មន្ត្រីជាន់ខ្ពស់ក្រសួងកសិកម្ម ប្រកាសអភិវឌ្ឍ «ដីមីន ទៅជាដីមាស»
រាជធានីភ្នំពេញ ៖ អ្នកជំនាញផ្នែកកសិកកម្ម នៅក្រសួងកសិកម្ម រុក្ខាប្រមាញ និងនេសាទ បានបញ្ជាក់ថា នឹងខិតខំធ្វើការអភិវឌ្ឍ «ដីដែលជាចម្ការមីន ឲ្យក្លាយជាដីមាស»…
រាជធានីភ្នំពេញ ៖ អ្នកជំនាញផ្នែកកសិកកម្ម នៅក្រសួងកសិកម្ម រុក្ខាប្រមាញ និងនេសាទ បានបញ្ជាក់ថា នឹងខិតខំធ្វើការអភិវឌ្ឍ «ដីដែលជាចម្ការមីន ឲ្យក្លាយជាដីមាស» ។
ឯកឧត្តមបណ្ឌិត យ៉ង សាំងកុមារ រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានលើកឡើងលើបណ្តាញសង្គម នៅថ្ងៃទី២៧ ខែកញ្ញា ឆ្នាំ២០២៣នេះ ស្តីពីការពង្រាបដីស្រែ ដែលជាអតីតចម្ការមីន ឲ្យទៅជាដីស្រែរាបស្មើ ដោយអង្គការ JMAS បានចូលរួមចំណែកបង្កើនប្រាក់ចំណូលដល់កសិករ នៅឃុំចែងមានជ័យ ស្រុកបាណន់ ខេត្តបាត់ដំបង ។
ឯកឧត្តមថា ការពង្រាបដីឲ្យស្មើល្អ ដោយបច្ចេកវិទ្យាទំនើប នាំឲ្យកសិករទទួលបានផលកើន ចំនួន ២តោន ក្នុង១ហិកតា ហើយកាត់បន្ថយការចំណាយលើការបូមទឹក និងការគ្រប់គ្រងស្មៅ។ ដីរាបស្មើ ក៏នាំគ្រាប់ស្រូវពេញស្មើល្អ ដែលនាំមកផលអង្ករ កែច្នៃបានខ្ពស់ ផងដែរ ។
ជាមួយគ្នានោះដែរ ឯកឧត្តមបានណែនាំឲ្យអង្គការ JMAS ធ្វើការសិក្សាពីតំរូវការ និងការចូលរួមរបស់ប្រជាកសិករ នៅឃុំចែងមានជ័យ កន្ទឺ១ និងកន្ទឺ២ ដើម្បីធ្វើការពង្រីកការពង្រាបដីជូនកសិករឲ្យបានកាន់តែច្រើនថែមទៀត ។
ឯកឧត្តម បានលើកឡើងថា លើសពីនេះ ការផ្គុំជាមួយការប្រើពូជសុទ្ធ ការគ្រប់គ្រងទឹក និងជីជាតិដី និងការផ្សារភ្ជាប់ជាមួយទីផ្សារ ដើម្បីកសិករទទួលបានតម្លៃសមរម្យ នឹងជួយបង្កើនប្រាក់ចំណូលកសិករ កាន់តែច្រើនថែមទៀត ដែលយើងអាចចាត់ទុកថាការអភិវឌ្ឍ «ដីមីន(ចម្ការ) ឲ្យក្លាយទៅជាដីមាស»៕
ចែករំលែកព័តមាននេះ