សកម្មភាពកីឡានៅអ៊ីស្រាអែលត្រូវលុបចោល អត្តពលិកបរទេសចាកចេញពីប្រទេសនេះ
អ៊ីស្រាអែល ៖ ប្រទេសអ៊ីស្រាអែលកំពុងជួបទុក្ខធំ បន្ទាប់ពីការវា.យប្រហារដ៏ភ្ញាក់ផ្អើល និងរន្ធត់ជាទី
អ៊ីស្រាអែល ៖ ប្រទេសអ៊ីស្រាអែលកំពុងជួបទុក្ខធំ បន្ទាប់ពីការវា.យប្រហារដ៏ភ្ញាក់ផ្អើល និងរន្ធត់ជាទី
អ៊ីស្រាអែល ៖ ប្រទេសអ៊ីស្រាអែលកំពុងជួបទុក្ខធំ បន្ទាប់ពីការវា.យប្រហារដ៏ភ្ញាក់ផ្អើល និងរន្ធត់ជាទីបំផុតពីសំណាក់ក្រុមសកម្មប្រយុទ្ធហាម៉ាស កាលពីថ្ងៃទី៧ ខែតុលា ឆ្នាំ២០២៣។ ជាលទ្ធផលនៃការវា.យប្រហារនេះ បណ្តាលឱ្យមនុស្សច្រើនជាង ៣០០នាក់បាត់បង់ជីវិត និងខូចខាតហេដ្ឋារចនាសម្ព័ន្ធជាច្រើនផងដែរ។ នេះបើយោងតាមរបាយការណ៍ចុងក្រោយរបស់បណ្តាសារព័ត៌មានធំៗ នៅជុំវិញពិភពលោកបានចេញផ្សាយ។
ពាក់ព័ន្ធការវា.យប្រហារដ៏រន្ធ.ត់នេះ ព្រឹត្តិការណ៍កីឡាទាំងអស់នៅប្រទេសអ៊ីស្រាអែល ត្រូវបានលុបចោល។ ស្របពេលក្លិបកីឡាមួយចំនួនធំ បានអនុញ្ញាតឱ្យអត្តពលិកបរទេសរបស់ពួកគេចាកចេញពីប្រទេសផងដែរ។
នៅព្រឹកថ្ងៃ៧ ខែតុលា កន្លងទៅ ការវា.យប្រហារដោយមីស៊ីលដ៏គួរភ្ញាក់ផ្អើលបំផុតមួយ ត្រូវបានបាញ់ចេញពីតំបន់ហ្គាហ្សាស្ទ្រីប។ ក្រុមហាម៉ាសប៉ាឡេស្ទីន អាចជ្រៀតចូលអ៊ីស្រាអែលតាមទម្រង់ផ្សេងៗ នៃការដឹកជញ្ជូន និងបានអនុវត្តការវា.យប្រហារដែលមិនធ្លាប់មានពីមុនមក។ ការវា.យប្រហារនេះ ត្រូវបានចាប់ផ្តើមអំឡុងពេលគម្រប់ខួប៥០ឆ្នាំនៃសង្គ្រាម យម គីពពួរ (Yom Kippur) ខណៈពលរដ្ឋអ៊ីស្រាអែលមួយចំនួន ត្រូវបានចាប់ពង្រត់ផងដែរ។ ការត្រៀមខ្លួនធ្វើសង្គ្រាម ត្រូវបានប្រកាសនៅក្នុងប្រទេសអ៊ីស្រាអែលទាំងមូល ហើយការចល័តទ័ពទ្រង់ទ្រាយធំបានចាប់ផ្តើម។
ក្រសួងវប្បធម៌ និងកីឡារបស់អ៊ីស្រាអែល បានប្រកាសថា រាល់ព្រឹត្តិការណ៍កីឡាទាំងអស់នឹងត្រូវលុបចោលរហូតដល់មានការជូនដំណឹងបន្ថែមទៀត។ ជាមួយគ្នានោះផងដែរ ក្លិបបាល់ទាត់ជាច្រើនដូចជា Maccabi Haifa, Beitar Jerusalem, Hapoel Be’er Sheva, Hapoel Tel Aviv និង Maccabi Tel Aviv បានសម្រេចចិត្ត ដើម្បីអនុញ្ញាតឱ្យកីឡាករបរទេសរបស់ពួកគេចាកចេញពីប្រទេសអ៊ីស្រាអែល ប្រសិនបើពួកគេចង់ធ្វើដូច្នេះ។
ក្លិបបាល់បោះ Hapoel Be’er Sheva បានអនុញ្ញាតកីឡាករបរទេសរបស់ពួកគេចាកចេញផងដែរ ហើយកំពុងធ្វើការឆ្ពោះទៅរកការប្រតិបត្តិ នៃដំណើរការដែលនឹងអនុញ្ញាតកីឡាករទាំងអស់ ព្រមទាំងក្រុមគ្រួសាររបស់ពួកគេជម្លៀសខ្លួនចេញដោយសុវត្ថិភាព។ ស្របពេលដែលក្លិបកីឡាជាច្រើនផ្សេងទៀត បាននឹងកំពុងធ្វើសកម្មភាពដូចគ្នានេះផងដែរ។ ហើយរហូតមកទល់ពេលនេះ នៅមិនទាន់មានរបាយការណ៍ណាមួយបញ្ជាក់អំពី ការខូចខាតក្នុងវិស័យកីឡារបស់ប្រទេសអ៊ីស្រាអែលនៅឡើយទេ។
លោក ប៊េនចាមីន ណេតាន់យ៉ាហ៊ូ (Benjamin Netanyahu) នាយករដ្ឋមន្ត្រីប្រទេសអ៊ីស្រាអែល បានថ្លែងនៅក្នុងសេចក្តីថ្លែងការណ៍ជាសាធារណៈមួយថា «ប្រជាពលរដ្ឋអ៊ីស្រាអែល យើងកំពុងមានសង្គ្រាម។ ក្រុមហាម៉ាស់បានបើកការវាយប្រហារដ៏គួរឱ្យភ្ញាក់ផ្អើលប្រឆាំងនឹងរដ្ឋអ៊ីស្រាអែល និងប្រជាពលរដ្ឋរបស់ខ្លួន។ ការអធិស្ឋានរបស់ខ្ញុំ គឺជាមួយអ៊ីស្រាអែល»។
ប្រធានាធិបតីសហរដ្ឋអាមេរិក លោក ចូ បៃដិន (Joe Biden) កាលពីថ្ងៃទី៨ ខែតុលា កន្លងទៅ បានប្រកាសថ្កោលទោសការវា.យប្រហារររបស់ក្រុមសកម្មប្រយុទ្ធហាម៉ាសមកពីតំបន់ហ្គាហ្សាលើអ៊ីស្រាអែលជាសាធារណៈ។ លោកក៏បានប្រកាសគាំទ្រ ក៏ដូចជាធានាដល់អ៊ីស្រាអែលជាមួយពាក្យឃ្លាថា «ការគាំទ្ររបស់រដ្ឋបាលរបស់ខ្ញុំសម្រាប់សន្តិសុខអ៊ីស្រាអែលគឺរឹងមាំ ហើយឥតងាករេ»៕ (ប្រភពពី BasketNews)
ចែករំលែកព័តមាននេះ