ស្រុកកំពង់សិលា ៖ គិតមកទល់វេលាម៉ោង១១ និង៥០នាទីព្រឹកថ្ងៃទី២៧ ខែកញ្ញា ឆ្នាំ២០២៣ នេះ ស្ថានភាពកំពស់ទឹកនៅចំណុចចន្លោះគីឡូម៉ែត្រលេខ153-154 ក្នុងភូមិសាស្ត្រ ភូមិឆាយខាងត្បូង…
ស្រុកកំពង់សិលា ៖ គិតមកទល់វេលាម៉ោង១១ និង៥០នាទីព្រឹកថ្ងៃទី២៧ ខែកញ្ញា ឆ្នាំ២០២៣ នេះ ស្ថានភាពកំពស់ទឹកនៅចំណុចចន្លោះគីឡូម៉ែត្រលេខ153-154 ក្នុងភូមិសាស្ត្រ ភូមិឆាយខាងត្បូង ឃុំស្ទឹងឆាយ ស្រុកកំពង់សីលា ខេត្តព្រះសីហនុ ទឹកបានស្រកបន្តិចដោយហូរកាត់តាមបណ្តោយផ្លូវជាតិប្រហែល៤០០ម៉ែត្រ ។ រីឯអាកាសធាតុមេឃកំពុងធ្លាក់ភ្លៀងស្រិចៗដដែល ។
ប្រភពបន្តថា ចំពោះចរាចរណ៍តាមផ្លូវជាតិលេខ៤ ត្រង់នៅចំណុចភូមិឆាយខាងត្បូងបើកឱ្យចរាចរណ៍សម្រាប់រថយន្តតូច ។ ចំណែករថយន្តធំ ប្រភេទដឹកទំនិញ ប្រភេទធ្ងន់ និងរថយន្តកុងតឺន័រ គឺនៅផ្អាកធ្វើចរាចរណ៍ទៅ-មកជាបណ្តោះអាសន្ន ។
យ៉ាងណាក៏ដោយ ចំពោះទឹកជំនន់ជន់លិចដោយទឹកភ្លៀងខាងលើ គឺពុំបណ្តាលអោយមានគ្រោះថ្នាក់ដល់មនុស្ស និងពុំមានផលប៉ះពាល់ដល់ប្រជាពលរដ្ឋឡើយ ។
បច្ចុប្បន្ន កម្លាំងមូលដ្ឋានកងរាជអាវុធហត្ថស្រុកកំពង់សីលា និងកំម្លាំងអ.ហស្នាក់ការសន្តិសុខ៤០២ សហការជាមួយកម្លាំងគណៈបញ្ជាការឯកភាពរដ្ឋបាលស្រុកកំពង់សីលា ដឹកនាំដោយលោកឆាយ សុគន្ធដា អភិបាលនៃគណៈអភិបាលស្រុកកំពង់សីលា ចុះគោលដៅជួយសម្រួលសណ្តាប់ធ្នាប់ចរាចរណ៍ និងប្រចាំការតាមដានសភាពការបន្ត ។
ជាមួយគ្នានោះ ក៏មានវត្តមាន លោក ម៉ាង ស៊ីណេត អភិបាលរងស្រុកព្រៃនប់ បានដឹកនាំមន្ត្រីពាក់ព័ន្ធចុះដល់ចំណុចទឹកលិចផងដែរ ។
ចែករំលែកព័តមាននេះ