ដឹកដីស្អុយចាក់ហៀរប្រឡាក់ផ្លូវ បង្កការក្តៅក្រហាយពីអ្នកដំណើរ និងស្នើដល់អាជ្ញាធរចុះត្រួតពិនិត្យ
- ភ្នំពេញ
រាជធានីភ្នំពេញ ៖ គំនរដីស្អុយមួយកន្លែងត្រូវគេដឹកយកទៅចាក់គរ និងហៀរប្រឡាក់ពេញផ្លូវបង្ក
រាជធានីភ្នំពេញ ៖ គំនរដីស្អុយមួយកន្លែងត្រូវគេដឹកយកទៅចាក់គរ និងហៀរប្រឡាក់ពេញផ្លូវបង្ក
រាជធានីភ្នំពេញ ៖ គំនរដីស្អុយមួយកន្លែងត្រូវគេដឹកយកទៅចាក់គរ និងហៀរប្រឡាក់ពេញផ្លូវបង្កអោយមានការក្តៅក្រហាយពីអ្នកដំណើរ ទទូចស្នើសុំដល់អាជ្ញាធរ មេត្តាចុះទៅត្រួតពិនិត្យ និងណែនាំ អោយម្ចាស់លាងសំអាត ដើម្បីបញ្ជៀសការគ្រោះថ្នាក់ដល់អ្នកដំណើរ និងប៉ះពាល់ដល់បរិស្ថានជុំវិញ ។
ដីស្អុយដែលចាក់ហៀរប្រឡាក់ផ្លូវនោះ ស្ថិតនៅតាមផ្លូវបេតុង ខាងលិចវត្តឃ្មួញ ស្ថិតក្នុងភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ ។
តាមប្រភពពីប្រជាពលរដ្ឋបានឱ្យកោះសន្តិភាពដឹងថា ដីស្អុយនោះត្រូវបានរថយន្តដឹកចេញពីការដ្ឋានសាងសង់នៅក្នុងរាជធានីភ្នំពេញទៅចាក់ក្នុងដីឡូតិ៍ខាងលើ តែពេលយប់អស់រយៈពេល ប្រមាណ២ខែមកហើយ ដើម្បីហាលអោយស្ងួតលក់បន្តទៀត ។ នៅក្នុងការចាក់គរដីស្អុយហៀរពេញផ្លូវ រួមនឹងដីជ្រុះបណ្តាលឱ្យផ្លូវបេតុងក្លាយទៅជាផ្លូវដីហុយទ្រលោមនៅពេលស្ងួត និងពេលមានភ្លៀងធ្លាក់បង្កអោយកើតមានគ្រោះថ្នាក់ជាយថាហេតុ ។
តាមប្រភពពីប្រជាពលរដ្ឋម្នាក់ដែលលក់ដូរនៅតាមដងផ្លូវបានអោយដឹងថា ចាប់តាំងពីគេដឹកដីស្អុយ យកទៅចាក់នៅតំបន់នោះ ពេលជិះម៉ូតូឆ្លងកាត់ស្ទើរមើលផ្លូវលែងឃើញ ព្រោះដីស្អុយបានជ្រុះពេញផ្លូវហុយទ្រលោម និងបង្កគ្រោះថ្នាក់រអិលម៉ូតូនៅពេលជិះឆ្លងកាត់ពេលភ្លៀងធ្លាក់ ។ ពលរដ្ឋរូបនោះ ក៍បានអោយដឹងទៀតថា បើប្រជាពលរដ្ឋតូចតាចគ្រាន់ចាក់ដីតែ១ឡានហៀរចូលផ្លូវ អាជ្ញាធរ មើលឃើញណាស់បានចុះមកណែនាំ និងអោយលាងផ្លូវ តែបើគេចាក់ដីស្អុយរាប់ពាន់ឡាន.គរដូចភ្នំនិងហៀរប្រឡាក់ផ្លូវបែបនេះ បែរជាស្ងាត់ជ្រៀប។
ប្រជាពលរដ្ឋក៏បានស្នើរសុំដល់អាជ្ញាធរខណ្ឌសែនសុខ មេត្តាចុះទៅត្រួតពិនិត្យ និងណែនាំដល់ម្ចាស់ទីតាំង សូមជួយលាងសំអាតផង ព្រោះដីស្អុយនោះកំពុងធ្វើបង្កអោយប៉ះពាល់ដល់បរិស្ថាន និងបង្កអោយកើតមានគ្រោះថ្នាក់ដល់អ្នកដំណើរ ៕
ចែករំលែកព័តមាននេះ