ករណីរថយន្តព្រូស១គ្រឿងអត់ស្លាកលេខ ហើយត្រូវបានអ្នកភូមិប្រទះឃើញ រួចរាយការណ៍ជូននគរបាលឲ្យចុះទៅពិនិត្យមើល ដោយសង្ស័យថា ត្រូវជនមិនស្គាល់អត្តសញ្ញាណយកមកប្លុ.ងចោលនោះ ពេលនេះត្រូវ
រាជធានីភ្នំពេញ ៖ បើគិតរហូតមកដល់រសៀលថ្ងៃទី០៣ ខែតុលា ឆ្នាំ២០២៣ នេះ ករណីរថយន្តព្រូស១គ្រឿងអត់ស្លាកលេខ ហើយត្រូវបានអ្នកភូមិប្រទះឃើញ រួចរាយការណ៍ជូននគរបាលឲ្យចុះទៅពិនិត្យមើល ដោយសង្ស័យថា ត្រូវជនមិនស្គាល់អត្តសញ្ញាណយកមកប្លុ.ងចោលនោះ ពេលនេះត្រូវនគរបាលប៉ុស្តិ៍ចោមចៅទី២ ធ្វើការស្រាវជ្រាវ និងរកឃើញម្ចាស់ហើយ គឺម្ចាស់រថយន្តរូបនេះរស់នៅឃុំបែកចាន ស្រុកអង្គស្នួល ខេត្តកណ្តាល ហើយនគរបាលនឹងឲ្យម្ចាស់រថយន្តយកឯកសារមកផ្ទៀងផ្ទាត់ រួចប្រគល់ជូនម្ចាស់ដើមវិញ។
ហេតុការណ៍បង្កការភ្ញាក់ផ្អើលខាងលើនេះ បានកើតឡើងនៅចំណុចផ្លូវលំ កែងផ្លូវជាតិលេខ៣ ស្ថិតក្នុងភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ហើយត្រូវបានអ្នកភូមិរាយការណ៍ជូននគរបាលឲ្យទៅពិនិត្យមើល និងនាំយកទៅរក្សាទុកកាលពីវេលាម៉ោង៨ព្រឹក ថ្ងៃទី៣ ខែតុលា ឆ្នាំ២០២៣មកម្ល៉េះ។
គួរបញ្ជាក់ថា តាមពិតរថយន្តខាងលើនេះ ពុំមែនជារថយន្តដែលប្លុ.ងចោលនោះទេ គឺខណៈពេលបើកបរសុខៗ ស្រាប់តែខូចប្រព័ន្ធហ្វ្រាំង ABS ទៅមុខក៏ពុំរួច ថយក្រោយក៏ពុំរួច និងអូសសណ្តោងក៏មិនរួចដែរ ទើបម្ចាស់រថយន្តដោះស្លាកលេខទាំងមុខទាំងក្រោយចេញសិន។ ដោយម្ចាស់រថយន្តបានទុកចោលនៅចំណុចកើតហេតុខាងលើនោះមួយយប់សិន រង់ចាំព្រឹកឡើង ចាំស្ទូចយកទៅដាក់ឲ្យជាងធ្វើការជួសជុល ប៉ុន្តែដោយសារតែម្ចាស់រថយន្តមានការយឺតយ៉ាវទុករថយន្តចោលយូរពេក ទើបបង្កឲ្យមានការភ្ញាក់ផ្អើលថា មានអ្នកយកទៅប្លុ.ងចោលបែបនេះ។
គួររំលឹកថា រថយន្តម៉ាកតូយ៉ូតាព្រូសអត់ស្លាកលេខ១គ្រឿង ត្រូវបានជនមិនស្គាល់មុខបើកយកទៅប្លុ.ងចោល ហើយអ្នកភូមិក៏បានរាយការណ៍ជូនកម្លាំងនគរបាលប៉ុស្តិ៍ចោមចៅទី២ ឲ្យចុះទៅពិនិត្យមើលនិងនាំយកទៅរក្សាទុកបណ្ដោះអាសន្ននៅប៉ុស្តិ៍ ដើម្បីធ្វើការស្រាវជ្រាវរកម្ចាស់និងមូលហេតុដែលយករថយន្តប្លុងចោលបែបនេះ។
ជនមិនស្គាល់មុខបានបើកយករថយន្តនោះទៅប្លុ.ងចោលនៅតាមផ្លូវលំកែងផ្លូវជាតិលេខ៣ ភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ហើយត្រូវបានអ្នកភូមិរាយការណ៍ជូននគរបាលឲ្យទៅពិនិត្យមើលនិងនាំយកទៅរក្សាទុកកាលពីវេលាម៉ោង៨ព្រឹកថ្ងៃទី៣ ខែតុលា ឆ្នាំ២០២៣ ។
បើតាមអ្នកភូមិបាននិយាយថា រថយន្តមួយគ្រឿងខាងលើនោះម៉ាកតូយ៉ូតាព្រូស ស៊េរីឆ្នាំ២០០៥ ពណ៌ក្រហម អត់មានស្លាកលេខនោះទេ ហើយពួកគាត់ពុំបានដឹងថា តើនរណាជាអ្នកបើកយកទៅប្លុ.ងចោលត្រង់ចំណុចខាងលើនោះ និងតាំងពីពេលណានោះឡើយ?។ ពួកគាត់ប្រទះឃើញនៅវេលាម៉ោង៨យប់ ថ្ងៃទី២ ខែតុលា ឆ្នាំ២០២៣ ហើយនៅពេលប្រទះឃើញភ្លាមៗនោះ ពួកគាត់ពុំបានចាប់អារម្មណ៍ថា ជារថយន្តដែលត្រូវជនមិនស្គាល់មុខយកទៅប្លុ.ងចោលបែបនេះឡើយ។
គួររំលឹកទៀតថា ៖ ឡានព្រូស១គ្រឿង ត្រូវជនមិនស្គាល់មុខបើកយកទៅប្លុងចោល ផ្អើលអ្នកភូមិទាំងព្រឹក ៕
ចែករំលែកព័តមាននេះ