ខេត្តស្ទឹងត្រែង ៖ កម្លាំងមន្ត្រីខណ្ឌរដ្ឋបាលព្រៃឈើខេត្ត ដោយមានការសហការពីនគរបាលអន្តរាគមន៍ខេត្តបានចុះឡោមព័ទ្ធផ្ទះសំណាក់យីហោសុផល និងសុំដីកាព្រះរាជអាជ្ញាឆែកឆេរផ្ទះសំណាក់នោះ ក្រោយពី មានសេចក្តីរាយការណ៍ថា មានឈ្មួញលាក់ទុកឈើប្រណីតប្រភេទគ្រញូងក្នុងនោះជាច្រើន។ ហេតុការណ៍នេះបានកើត
ខេត្តស្ទឹងត្រែង ៖ កម្លាំងមន្ត្រីខណ្ឌរដ្ឋបាលព្រៃឈើខេត្ត ដោយមានការសហការពីនគរបាលអន្តរាគមន៍ខេត្តបានចុះឡោមព័ទ្ធផ្ទះសំណាក់យីហោសុផល និងសុំដីកាព្រះរាជអាជ្ញាឆែកឆេរផ្ទះសំណាក់នោះ ក្រោយពី មានសេចក្តីរាយការណ៍ថា មានឈ្មួញលាក់ទុកឈើប្រណីតប្រភេទគ្រញូងក្នុងនោះជាច្រើន។ ហេតុការណ៍នេះបានកើតឡើងនៅវេលាម៉ោង១និង១០នាទីរសៀល ថ្ងៃទី១៧ ឧសភា ២០១១ ស្ថិតក្នុងភូមិវាលព្រីង សង្កាត់-ក្រុងស្ទឹងត្រែង។
ប្រភពព័ត៌មានពីមន្រ្តីរដ្ឋបាលព្រៃឈើបានឲ្យដឹងថា ក្រោយពីការសង្កេតឃើញមានការដឹកជញ្ជូនឈើប្រណីតចេញចូលជារឿយៗស្ទើរតែពុំលស់ថ្ងៃនោះក៏មានអ្នករាយការណ៍ដល់រដ្ឋបាលព្រៃឈើថាមានការស្តុកឈើគ្រញូងច្រើន ទើបឈានដល់ការឡោមព័ទ្ធ។ ក្រោយពេលសុំដីកាតុលាការអមមកជាមួយដោយលោកម៉ែន វណ្ណៈ ចៅក្រមតុលាការផង នោះក៏មានការឆែកឆេររកឃើញឈើគ្រញូងចំនួន៥៤ដុំស្មើនឹង៦ផ្លានត្រូវបានរដ្ឋបាលព្រៃឈើរឹបអូសយកទៅរក្សាទុកនៅខណ្ឌរដ្ឋបាលព្រៃឈើខេត្ត។
ក្នុងហេតុការណ៍នោះគេសង្កេតឃើញម្ចាស់ផ្ទះសំណាក់ពុំមានការព្រួយបារម្ភអ្វីឡើយ ក្រោយពីបានឃើញកម្លាំងចំរុះមករឹបអូសឈើដែលឈ្មួញបានដឹកចេញចូលពីផ្ទះសំណាក់របស់ខ្លួនថែមទាំងនិយាយបែបចំអកដាក់សមត្ថកិច្ចទៀតផង។ បច្ចុប្បន្នវត្ថុតាងត្រូវបានយកមករក្សាទុកនៅខណ្ឌរដ្ឋបាលព្រៃឈើ និងត្រូវឲ្យម្ចាស់ឈើចូលខ្លួនបង់លើការផាក់ពិន័យផងដែរ៕
ចែករំលែកព័តមាននេះ