ថៃផ្ទុះប្រតិកម្ម ក្រោយ IOC មិនបញ្ចូល «មួយថៃ» ក្នុងវិញ្ញាសាអូឡាំពិកឆ្នាំ២០២៨
ថៃ ៖ ប្រជាជនថៃ ជាពិសេសអ្នកស្នេហាវិស័យកីឡាប្រដាល់កំពុងផ្ទុះប្រតិកម្ម ក្រោយគណៈកម្មាធិការ
ថៃ ៖ ប្រជាជនថៃ ជាពិសេសអ្នកស្នេហាវិស័យកីឡាប្រដាល់កំពុងផ្ទុះប្រតិកម្ម ក្រោយគណៈកម្មាធិការ
ថៃ ៖ ប្រជាជនថៃ ជាពិសេសអ្នកស្នេហាវិស័យកីឡាប្រដាល់កំពុងផ្ទុះប្រតិកម្ម ក្រោយគណៈកម្មាធិការអូឡាំពិកអន្តរជាតិ ដែលហៅកាត់ថា IOC កាលពីពេលថ្មីៗនេះ បានប្រកាសមិនបញ្ចូលកីឡាប្រដាល់មួយថៃ (Muay Thai) និង Kickboxing ក្នុងវិញ្ញាសាប្រកួតព្រឹត្តិការណ៍កីឡាអូឡាំពិកឆ្នាំ ២០២៨ ដែលនឹងធ្វើឡើងក្នុងទីក្រុងឡូសអាន់ជ័រលេស (Los Angeles) សហរដ្ឋអាមេរិក។
កីឡាប្រដាល់ទាំង២ប្រភេទនេះ ក៏ស្ថិតក្នុងបញ្ជីជ្រើសរើសចុងក្រោយក្នុងចំណោមកីឡា៧ប្រភេទផ្សេងទៀត ដែលត្រូវបានស្នើឡើងសម្រាប់ការប្រកួតកីឡាអូឡាំពិកឆ្នាំ ២០២៨។ រៀងរាល់៤ឆ្នាំម្តង ម្ចាស់ផ្ទះរៀបចំកីឡាអូឡាំពិកត្រូវបានផ្តល់ឱកាសបន្ថែមប្រភេទកីឡាមួយចំនួនទៅក្នុងវិញ្ញាសាស្នូលចំនួន ២៨ ដែលត្រូវបានបញ្ចូលរាល់ការប្រកួតកីឡាអូឡាំពិក។
ឧទាហរណ៍ដូចជា កីឡាជិះស្គីរលកទឹកសមុទ្រ (Surfing) កីឡាក្តារស្គែត (Skateboarding) និងកីឡាតោងជញ្ជាំង ឬភ្នំ (Sport Climbing) ដែលត្រូវបានបញ្ចូលបន្ថែមក្នុងវិញ្ញាសាកីឡាអូឡាំពិកឆ្នាំ ២០២០ នៅទីក្រុងតូក្យូ ប្រទេសជប៉ុន។ ចំណែកឯព្រឹត្តិការណ៍ឆ្នាំ ២០២៨ IOC បានសម្រេចជ្រើសរើសកីឡា Chose Softball, កីឡាគ្រីឃីត (Cricket), Flag Football, Lacrosse និងកីឡាវាយកូនបាល់ Squash Sport ។
មិនដូចកីឡាប្រយុទ្ធក្នុងកីឡាអូឡាំពិកផ្សេងទៀត ដែលមានយូរណាស់មកហើយ ដូចជាប្រដាល់សកល ចំបាប់ យូដូ តេក្វាន់ដូ ហើយនិងការ៉ាតេ ផ្ទុយទៅវិញ មួយថៃ និងKickboxing ឬ ប្រដាល់សេរី មិនដែលជាផ្នែកមួយនៃកីឡាអូឡាំពិក ឬកីឡាអូឡាំពិកយុវជន (Youth Olympics) ឬក៏ជាម្ចាស់ផ្ទះ ដែលមានសិទ្ធិបន្ថែមកីឡាប្រភេទនេះដោយខ្លួនឯង។
កីឡា Kickboxing និងមួយថៃ បរាជ័យក្នុងការបង្ហាញវត្តមានជាលើកដំបូងបំផុតនៅក្នុងព្រឹត្តិការណ៍កីឡាអូឡាំពិក ពោលគឺនៅក្នុងព្រឹត្តិការណ៍ឆ្នាំ ២០២៨ ដែលធ្វើឱ្យអ្នកគាំទ្របានសម្ដែងការខកចិត្តចំពោះការសម្រេចនេះ។ ដោយមតិខ្លះ ក្នុងចំណោមមតិអ្នកគាំទ្រជាច្រើនផ្សេងទៀតបានលើកឡើងថា វាពិតជារឿងគួរឱ្យអស់សំណើចណាស់សម្រាប់កីឡាអូឡាំពិក ដែលគ្មានមួយថៃ និង Kickboxing។
សូមជម្រាបជូនថា ព្រឹត្តិការណ៍កីឡាអូឡាំពិកឆ្នាំ ២០២៤ នៅទីក្រុងប៉ារីស ប្រទេសបារាំង នឹងធ្វើពិធីបើកនៅថ្ងៃទី២៦ ខែកក្កដា និងពិធីបិទនៅថ្ងៃទី១១ ខែសីហា ឆ្នាំ២០២៤ ដែលមានអត្តពលិកសរុបចំនួន ១០,៥០០នាក់ធ្វើការប្រកួតលើកីឡាចំនួន ៣២ ប្រភេទ៕ (ដកស្រង់ចេញពី Beyond Kick និង Essentially Sports)
Kickboxing & Muay Thai have been denied for the 2028 Olympic Games in Los Angeles.
— Beyond Kickboxing (@Beyond_Kick) October 13, 2023
The two sports made the IOC’s shortlist but came up short against flag football, lacrosse, softball, cricket, and squash. pic.twitter.com/NTcWJGnnEB
ចែករំលែកព័តមាននេះ