្ស៊ិក អំឡុងពេលការប្រកួតវគ្គជម្រុះពានរង្វាន់ Euro 2024 ដែលការបាញ់ប្រហារនេះ ត្រូវបានរដ្ឋអាជ្ញាចាត់ទុកជាអំពើភេរវកម្ម។ នេះបើយោងតាមប្រភពពី BBC ចេញផ្សាយកាលពីថ្ងៃទី១៧ ខែតុលា ឆ្នាំ២០២៣។
ការប្រកួតបាល់ទាត់វគ្គជម្រុះ Euro 2024 កាលពីថ្ងៃទី១៦ ខែតុលា ឆ្នាំ២០២៣ រវាងម្ចាស់ផ្ទះប៊ែលហ្សិក នឹងក្រុមភ្ញៀវស៊ុយអែត ដែលកំពុងលេងនៅក្នុងកីឡាដ្ឋាន King Baudouin ត្រូវបានរំសាយចោលនៅកណ្តាលទី ជាមួយលទ្ធផលស្មើគ្នា ១-១ ក្រោយកីឡាករបដិសេធលេងតង់ទី២ បន្ទាប់ពីមានការបាញ់ប្រហារដ៏រន្ធត់កើតឡើងនៅក្បែរតំបន់នោះ។ ទីក្រុងប្រ៊ុចសែលបានដាក់ស្ថិតក្នុងភាពប្រុងប្រយ័ត្នខ្ពស់បំផុត ខណៈដែលខ្មាន់កាំភ្លើងហាក់ដូចជាមានកាំភ្លើងវាយប្រហារនៅកម្រិតគ្រោះថ្នាក់ខ្លាំង។
អ្នកនាំពាក្យរបស់រដ្ឋអាជ្ញាសហព័ន្ធប៊ែលហ្ស៊ិក លោក Eric van Duyse បានជំរុញសាធារណជនឱ្យត្រឡប់ទៅផ្ទះ និងស្នាក់នៅក្នុងផ្ទះ ដរាបណាការគំរាមកំហែងនៅតែបន្តមាន។ លោកបានថ្លែងថា បុរសម្នាក់ ដែលអះអាងថាជាខ្មាន់កាំភ្លើងវាយប្រហារបាននិយាយក្នុងវីដេអូមួយ នៅលើប្រព័ន្ធផ្សព្វផ្សាយសង្គមថា រូបគេត្រូវបានបំផុសគំនិត នៃការបាញ់ប្រហារដោយក្រុមរដ្ឋអ៊ីស្លាម។ វីដេអូបានបង្ហាញពីបុរសនិយាយភាសាអារ៉ាប់ម្នាក់បាននិយាយថា រូបគេបានធ្វើការវាយប្រហារក្នុងនាមជាព្រះជាម្ចាស់ ហើយបានសម្លាប់មនុស្ស៣នាក់។ ទូរទស្សន៍ BBC បានរាយការណ៍ថា ខ្សែអាត់វីដេអូនេះ រួមនឹងវីដេអូផ្សេងទៀត ដែលត្រូវបានបង្ហោះអំឡុងពេលការបាញ់វាយប្រហារ កំពុងត្រូវបានផ្ទៀងផ្ទាត់ដោយប៉ូលិសជំនាញ។
រដ្ឋអាជ្ញាសហព័ន្ធអះអាងថា ការស៊ើបអង្កេតអំពើភេរវកម្មត្រូវបានដំណើរការ ជុំវិញការបាញ់ប្រហារនៅមហាវិថី d’Ypres ពោលគឺ៥គីឡូម៉ែត្រពីកីឡដ្ឋាន King Baudouin ខណៈដែលវីដេអូលើប្រព័ន្ធផ្សព្វផ្សាយសង្គមមួយ ដែលត្រូវបានចែករំលែកដោយកាសែត Het Laatste Nieuws កាលពីថ្ងៃទី១៦ ខែតុលា កន្លងទៅ បានបង្ហាញបុរសម្នាក់ពាក់អាវកាក់ Fluorescent ចុះពីម៉ូតូ១គ្រឿងប្រដាប់ដោយកាំភ្លើង ដែលមើលទៅដូចជាកាំភ្លើងវែង ហើយចូលទៅក្នុងអគារកញ្ចក់ក្បែរនោះ បន្ទាប់មកបានបើកការបាញ់ប្រហារ ហើយបានគេចខ្លួនពីកន្លែងកើតហេតុ។ ប៉ូលិស និងក្រុមសេវាសង្គ្រោះបន្ទាន់បានបិទផ្លូវនៅក្បែរនោះ បន្ទាប់ពីការបា.ញ់ប្រហារកើតឡើង។ ក្រោយមកប្រព័ន្ធផ្សព្វផ្សាយប៊ែលហ្ស៊ិកបានរាយការណ៍ថា មនុស្ស២នាក់ដែលបានស្លា.ប់នោះ ពាក់អាវបាល់ទាត់ក្រុមជម្រើសជាតិស៊ុយអែត។
លោក Alexander de Croo នាយករដ្ឋមន្ត្រីប៊ែលហ្ស៊ិកបានលើកឡើងនៅលើប្រព័ន្ធផ្សព្វផ្សាយសង្គមដើម្បីផ្តល់ការរំលែកទុក្ខទៅកាន់នាយករដ្ឋមន្ត្រីស៊ុយអែត បន្ទាប់ពីការវាយប្រហារដ៏អាក្រក់កាលពីយប់ថ្ងៃទី១៦ ខែតុលា កន្លងទៅ លើពលរដ្ឋស៊ុយអែតនៅទីក្រុងប្រ៊ុចសែល។ ចំណែកឯ លោក Emmanuel Macron ប្រធានាធិបតីបារាំង ដែលកំពុងបំពេញទស្សនកិច្ចនៅប្រទេសអាល់បានីបានថ្លែងថា «អឺរ៉ុបបានរង្គោះរង្គើហើយ»។
ដោយឡែក លោកស្រី Ursula von der Leyen ប្រធានគណៈកម្មការអឺរ៉ុប ក្រៅពីបង្ហោះសាររំលែកទុក្ខហើយ លោកស្រីក៏បានបន្ថែមថា «ខ្ញុំសូមគាំទ្រអស់ពីចិត្ត ចំពោះប៉ូលិសប៊ែលហ្ស៊ិក ដើម្បីឈានទៅដល់ការចាប់ខ្លួនជនសង្ស័យឱ្យបានឆាប់រហ័ស ហើយយើងរួមគ្នាប្រឆាំងនឹងអំពើភេរវកម្ម»៕
ចែករំលែកព័តមាននេះ