អស្ចារ្យណាស់! World Cup 2030 នឹងធ្វើឡើងក្នុងប្រទេសចំនួន៦ នៅ៣ទ្វីបផ្សេងគ្នា
អន្តរជាតិ ៖ សហព័ន្ធបាល់ទាត់ពិភពលោក FIFA បានប្រកាសថា ព្រឹត្តិការណ៍បាល់ទាត់ពិភពលោក
អន្តរជាតិ ៖ សហព័ន្ធបាល់ទាត់ពិភពលោក FIFA បានប្រកាសថា ព្រឹត្តិការណ៍បាល់ទាត់ពិភពលោក
អន្តរជាតិ ៖ សហព័ន្ធបាល់ទាត់ពិភពលោក FIFA បានប្រកាសថា ព្រឹត្តិការណ៍បាល់ទាត់ពិភពលោកឆ្នាំ ២០៣០ (FIFA World Cup 2030) នឹងត្រូវរៀបចំឡើងនៅក្នុងប្រទេសចំនួន ៦ នៅ៣ទ្វីបផ្សេងគ្នា ដោយក្នុងនោះ ប្រទេសអេស្ប៉ាញ ព័រទុយហ្គាល់ និងម៉ារ៉ុក ត្រូវបានប្រកាសជាសហម្ចាស់ផ្ទះ ខណៈការប្រកួតបើកឆាកចំនួន ៣ នឹងធ្វើឡើងក្នុងប្រទេសអ៊ុយរ៉ាហ្គាយ អាហ្សង់ទីន និងប៉ារ៉ាហ្គាយ។ នេះបើយោងតាមប្រភពពី BBC ចេញផ្សាយកាលពីថ្ងៃទី០៤ ខែតុលា ឆ្នាំ២០២៣ កន្លងទៅ។
ការប្រកួតបើកឆាកព្រឹត្តិការណ៍ World Cup 2030 នឹងត្រូវធ្វើឡើងក្នុងប្រទេសនៅទ្វីបអាមេរិកខាងត្បូង ដើម្បីប្រារព្ធខួប១សតវត្សនៃការប្រកួត World Cup ព្រោះនឹងមានរយៈពេល១០០ឆ្នាំ ចាប់តាំងពីការប្រកួតបើកឆាកនៅក្នុងទីក្រុង Montevideo ប្រទេសអ៊ុយរ៉ាហ្គាយ កាលពីឆ្នាំ ១៩៣០។ ការសម្រេចចិត្តនេះ នឹងត្រូវផ្តល់សច្ចាប័ននៅក្នុងសមាជរបស់ FIFA នៅឆ្នាំក្រោយ។
FIFA ក៏បានបញ្ជាក់ផងដែរនូវការដេញថ្លៃពីប្រទេសមកពីសហព័ន្ធបាល់ទាត់អាស៊ី ហើយសហព័ន្ធបាល់ទាត់អូសេអានី ដែលនឹងត្រូវបានពិចារណាសម្រាប់ព្រឹត្តិការណ៍នៅឆ្នាំ ២០៣៤ ហើយបន្ទាប់ពីការសម្រេចចិត្តនេះ អារ៉ាប៊ីសាអូឌីតក៏បានប្រកាសថា ខ្លួននឹងដេញថ្លៃធ្វើជាម្ចាស់ផ្ទះការប្រកួតជាលើកដំបូងនៅឆ្នាំ ២០៣៤ ផងដែរ។
ក្នុងការធ្វើម្ចាស់ផ្ទះការប្រកួត World Cup ច្រើនទ្វីបបែបនេះ បានទាក់ទាញការរិះគន់ ដោយមានអ្នកខ្លះបានចោទប្រកាន់ស្ថាប័នគ្រប់គ្រងបាល់ទាត់ពិភពលោកមួយនេះថា ចូលរួមក្នុងវដ្ត នៃការបំផ្លិចបំផ្លាញប្រឆាំងនឹងការប្រកួតដ៏អស្ចារ្យបំផុតរបស់បាល់ទាត់ពិភពលោក។ ប៉ុន្តែទោះយ៉ាងណាក៏ដោយ លោក Gianni Infantino ប្រធាន FIFA បានថ្លែងថា «នៅក្នុងពិភពលោក ដែលបែកបាក់គ្នា FIFA និងបាល់ទាត់គឺជាការរួបរួមគ្នា។
ជាក់ស្តែងនៅឆ្នាំ ២០៣០ យើងនឹងមានការបោះជំហានជាសកលតែមួយគត់ ដោយទ្វីបចំនួន៣ គឺ អាហ្វ្រិក អឺរ៉ុប និងអាមេរិកខាងត្បូង ជាមួយនឹងប្រទេសចំនួន៦ គឺ អាហ្សង់ទីន ម៉ារ៉ុក ប៉ារ៉ាហ្គាយ ព័រទុយហ្គាល់ អេស្ប៉ាញ និងអ៊ុយរូហ្គាយ ដែលជាការស្វាគមន៍ និងបង្រួបបង្រួមពិភពលោក ខណៈពេលដែលការប្រារព្ធការប្រកួតដ៏ស្រស់ស្អាតជាមួយគ្នារយៈពេល១០០ឆ្នាំ និង FIFA World Cup»។
ប្រសិនបើសំណើព្រឹត្តិការណ៍ឆ្នាំ ២០៣០ ត្រូវបានអនុម័តជាផ្លូវការនោះ ម៉ារ៉ុកនឹងក្លាយជាប្រទេសអាហ្វ្រិកទី២ ដែលធ្វើម្ចាស់ផ្ទះ World Cup បន្ទាប់ពីអាហ្វ្រិកខាងត្បូង កាលពីឆ្នាំ ២០១០។ ដូចគ្នានឹងការប្រកួត World Cup លើកមុនៗដែរ អ៊ុយរូហ្គាយ អាហ្សង់ទីន ប៉ារ៉ាហ្គាយ អេស្ប៉ាញ ព័រទុយហ្គាល់ និងម៉ារ៉ុក ទទួលបានកៅអីប្រកួត World Cup ដោយស្វ័យប្រវត្តិក្នុងនាមជាសហម្ចាស់ផ្ទះ៕ (ប្រភពពី BBC)
ចែករំលែកព័តមាននេះ