ជើងឯករត់ម៉ារ៉ាតុងអូឡាំពិកសាមមី វ៉ាន់យីរូវ័យ២៤ឆ្នាំបានស្លា.ប់បាត់បង់ជីវិតកាលពីរាត្រីថ្ងៃ អាទិត្យបន្ទាប់ពីធ្លាក់ពីរានហាលផ្ទះរបស់ខ្លួន។ អត្តពលិកកេនយ៉ារូបនេះត្រូវបានគេរាយការណ៍ថាស្លា.ប់ក្រោយពី បញ្ជូនដល់មន្ទីរពេទ្យ។ មេប៉ូលិសក្នុងតំបន់លោកJasper Ombatiបាននិយាយថាអត្តពលិកវ៉ាន់យីរូបានវិលត្រឡប់ទៅផ្ទះរបស់
ជើងឯករត់ម៉ារ៉ាតុងអូឡាំពិកសាមមី វ៉ាន់យីរូវ័យ២៤ឆ្នាំបានស្លាប់បាត់បង់ជីវិតកាលពីរាត្រីថ្ងៃអាទិត្យបន្ទាប់ពីធ្លាក់ពីរានហាលផ្ទះរបស់ខ្លួន។ អត្តពលិកកេនយ៉ារូបនេះត្រូវបានគេរាយការណ៍ថាស្លាប់ក្រោយពីបញ្ជូនដល់មន្ទីរពេទ្យ។
មេប៉ូលិសក្នុងតំបន់លោកJasper Ombatiបាននិយាយថាអត្តពលិកវ៉ាន់យីរូបានវិលត្រឡប់ទៅផ្ទះរបស់ខ្លួនវិញនៅតំបន់ Byahururuដែលមានចម្ងាយ១៥០គីឡូម៉ែត្រពីរដ្ឋធានីណៃរ៉ូប៊ីរបស់កេនយ៉ានៅម៉ោង១១យប់(ម៉ោងក្នុងស្រុក)ដោយអមដំណើរដោយស្រ្តីមិនស្គាល់ឈ្មោះម្នាក់ផង។ ជម្លោះដ៏ស្រួចស្រាល់ក៏បានផ្ទុះឡើងរវាងវ៉ាន់យីរូនិងភរិយារបស់គេនាងទ្រីហ្សា យេរី។
យោងតាមប៉ូលិសបានបញ្ជាក់ថា បន្ទាប់ពីនោះមកនាងយេរីក៏បានរត់ចេញពីបន្ទប់ដេករួចចាក់សោទ្វារជណ្តើរជាប់ធ្វើឲ្យវ៉ាន់យីរូរកផ្លូវចេញមិនបាន។ វ៉ាន់យីរូបានចេញទៅរានហាលរួចក៏លោតចុះពីជាន់ទី១កំពស់៦ម៉ែត្រក្នុងគោលបំណងដេញចាប់ភរិយាខ្លួនដែលព្យាយមរត់។
ជាអកុសលវ៉ាន់យីរូភ្លាត់ស្នៀតដួលបោកក្បាលរបួសធ្ងន់ធ្ងរត្រូវបញ្ជូនទៅមន្ទីរពេទ្យ។ លោកOmbatiបានបន្ថែមថា ស្រ្តីដែលគេមិនស្គាល់ឈ្មោះត្រូវប៉ូលិសចាប់ឃាត់ខ្លួន ខណៈនាងយេរីនិងអ្នកយាមម្នាក់ទៀតឈ្មោះStephen Maiguaកំពុងតែជួយប៉ូលិសក្នុងការស៊ើបអង្កេត។
អត្តពលិកវ៉ាន់យីរូគ្រោងនឹងឡើងបង្ហាញខ្លួននៅក្នុងតុលាការតំបន់ Byahururuថ្ងៃចន្ទសប្តាហ៍ក្រោយនេះក្នុងករណីប្រើប្រាស់អាវុធគ្មានលិខិតស្នាម។ ចំណែកការចោទប្រកាន់ពាក់ព័ន្ធនឹងការប្រើប្រាស់អំពើហិង្សាគម្រាមសម្លាប់ជីវិត២ផ្សេងទៀតត្រូវបានលើកលែងខណៈម្ចាស់ដើមបណ្តឹងបានដកពាក្យទៅវិញ។ កាលពីខែមករាកន្លងមក វ៉ាន់យីរូក៏បានជាប់ពាក់ព័ន្ធនឹងបទចោទប្រកាន់ក្នុងការបើកបរដែលបង្កឲ្យមានគ្រោះថ្នាក់មួយផងដែរ។
នៅក្នុងកម្មវិធីប្រកួតរត់ម៉ារ៉ាតុងVirgin London Marathonកាលពីខែមេសាវ៉ាន់យីរូមិនបានទៅចូលរួមទេដោយសារមានបញ្ហាក្បាលជង្គង់។ វ៉ាន់យីរូបានយកឈ្នះជើងឯករត់ម៉ារ៉ាតុងអូឡាំពិកក្រុងប៉េកាំងក្នុងឆ្នាំ២០០៨ជាមួយនឹងឯតទគ្គកម្ម២ម៉ោង៦នាទីនិង៣២វិនាទី។ នៅក្នុងកម្មវិធីLondon Marathonឆ្នាំ២០០៩ គេបានបង្កើតឯតទគ្គកម្មជាមួយថិរវេលា២ម៉ោង៥នាទីនិង១០វិនាទី។ វ៉ាន់យីរូបានគ្រប់គ្រងឯតទគ្គកម្មពិភពលោករត់ពាក់កណ្តាលម៉ារ៉ាតុងចំនួន២លើកចន្លោះពីឆ្នាំ២០០៥និង២០០៧ ៕
ចែករំលែកព័តមាននេះ