សោកនា.ដកម្ម! ឆេះសាលរៀបពិធីមង្គលការមួយនៅអ៊ីរ៉ាក់ ស្លា.ប់យ៉ាងតិច១០០នាក់
ប្រទេសអ៊ីរ៉ាក់ ៖ តាមAFP ថាមនុស្សយ៉ាងតិច១០០នាក់ស្លា.ប់ និងជាង១៥០នាក់ទៀតរងរបួស
ប្រទេសអ៊ីរ៉ាក់ ៖ តាមAFP ថាមនុស្សយ៉ាងតិច១០០នាក់ស្លា.ប់ និងជាង១៥០នាក់ទៀតរងរបួស
ប្រទេសអ៊ីរ៉ាក់ ៖ តាមAFP ថាមនុស្សយ៉ាងតិច១០០នាក់ស្លា.ប់ និងជាង១៥០នាក់ទៀតរងរបួស កាលពីយប់ថ្ងៃទី២៦មក២៧ កញ្ញា ដោយសារអគ្គិភ័យក្នុងពិធីរៀបការមួយនៅក្នុងសាលរៀបចំពិធីបុណ្យឬការ នៅទីក្រុងAL HAMDANIYA ជាទីក្រុងតូចមួយនៅភាគខាងជើងប្រទេស។ នេះបើតាមសេចក្ដីរាយការណ៍របស់អាជ្ញាធរសុខាភិបាលមូលដ្ឋាន។
ក្នុងមន្ទីរពេទ្យសំខាន់នៃទីក្រុងដែលប្រជាជនភាគច្រើនកាន់គ្រឹស្តសាសនាស្ថិតនៅភាគខាងកើតក្រុងម៉ូស៊ូលនោះ អ្នកថតរូបភាពម្នាក់របស់AFPបានឃើញរថយន្តពេទ្យជាច្រើនគ្រឿងមកដល់ទីនោះទាំងមានស៊ីរ៉ែនបើកផ្លូវផង។ មនុស្សច្រើនសិបនាក់ត្រូវបានប្រមូលមកដាក់ នៅទីធ្លាមន្ទីរពេទ្យនេះ។ បណ្ដាសាច់ញាតិគ្រួសារនិងប្រជាជនបានលើកគ្នាមក ដើម្បីជួយផ្ដល់ឈា.មជួយសង្គ្រោះបណ្ដាអ្នករបួស។ ប្រជាជនក៏លើកគ្នាមកចោមរោមទ្វារបើកចំហរនៃរថយន្តកាំមីញ៉ុងក្លាសេមួយដែលផ្ទុក បណ្ដាថង់ខ្មៅដាក់ស.ព។
អាជ្ញាធរខេត្តនីនីវដែលមានក្រុងAL HAMDANIYA រាប់ឃើញអ្នកស្លា.ប់១០០នាក់និងអ្នករបួសជាង១៥០នាក់ ក្នុងគ្រោះអគ្គិភ័យឆេះសាលរៀបការនោះ។ នេះបើតាមសេចក្ដីរាយការណ៍របស់ទីភ្នាក់ងារព័ត៌មានអ៊ីរ៉ាក់INA ដែលលើកពីតុល្យការដំបូង។ ក្នុងសេចក្ដីប្រកាសមួយផ្នែកការពារស៊ីវិលអ៊ីរ៉ាក់ រាយការណ៍ពីវត្តមានប៉ាណូងាយឆេះជាច្រើនក្នុងសាលនោះដែលខុសពីបទដ្ឋានសន្តិសុខ។ អគ្គិភ័យនេះបណ្ដាលឲ្យមានការបាក់ធ្លាក់ពិដានមួយផ្នែក ដោយសារការប្រើប្រាស់បណ្ដាសម្ភារសំណង់ដែលងាយឆេះនិងមានតមៃ្លថោក។ តាមព័ត៌មានដំបូងៗថា មានការបាញ់កាំជ្រួចភ្លើងក្នុងពិធីរៀបការនេះដែលនាំឲ្យមានភ្លើងឆេះសាល៕
ចែករំលែកព័តមាននេះ