វិមានក្រឹមឡាំងសន្យាកម្ទេចរថក្រោះអាមេរិក ABRAMS ឱ្យដល់អ៊ុយក្រែន
សង្គ្រាមអ៊ុយក្រែន ៖ វិមានក្រឹមឡាំងសន្យាកាលពីថ្ងៃទី២៦ កញ្ញាថា បណ្ដារថក្រោះធុនធ្ងន់អាមេរិក
សង្គ្រាមអ៊ុយក្រែន ៖ វិមានក្រឹមឡាំងសន្យាកាលពីថ្ងៃទី២៦ កញ្ញាថា បណ្ដារថក្រោះធុនធ្ងន់អាមេរិក ABRAMS ដែលផ្ដល់ឲ្យអ៊ុយក្រែន នឹងត្រូវកម្ទេចហើយអះអាងថា ការបញ្ជូនរថក្រោះទាំងនេះមកកាន់ទីលានប្រយុទ្ធ នឹងមិនអាចផ្លាស់ប្ដូរការប្រៀបធៀបកម្លាំងរវាងកងទ័ពរុស្ស៊ី និងកងទ័ពអ៊ុយក្រែនបានឡើយ ។ គួររំលឹកថា រថក្រោះធុនធ្ងន់អាមេរិក ABRAMS ដំបូងៗមកដល់អ៊ុយក្រែន
អ្នកនាំពាក្យវិមានក្រឹមឡាំង លោកឌីមីឌ្រីប៉េស្កូវគូសបញ្ជាក់ថា រថក្រោះអាមេរិក ABRAMS
ជារថក្រោះធុនធ្ងន់ តែក៏អាចត្រូវបាញ់ឆេះដែរ ។
ក្នុងសន្និសីទសារព័ត៌មានមួយ លោកបានរំឭកសម្ដីរបស់ប្រធានាធិបតីរុស្ស៊ីលោកវ្ល៉ាឌីមៀរ ពូទីន
ដែលព្រមាន ពេលផ្ដល់រថក្រោះអាល្លឺម៉ង់ធុនLEOPARD ដល់អ៊ុយក្រែនកាលពីខែមករាកន្លង
ទៅ ។ លោកថារថក្រោះធុននោះដែលគេអួតអាងថាខ្លាំង តែមិនមានផលប៉ះពាលធំដុំដល់ប្រតិបត្តិ
ការពិសេសរបស់យើងឡើយ ។ លោកបន្តថាពុំមានរថក្រោះប្រភេទណា អាចផ្លាស់ប្ដូរការប្រៀបធៀបកម្លាំងលើទីលានប្រយុទ្ធឡើយ ។
តាមលោកប៉េស្កូវថា តាមរយៈការផ្ដល់អាវុធថ្មីៗទាំងនេះដល់អ៊ុយក្រែន អាមេរិកកំពុងបន្តបង្កើនការចូលរួមដោយផ្ទាល់របស់ខ្លួនក្នុងជម្លោះនេះ តែកងទ័ពរុស្ស៊ីនៅតែអាចទប់ទល់ប្រឆាំងការវាយបករបស់កងទ័ពអ៊ុយក្រែន ៕
ចែករំលែកព័តមាននេះ