- ភ្នំពេញ
ក្រសួងទេសចរណ៍ បានប្រកាសថា ពលរដ្ឋកម្ពុជា ចេញក្រៅប្រទេសមានចំនួនសរុប១,១៧ លាននាក់ គិតត្រឹមចុងខែសីហា ដោយមានកំណើនកើនឡើងរហូតដល់ទៅជាង ១៨៥ភាគរយ បើធៀបនឹងរយៈពេលដូចគ្នាកាលពីឆ្នាំ២០២២ កន្លងទៅ
ក្រសួងទេសចរណ៍ បានប្រកាសថា ពលរដ្ឋកម្ពុជា ចេញក្រៅប្រទេសមានចំនួនសរុប១,១៧ លាននាក់ គិតត្រឹមចុងខែសីហា ដោយមានកំណើនកើនឡើងរហូតដល់ទៅជាង ១៨៥ភាគរយ បើធៀបនឹងរយៈពេលដូចគ្នាកាលពីឆ្នាំ២០២២ កន្លងទៅ
ក្រសួងទេសចរណ៍ បានប្រកាសថា ពលរដ្ឋកម្ពុជា ចេញក្រៅប្រទេសមានចំនួនសរុប១,១៧ លាននាក់ គិតត្រឹមចុងខែសីហា ដោយមានកំណើនកើនឡើងរហូតដល់ទៅជាង ១៨៥ភាគរយ បើធៀបនឹងរយៈពេលដូចគ្នាកាលពីឆ្នាំ២០២២ កន្លងទៅ ។
អ្នកទៅក្រៅប្រទេសទាំងនោះ មានគោលបំណងដូចជា ទេសចរណ៍ ពិនិត្យនិងព្យាបាលជំងឺ និងការរកស៊ីខ្នាតតូចជាដើម។ គេយល់ថា មានពលរដ្ឋយ៉ាងតិចពី៧០ ទៅ ៨០ ភាគរយ ទៅប្រទេសវៀតណាម ដើម្បីពិនិត្យ និងព្យាបាលជំងឺ។ នៅលើឡានក្រុងនីមួយៗ នៅពេលគេនិយាយគ្នា គឺភាគច្រើនគេនិយាយអំពីបញ្ហាជំងឺរបស់ខ្លួន ដែលតម្រូវឱ្យរកព្យាបាលក្រៅប្រទេស។
បុរសវ័យ៤៥ឆ្នាំមួយរូប ដែលសុំមិនបញ្ចេញអត្តសញ្ញាណ បានអះអាងថា «សម្រាប់រូបលោក គ្រាន់តែឆ្នាំនេះ បានចេញទៅវៀតណាម គឺមានចំនួន៣ដងរូចមកហើយ ហេតុផលគឺទៅព្យាបាលជំងឺនៅទីនោះ ខណៈដែលគ្រួសារលោក គឺចេញទៅទេសចរណ៍»។
លោកបានបញ្ជាក់ថា «បើតាមពេទ្យនៅទីនោះណាត់ (វៀតណាម) ខ្ញុំនឹងអាចទៅវៀតណាម បន្តទៀតនៅឆ្នាំក្រោយយ៉ាងហោចណាស់ក៏ពីរដងទៀតដែរ»។
ចំណែកស្ត្រីម្នាក់ទៀតបានឱ្យដឹងថា «គាត់ធ្វើដំណើរ គឺដើម្បីទៅមើលប្អូនដែលវះកាត់ជំងឺបេះដូង នៅទីក្រុងហូជីមិញ»។ គាត់និយាយថា «គ្រួសារប្អូនរបស់គាត់ ចំណាយលុយមកដល់ពេលនេះអស់ប្រហែលជិត២ម៉ឺនដុល្លារ ហើយដោយត្រូវធ្វើការវះកាត់ ត.សរសៃឈា.ម បេះដូង ដែលស្ទះច្រើនកន្លែង»។
ការចេញក្រៅប្រទេស ដើម្បីពិនិត្យ និងព្យាបាលជំងឺនេះ បានធ្វើឱ្យលុយជាច្រើនលានដុល្លារ បានហូរចេញពីប្រទេសកម្ពុជា។ ការពង្រឹងវិស័យសុខាភិបាលកម្ពុជា នឹងមិនត្រឹមតែធ្វើឱ្យប្រសើរដល់សុខភាពប្រជាជនទេ វានឹងជួយផងដែរ ទប់កុំឱ្យលុយហូរចេញ ហើយនឹងបង្កើតការងារ និងមុខរបរជាច្រើនទៀតដែលទាក់ទងនឹងបញ្ហាសុខភាព។
របាយការណ៍ក្រសួងទេសចរណ៍ បានឱ្យដឹងថា កំណើននេះ កើនឡើងយ៉ាងគំហុក បើធៀបនឹងឆ្នាំ២០២១ ដែលមានត្រឹមតែជាង ១៤.០០០ នាក់ ហើយនៅឆ្នាំ២០២២ មានត្រឹមតែ ៤១១.០០០ នាក់នោះ ។
ប្រភពដដែលមិនបានបញ្ជាក់ថា នៅក្នុងរយៈពេលនេះ ពលរដ្ឋកម្ពុជាចេញដំណើរទៅ គោលដៅណាខ្លះនៅឡើយទេ ប៉ុន្តែគេដឹងថា ភាគច្រើនបំផុត គឺទៅប្រទេសជិតខាង ដែលមានដូចជា ៖ ថៃ និង វៀតណាម ព្រមទាំងប្រទេសនៅក្នុងតំបន់ ដែលមានដូចជា ៖ ម៉ាឡេស៊ី និង សិង្ហបុរី ហើយហេតុផល គឺមានទេសចរណ៍ ព្យាបាលជំងឺ និងការជួញដូរខ្នាតតូច។ ក្រៅពីគោលដៅទាំងនេះ ក៏មានពលរដ្ឋកម្ពុជា ចេញទៅគោលដៅជាច្រើនដូចជា ៖ ចិន ហុងកុង ជប៉ុន ជាដើម ។
កម្ពុជាបានទទួលភ្ញៀវទេសចរបរទេសសរុបប្រមាណ ៣,៥ លាននាក់ កើនឡើងជិត ២៥១ភាគរយ នៅឆ្នាំ២០២៣ ធៀបនឹងរយៈពេលដូចគ្នាឆ្នាំ២០២២។
ដោយឡែកបើធៀបរយៈពេលដូចគ្នាឆ្នាំ២០១៩ គ្រាមុនវិបត្តិកូវីដ-១៩ តួរលេខនេះ នៅមានការថយចុះ ១៩,៧% នៅឡើយ ពោលគឺយើងទើបតែទទួលបានទេសចរអន្តរជាតិប្រមាណ ៨០% នៃកម្រិតមុនវិបត្តិសម្រាប់រយៈពេល៨ខែឆ្នាំ២០២៣នេះ។
តាមការរំពឹងទុក កម្ពុជានឹងទទួលបានទេសចរអន្តរជាតិក្នុងរង្វង់ប្រមាណ៤,៥ លាន ទៅ ៥ លាននាក់ សម្រាប់ពេញមួយឆ្នាំ២០២៣នេះ។
សរសេរដោយ ៖ ស និត
កែសម្រួលដោយ ៖ ប្រេ វីន
ចែករំលែកព័តមាននេះ