ភ្នំពេញ៖ សម្តេចធិបតី នាយករដ្ឋមន្ត្រី ហ៊ុន ម៉ាណែត បានទទួល​ជួបពិភាក្សាការងារជាមួយ​ឯកអគ្គរាជទូត និងឯកអគ្គរដ្ឋទូត ៥ប្រទេស នៅក្នុងជំនួប​ដាច់ដោយឡែកពីគ្នា នៅវិមានសន្តិភាព​ នាថ្ងៃទី៤ ខែតុលា ឆ្នាំ២០២៣ នេះ​។

ដំបូង សម្តេចធិបតី ហ៊ុន ម៉ាណែត បាន​ជួបជាមួយ​លោក​ ដូមីនិក វីល្លៀម (Dominic Williams) ឯកអគ្គរាជទូត នៃចក្រភពអង់គ្លេស ប្រចាំព្រះរាជាណាចក្រកម្ពុជា។​

បន្ទាប់មក សម្តេចធិបតី ហ៊ុន ម៉ាណែត បានទទួល​ជួបជាមួយលោក ហ្សាហៀរូឌីន បាបា ថាហ៊ីម (Zaheeruddin Babar Thaheem) ឯកអគ្គរដ្ឋទូត នៃសាធារណរដ្ឋអ៊ីស្លាមប៉ាគីស្ថាន ប្រចាំព្រះរាជាណាចក្រកម្ពុជា។

សម្តេចធិបតី ហ៊ុន ម៉ាណែត ក៏បាន​ជួបជាមួយ​លោកស្រី​បណ្ឌិត ដេវីយ៉ានី អ៊ុតាំ ខូប្រាហ្គេត (Devyani Uttam Khobragade) ឯកអគ្គរដ្ឋទូតឥណ្ឌា ប្រចាំកម្ពុជា។

នៅថ្ងៃទី៤តុលានេះ សម្តេចធិបតី ហ៊ុន ម៉ាណែត ក៏បានជួបជាមួយលោកស្រី​ លីយូកា រូឌ្រីហ្គេស បារីយ៉ូស (Liurka Rodriquez Barrios) ឯកអគ្គរដ្ឋទូតគុយបា ប្រចាំព្រះរាជាណាចក្រកម្ពុជា។

ចុងក្រោយ សម្តេចធិបតី ហ៊ុន ម៉ាណែត បានទទួល​ជួបជាមួយលោកស្រី​ អ៊ូឃូ ខូចាអេសហ៊្វេ (ÜIKÜ Kocaefe)  ឯកអគ្គរដ្ឋទូត នៃសាធារណរដ្ឋតួកគី ប្រចាំ​កម្ពុជា​ផងដែរ៕