សំណង់ទ្វារទឹក៣កន្លែងធំ-តូច នៅស្រុកមង្គលបូរីត្រូវបើកទាំងអស់ ពេលជំនន់ទឹកភ្លៀងកំពុងគំរា.មកំហែងផ្នែកខាងលើ
- បន្ទាយមានជ័យ
ខេត្តបន្ទាយមានជ័យ ៖ សំណង់ទ្វារទឹកចំនួន៣កន្លែងធំៗនិងតូចៗត្រូវបានបើកទាំងអស់នៅពេល
ខេត្តបន្ទាយមានជ័យ ៖ សំណង់ទ្វារទឹកចំនួន៣កន្លែងធំៗនិងតូចៗត្រូវបានបើកទាំងអស់នៅពេលជំនន់ទឹកភ្លៀងកំពុងគំរា.មកំហែងនៅផ្នែកខាងលើរហូតដល់ថ្ងៃទី០១ ខែតុលា ឆ្នាំ២០២៣ នៅស្រុកមង្គលបូរី។
លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ថា នៅពេលជំនន់ទឹកភ្លៀងបានធ្លាក់ពីផ្នែកខាងលើដែលកំពុងប្រឈមមាន៣ឃុំមានឃុំសឿ ឃុំចំណោម ឃុំរហាត់ទឹក ដែលនៅខាងលិចដងស្ទឹងស្ថិតស្រុកមង្គលបូរី ទឹកជំនន់កំពុងគំរា.មកំហែងប្រឈមប៉ះពាល់ស្រូវប្រជាកសិករដែលកំពុងនិងប្រមូលផល។
លោកបានបញ្ជាក់ថា ក្រោយជំនន់ទឹកភ្លៀងប្រឈមប៉ះពាលផលដំណាំកសិកម្មមានស្រូវមិនប្រកាន់រដូវដែល និងប៉ះពាល់ចំនួន៣ឃុំជាការណែនាំពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានអោយមន្ត្រីជំនាញសហការជាមួយអាជ្ញាធរចុះពិនិត្យជាក់ស្តែងនិងបើកទ្វារទឹកសំណង់ចំនួន៣កន្លែងធំៗនិងតូចជាច្រើនកន្លែងដើម្បីរំដោះទឹកការពារលិចលង់និងប៉ះពាល់ដល់ប្រជាពលរដ្ឋនិងស្រូវដែលកំពងប្រមូលផល។
លោក រ័ត្ន ដាស៊ីណង់ បានបញ្ជាក់ថា ជំនន់ទឹកភ្លៀងដែលប្រឈមប៉ះពាល់៣ឃុំនៅស្រុកមង្គលបូរីគឺជាជំនន់ទឹកភ្លៀងនិងទឹកដែលធ្លាក់ពីផ្នែកខាងលើដែលត្រូវបានបើកទំលាក់មកក្រោមមានសំណង់បវេល និងសំណង់ព្រៃខ្ពស់ស្ថិតស្រុកបវេល ខេត្តបាត់ដំបង ដែលស្រុងមកលិចឃុំសឿ ឃុំចំណោម ឃុំរហាត់ទឹក ស្រុកមង្គលបូរី នៅពេលនេះត្រូវបានបើកសំណង់ទ្វារទឹកអស់ហើយដើម្បីរំដោះទឹកនៅស្រុកមង្គលបូរី ។
អភិបាលខេត្តបន្ទាយមានជ័យដឹកនាំមន្ត្រីជំនាញចុះពិនិត្យមើលស្ថានភាពទឹកនៅព្រំបន្ទាយមានជ័យនិងខេត្តបាត់ដំបងនៅពេលកំពុងហក់ឡើងខ្លាំងកាលពីថ្ងៃទី៣០ ខែកញ្ញា ឆ្នាំ២០២៣ នៅឃុំសឿ ស្រុកមង្គលបូរី។
លោក ជា ទី មេឃុំសឿបានប្រាប់ថា ជំនន់ទឹកភ្លៀងបានហក់ឡើងខ្លាំងនៅពេលដែលទឹកកំពុងប្រឈមប៉ៈពាល់នៅឃុំល្វារ ស្រុកបវេល ខេត្តបាត់ដំបង ហើយបានហូរធ្លាក់មកឃុំសឿ ស្រុកមង្គលបូរី ខេត្តបន្ទាយមានជ័យដែលកំពុងប្រឈមប៉ៈពាល់ស្រូវដែលកំពុងប្រមូលផលជាបណ្តើរៗនៅពេលទឹកហក់ឡើងខ្លាំយងប្រជាកសិករសម្រុកច្រូតទាំងស្រូវមិនទាន់ទុំល្អពាក្យចាស់ថា(ទុំបានបីខ្ចីបានបួនដែរ)ប្រសើរជាងមិនបានច្រូត។
លោក រ័ត្ន ដាស៊ីណង់ អភិបាលស្រុកមង្គលបូរីបានបញ្ជាក់ថា ជំនន់ទឹកភ្លៀងនេះមិនទាន់ប៉ះពាល់ប្រជាពលរដ្ឋនិងលិចស្រូវនៅឡើយទេតែពេលនេះគ្រាន់ប្រឈម ហើយប្រជាកសិករបាននាំគ្នាសម្រុកច្រូតព្រោះបារម្ភខ្លា.ចទឹកលិចដែលកំពុងប្រឈមាន៣ឃុំមានឃុំសឿ ឃុំចំណោម ឃុំរហាត់ទឹក ស្រុកមង្គលបូរី។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានបញ្ជាក់ថា ក្រោយចុះពិនិត្យមើលស្ថានភាពជំនន់ទឹកព្រំប្រទល់ខេត្តបន្ទាយមានជ័យនិងខេត្តបាត់ដំបង ឃើញថាទឹកជំនន់ធ្លាក់ពីស្រុកបវេលមកលិចនៅស្រុកមង្គលបូរី សូមអាជ្ញាធរស្រុក-ឃុំជាប់ព្រំប្រទល់ត្រូវតាមដាន់ស្ថានភាពជាប្រចាំបើសិនជាប៉ៈពាល់ដល់ប្រជាពលរដ្ឋត្រូវរាយជាបន្ទាន់ត្រៀមកម្លាំងអន្តរាគមន៍ទាំងជួយជម្លៀសនិងប្រមូលផលស្រូវជូនប្រជាកសិករអោយបានទាន់ពេលវេលា ៕
ចែករំលែកព័តមាននេះ