ស.ពយុវជនម្នាក់លោ.តទឹកពីលើស្ពានជ្រោយចង្វារកាលពីយប់ថ្ងៃអាទិត្យ បានអណ្តែតហើយ
- ភ្នំពេញ
រាជធានីភ្នំពេញ ៖ យុវជនម្នាក់ ដែលបានជិះម៉ូតូមួយគ្រឿងទៅលោ.តទឹកពីលើស្ពានជ្រោយចង្វារ
រាជធានីភ្នំពេញ ៖ យុវជនម្នាក់ ដែលបានជិះម៉ូតូមួយគ្រឿងទៅលោ.តទឹកពីលើស្ពានជ្រោយចង្វារកាលពីយប់ថ្ងៃទី០១ ខែតុលា ឆ្នាំ ២០២៣ បន្សល់ទុកតែស្បែកជើង ម៉ូតូ និងទូរស័ព្ទ នៅលើស្ពាន ពេលនេះស.ពបុរសរងគ្រោះបានអណ្តែតឡើងហើយកាលពីវេលាម៉ោង១១ព្រឹកថ្ងៃទី៣ ខែតុលា ឆ្នាំ ២០២៣នេះ នៅក្រោមស្ពានជ្រោយចង្វារ នៅឡើយតែស.ពបុរសម្នាក់ជាអ្នកដឹកអីវ៉ាន់តាមអនឡាញរកពុំទាន់ឃើញនៅឡើយ ។
ស.ពយុរជនដែលគិតខ្លីរូបនោះ ត្រូវបានក្រុមគ្រួសារអោយដឹងថាឈ្មោះ កែម សំណាង ភេទប្រុស អាយុ១៦ឆ្នាំ ជាកម្មករសំណង់ មានទីលំនៅម្តុំថ្មដា ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។
ទាក់ទិននឹងការគិតខ្លីរបស់យុវជនរងគ្រោះខាងលើនេះ ត្រូវបានក្រុមគ្រួសារអោយដឹងថា ដោយសារតែជនរងគ្រោះតូចចិត្តខ្លួនឯង ឃាត់ឪពុកកុំអោយផឹកស្រារករឿងឈ្លោះប្រកែកគ្នាជាម្តាយ ហើយឪពុកមិនស្តាប់ក៍បានជិះម៉ូតូមកលោ.តទឹកតែម្តង។
គួរបញ្ជាក់ថា កាលពីវេលាម៉ោង១០និង៣០នាទីយប់ថ្ងៃទី១ ខែតុលា ឆ្នាំ២០២៣ មានការភ្ញាក់ផ្អើលយ៉ាងខ្លាំងនៅចំណុចលើស្ពានជ្រោយចង្វារចាស់ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញបន្ទាប់ពីយុវជនខាងលើបានជិះម៉ូតូ១គ្រឿង មកលោ.តទឹកពីលើស្ពានជ្រោយចង្វារ ហើយលិចបាត់រកស.ពពុំឃើញ បន្សល់ទុកតែស្បែកជើង និងម៉ូតូមួយគ្រឿងម៉ាកហុងដាឌ្រីម ធុនសេ១២៥ ពណ៌ខ្មៅពាក់ស្លាកលេខ ភ្នំពេញ 1JV-5724និងទូរស័ព្ទ ។ បន្ទាប់ពីភ្ញាក់ផ្អើល នគរបាលមូលដ្ឋានក៏បានចុះទៅកន្លែងកើតហេតុ រួចក៍បានយកម៉ូតូទៅរក្សាទុកប្រគល់អោយក្រុមគ្រួសារ។ ភ្លាមៗ ក្រុមគ្រួសារ ក៏បានចុះទៅដល់កន្លែងកើតហេតុហេតុ និងបានយំសោកយ៉ាងខ្លាំងនៅពេលដែលកូនជាទីស្រលាញ់បានគិតខ្លីបែបនេះ។
តាមស្ត្រីជាម្តាយបានអោយដឹងថា មុនពេលកើតហេតុ ឪពុកបានផឹកស្រាស្រវឹងឈ្លោះប្រកែកគ្នាក្នុងគ្រួសារ ហើយកូនទ្រាំលែងបានតូចចិត្តខ្លួនឯងទាញម៉ូតូជិះមកលោ.តទឹកតែម្តង ។ លុះព្រឹកថ្ងៃទី៣ខែ តុលា ឆ្នាំ ២០២៣ ស.ពបានអណ្តែតឡើង ត្រូវបានជនជាតិអ៊ីស្លាម ប្រទះឃើញអូសចូលខាងប្រគល់អោយក្រុមគ្រួសារនាំយកទៅធ្វើបុណ្យ ។
ដោយឡែក ស.ពបុរសម្នាក់ឈ្មោះសុខ វិសាល អាយុ២៣ឆ្នាំ ដែលជាអ្នកដឹកអ៊ីវ៉ាន់តាមអនឡាញ ដែលបានលោ.តទឹកពីលើស្ពានជ្រោយចង្វារ កាលពីវេលាម៉ោង៦និង៣០នាទីព្រឹកថ្ងៃទី២៩ ខែកញ្ញា ឆ្នាំ ២០២៣ បន្សល់ទុកម៉ូតូស្បែកជើង ទូរស័ព្ទ ប័ណ្ណសំគាល់ខ្លួន និងលិខិតបណ្តាំរហូតមកដល់ថ្ងៃនេះ មិនទាន់រកស.ពឃើញនៅឡើយ ទោះបីមានការជួយអន្តរាគមន៍ស្វែងរក ពីក្រុមសង្គ្រោះបន្ទាន់៩១១ យ៉ាងណាក៏ដោយ ៕
ចែករំលែកព័តមាននេះ