ADផ្ទាំងផ្សព្វផ្សាយពាណិជ្ជកម្ម

បណ្តាកីឡាករបាល់ទាត់នៅតំបន់អឺរ៉ុបសម្តែងអំណរគុណដល់អ្នកគាំទ្ររបស់ខ្លួនមុនពេលបិទរដូវកាល2010-2011

14 ឆ្នាំ មុន

១៨ ខែ ឧសភា ឆ្នាំ ២០១១ ម៉ោង ០៤:១៦

ការប្រកួតបាល់ទាត់ក្នុងលីកធំៗនៅតំបន់អឺរ៉ុប បច្ចុប្បន្នកំពុងឈានទៅរកការបិទរដូវកាល២០១០-២០១១ជាបណ្តើរៗហើយ ប៉ុន្តែសម្រាប់លីក ឬក្របខណ្ឌបាល់ទាត់ដែលបិទដំបូងគឺក្របខណ្ឌបាល់ទាត់ Bundesliga អាល្លឺម៉ង់ ដែលជើងឯកបានទៅលើក្លឹបDortmund ដោយមានពិធីប្រគល់ពានដ៏អធិកអធមកាលពីថ្ងៃសៅរ៍កន្លងទៅ ។
សម្រាប់លីកឬក្របខណ្ឌបាល់ទាត់ផ្សេងៗទៀតនៅតំបន់អឺរ៉ុបរួមមាន ក្របខណ្ឌបាល់ទាត់ប្រឺមីញេលីកអង់គ្លេស Calcio Serie A របស់អុីតាលី និង La Liga អេស្ប៉ាញនៅសល់១ប្រកួតចុងក្រោយ ទើបដល់ពេលបិទរដូវកាល ដោយរំពឹងថា នឹងបញ្ចប់ការប្រកួតនៅចុងសប្តាហ៍នេះ ប៉ុន្តែបច្ចុប្បន្នក៏មានក្លឹបមួយចំនួនបានសម្លឹងឃើញជើងឯករបស់ខ្លួនជាបណ្តើរៗហើយដែរ ។ ស្របពេលជាមួយគ្នានេះ សម្រាប់ក្លឹបដែលលេងក្នុងផ្ទះបើកទ្វារទទួលភ្ញៀវនៅក្នុងការប្រកួតលើកចុងក្រោយនៃរដូវកាលនៅថ្ងៃសៅរ៍-អាទិត្យ កន្លងមក បណ្តាកីឡាករមួយចំនួនបានឆ្លៀតឱកាសនាំកូនចៅរបស់ខ្លួនមកសម្តែងអំណរគុណដល់អ្នកគាំទ្ររបស់ខ្លួនផងដែរ ។
នៅក្នុងឱកាសនេះដែរ បណ្តាអ្នកប្រមាញ់រូបថតនាំគ្នាថតរូបភាពក្រុមគ្រួសារកីឡាករនៅបរិវេណទីលានប្រកួតនៅមុនពេលបិទរដូវកាល២០១០-២០១១ ៕

ADផ្ទាំងផ្សព្វផ្សាយពាណិជ្ជកម្ម

អត្តបទផ្សេងៗទៀត