ទោះមេឃធ្លាក់ភ្លៀងថ្ងៃកាន់បិណ្ឌទី១ក្តី ពលរដ្ឋសប្បាយទៅធ្វើបុណ្យនៅតាមបណ្តាវត្ត
រាជធានីភ្នំពេញ ៖ នាព្រឹកថ្ងៃទី៣០ កញ្ញា ២០២៣ នេះ ជាថ្ងៃវេនកាន់បិណ្ឌទី១ សង្កេតឃើញនៅតាមបណ្តាវត្តនានា មានប្រជាពលរដ្ឋចាស់ ក្មេង…
រាជធានីភ្នំពេញ ៖ នាព្រឹកថ្ងៃទី៣០ កញ្ញា ២០២៣ នេះ ជាថ្ងៃវេនកាន់បិណ្ឌទី១ សង្កេតឃើញនៅតាមបណ្តាវត្តនានា មានប្រជាពលរដ្ឋចាស់ ក្មេង ប្រុស ស្រី បាននាំគ្នាយកចង្ហាន់ទៅតាមវត្តដែលនៅជិតផ្ទះរបស់ខ្លួន រីឯអ្នកខ្លះទៀតក៏ចេញទៅវត្តនៅជាយៗក្រុង ឬវត្តនៅតាមខេត្តរៀងៗខ្លួនផងដែរ ។
បើទោះអាកាសធាតុមេឃកំពុងធ្លាក់ភ្លៀងយ៉ាងណាក្តី មិនមែនជាឧបសគ្គទេ គឺសម្រាប់ថ្ងៃកាន់បិណ្ឌទី១ត្រូវចំថ្ងៃសៅរ៍នេះ ប្រជាពលរដ្ឋយើង រួមនិងមន្ត្រីរាជការបានឈប់សម្រាកពីការងារផងនោះ គឺនាំគ្នាទៅវត្តយ៉ាងសប្បាយរីករាយជាមួយក្រុមគ្រួសារ ដោយយកចង្ហាន់ទៅប្រគេនព្រះសង្ឃ ដើម្បីឧទ្ទិសកុសលជូនដល់ជីដូនជីតា និងញាតិកាទាំង៧សន្តានដែលបានចែកឋាន ។
ជាក់ស្តែងផងដែរ ក៏មានការចូលរួមសកម្មភាពពីកម្លាំងតាមបណ្តាអធិការដ្ឋាននគរបាលខណ្ឌទាំង១៤ (ខណ្ឌចំការមន ខណ្ឌសែនសុខ) បានចុះល្បាតពួនស្ទាក់ និងប្រចាំការតាមវត្តអារាម ដើម្បីការពារសន្តិសុខ សុវត្ថិភាព និងបង្ការទប់ស្កាត់បទល្មើសកុំឲ្យកេីតមានឡេីង ក្នុងឱកាសពិធីកាន់បិណ្ឌ និងបុណ្យភ្ជុំបិណ្ឌ ។ នេះបើយោងតាមផេកស្នងការរាជធានីភ្នំពេញ នាព្រឹកថ្ងៃទី៣០ កញ្ញា នេះ ។
ចែករំលែកព័តមាននេះ