ខេត្តកំពង់ឆ្នាំង ៖ មន្ត្រីការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង នៅព្រឹកថ្ងៃទី១១ ខែតុលា ឆ្នាំ២០២៣ បានបើកយុទ្ធនាការអប់រំផ្សព្វផ្សាយ ពីវិធានការការពារជំងឺផ្ដាសាយបក្សី…
ខេត្តកំពង់ឆ្នាំង ៖ មន្ត្រីការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង នៅព្រឹកថ្ងៃទី១១ ខែតុលា ឆ្នាំ២០២៣ បានបើកយុទ្ធនាការអប់រំផ្សព្វផ្សាយ ពីវិធានការការពារជំងឺផ្ដាសាយបក្សី ដែលបានកើតឡើង២ករណីនៅខេត្តស្វាយរៀង និងខេត្តព្រៃវែងជូនដល់បងប្អូនជាអាជីវករ ប្រជាពលរដ្ឋ និងជាអ្នកចិញ្ចឹមសត្វ ។
លោកក្រឹង សំអាត ប្រធានការិយាល័យព្រឹត្តិកម្ម និងបសុខព្យាបាលខេត្តកំពង់ឆ្នាំងបានឲ្យដឹងថា ដោយទទួលបានការណែនាំពីក្រសួងកសិកម្ម ស្ដីពីការចូលរួមទប់ស្កាត់ជំងឺផ្ដាសាយបក្សី ដែលកន្លងមកថ្មីៗនេះ មានកើត២ករណីរួចហើយ គឺនៅខេត្តស្វាយរៀង និងខេត្តព្រៃវែង។ ការចូលអប់រំផ្សព្វផ្សាយនេះ គឺចំនួន៤ស្រុករលាប្អៀរ ស្រុកបរិបូណ៌ស្រុកទឹកផុស ស្រុកកំពង់ត្រឡាច ហើយនិងបន្តធ្វើនៅទី១២ ខែតុលា បន្តទៀត នៅក្រុងកំពង់ឆ្នាំង ។
ចំពោះការផ្សព្វផ្សាយគឺបានណែនាំដល់អាជីវករ អ្នកលក់សាច់សត្វ លក់ស៊ុតសត្វ អ្នកពិឃាតសត្វអ្នកចិញ្ចឹមសត្វ ចែកខិតប័ណ្ណ ព្រមទាំងធ្វើជីវៈសុវត្ថិភាពដើម្បីការពារជំងឺផ្តាសាយបក្សីនៅកន្លែងទិញលក់កន្លែងស្តុប និងកន្លែងពិឃាតបក្សីចំនួន៣៩កន្លែង។
លោកប្រធានការិយាល័យពេទ្យសត្វបានបញ្ជាក់ថា ថ្វីបើមិនទាន់មានកើតជំងឺផ្ដាសាយនៅខេត្តយើងក៏ពិតមែន ក៏ប៉ុន្តែនេះជាវិធានការទប់ស្កាត់ ចាំបាច់ដើម្បីបញ្ជាសឲ្យបានពីការផ្ទុះនៅជំងឺផ្ដាសាយបក្សី ។
ចែករំលែកព័តមាននេះ