រាជធានីភ្នំពេញ ៖ តាមប្រភពព័ត៌មានដែលមិនទាន់ជាផ្លូវការនៅឡើយបានបង្ហើបឱ្យដឹងថា កាលពីវេលាម៉ោង៧យប់ ថ្ងៃទី១៧ ឧសភា មានមនុស្ស៤នាក់បងប្អូនជិះរថយន្តមួយគ្រឿងម៉ាក LEXUS RX 300 នាំគ្នាចូលហូបស៊ុបនៅក្នុងភោជនីយដ្ឋានមួយកន្លែងស្ថិតនៅផ្លូវលេខ២៩ កែងមហាវិថីព្រះសីហនុ សង្កាត់ទន្លេបាសាក់ ខណ្ឌចំការមន
រាជធានីភ្នំពេញ ៖ តាមប្រភពព័ត៌មានដែលមិនទាន់ជាផ្លូវការនៅឡើយបានបង្ហើបឱ្យដឹងថា កាលពីវេលាម៉ោង៧យប់ ថ្ងៃទី១៧ ឧសភា មានមនុស្ស៤នាក់បងប្អូនជិះរថយន្តមួយគ្រឿងម៉ាក LEXUS RX 300 នាំគ្នាចូលហូបស៊ុបនៅក្នុងភោជនីយដ្ឋានមួយកន្លែងស្ថិតនៅផ្លូវលេខ២៩ កែងមហាវិថីព្រះសីហនុ សង្កាត់ទន្លេបាសាក់ ខណ្ឌចំការមន តែមិនទាន់បានចូលហូបផងក៏ត្រូវចោរប្លន់២នាក់ស្លៀកពាក់ស៊ីវិលជិះម៉ូតូមួយគ្រឿងភ្ជង់ប្លន់យកស្បោងប្រាក់ដែលតាមការអះអាងថា អស់ជាង២ម៉ឺនដុល្លារ។
តាមប្រភពព័ត៌មានដដែលបានឱ្យដឹងបន្តទៀតថា ម្ចាស់លុយដែលក្រុមចោរតាមប្លន់យកក្នុងហេតុការណ៍ខាងលើនេះទើបនឹងបើកប្រាក់ចេញពីធនាគារមួយនៅក្នុងរាជធានីភ្នំពេញ ហើយលុយដែលម្ចាស់ប្រាក់ទើបបើកពីធនាគារនោះ គឺជាប្រាក់ដែលម្តាយរបស់ពួកគេរស់នៅក្រៅប្រទេសផ្ញើមកឱ្យពួកគេដែលជាកូនៗដើម្បីទិញផ្ទះ។ ប៉ុន្តែពេលក្រុមកូនៗបើកប្រាក់បានហើយពួកគេនាំគ្នាទៅរកកន្លែងហូបស៊ុបក៏ត្រូវចោរតាមប្លន់យកស្បោងប្រាក់ទៅអស់តែម្តង។
ហេតុការណ៍ខាងលើនេះសមត្ថកិច្ចកំពុងធ្វើការស្រាវជ្រាវជុំវិញព័ត៌មានដែលកើតមានឡើង។ សមត្ថកិច្ចបានសម្តែងមន្ទិលសង្ស័យថា ករណីខាងលើនេះកើតឡើងដូចជាពុំសមហេតុសមផលឡើយ។ ទោះជាមានការសង្ស័យទៅលើបញ្ហាផ្សេងៗក្តីក៏សមត្ថកិច្ចពុំហ៊ានបដិសេធថា គ្មានអំពើប្លន់ខាងលើនេះកើតឡើងដែរ ៕
ចែករំលែកព័តមាននេះ