រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំនៅប្រទេសកម្ពុជាចេញផ្សាយកាលពីព្រឹកថ្ងៃទី១៧ ឧសភា ២០១១ ឱ្យដឹងថា នៅថ្ងៃព្រហស្បតិ៍ ទី១៩ ឧសភា វេលាម៉ោង៥និង៣០នាទីល្ងាច វិចិត្រការិនីល្បីឈ្មោះ Linda Sophan មកពីសហរដ្ឋអាមេរិក នឹងធ្វើសេចក្តីថ្លែងខ្លីមួយ ព្រមទាំងឆ្លើយនឹងសំណួរ
រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំនៅប្រទេសកម្ពុជាចេញផ្សាយកាលពីព្រឹកថ្ងៃទី១៧ ឧសភា ២០១១ ឱ្យដឹងថា នៅថ្ងៃព្រហស្បតិ៍ ទី១៩ ឧសភា វេលាម៉ោង៥និង៣០នាទីល្ងាច វិចិត្រការិនីល្បីឈ្មោះ Linda Sophan មកពីសហរដ្ឋអាមេរិក នឹងធ្វើសេចក្តីថ្លែងខ្លីមួយ ព្រមទាំងឆ្លើយនឹងសំណួររបស់អ្នកសារព័ត៌មាននៅមជ្ឈមណ្ឌលបុប្ផាណា រាជធានីភ្នំពេញ អគារលេខ៦៤ ផ្លូវលេខ២០០ (ផ្លូវឧកញ៉ាម៉ែន) ។ បន្ទាប់ពីនោះ ពិព័រណ៍សិល្បៈគំនូររបស់លោកស្រីដែលមានចំណងជើងថា «ខ្មៅ គឺខ្មៅ» នឹងប្រារព្ធធ្វើឡើង ដើម្បីបង្ហាញពីទេពកោសល្យ និងអត្ថន័យក្នុងរូបគំនូរ ។
សូមបញ្ជាក់ថា ការចូលរួមរបស់អ្នកសារព័ត៌មានអាចធ្វើឡើងត្រឹមថ្ងៃស្អែក (១៨ ឧសភា)វេលាម៉ោង៤រសៀល ដោយទាក់ទងខាងផ្នែកកិច្ចការសាធារណៈរបស់ស្ថានទូតតាមទូរស័ព្ទលេខ ០២៣ ៧២៨ ២៥៨ ឬផ្ញើអ៊ីម៉ែលមក ChreaV@state.gov ។ អ្នកសារព័ត៌មានដែលត្រូវបានអនុញ្ញាតឱ្យចូលរួមគឺត្រូវទៅដល់មជ្ឈមណ្ឌលបុប្ផាណា ឱ្យបានមុនម៉ោង៥និង១៥នាទីល្ងាចថ្ងៃចាប់ផ្តើមពិធី ៕
ចែករំលែកព័តមាននេះ