ប្អូនថ្លៃប្រុសកា.ប់បងថ្លៃស្រី ព្រោះតែជម្លោះរឿងទារលុយ៨ពាន់ដុល្លារ
- ភ្នំពេញ
រាជធានីភ្នំពេញ ៖ ប្អូនថ្លៃប្រុសបានកា.ប់បងថ្លៃស្រី រឿងជម្លោះពាក្យសម្ដីពាក់ព័ន្ធរឿងលុយកាក់
រាជធានីភ្នំពេញ ៖ ប្អូនថ្លៃប្រុសបានកា.ប់បងថ្លៃស្រី ព្រោះតែជម្លោះពាក្យសម្ដីពាក់ព័ន្ធរឿងទារលុយកាក់ចំនួន៨ពាន់ដុល្លារ បណ្ដាលអោយជនរងគ្រោះដែលជាបងថ្លៃស្រីរងរបួសធ្ងន់ធ្ងរ ត្រូវបញ្ជូនទៅមន្ទីពេទ្យដើម្បីសង្គ្រោះបន្ទាន់ភ្លាមៗ ។
ហេតុការណ៍ខាងលើនេះបង្កការភ្ញាក់ផ្អើលកើតឡើងកាលពីវេលាម៉ោង៦និង៥២ព្រឹកថ្ងៃទី២៦ ខែកញ្ញា ឆ្នាំ២០២៣ ស្ថិតក្នុងភូមិដើមស្លែង ម្ដុំដើមឈើទាលធំ សង្កាត់ច្បារអំពៅទី ០២ ខណ្ឌច្បារអំពៅ រាជធានីភ្នំពេញ ។
ជនសង្ស័យឈ្មោះ ភឿន ចន្ទ័ធឿន អាយុ២៣ឆ្នាំ ស្នាក់នៅ ភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
យោងតាមចម្លើយសារភាពរបស់ជនសង្ស័យ បានអោយដឹងថា នៅមុនពេលកើតហេតុ ជនសង្ស័យបានជិះម៉ូតូទៅផ្ទះបងថ្លៃរបស់ខ្លួន ក្នុងគោលបំណងដើម្បីទារលុយ ដែលជំពាក់ចំនួន៨.០០០ដុល្លារ ដែលបងថ្លៃបានជំពាក់ ប៉ុន្តែបងថ្លៃបែរជានិយាយពាក្យមិនសមរម្យ និងគ្មានទំនួលខុសត្រូវ ទើបធ្វើអោយជនសង្ស័យ និងជនរងគ្រោះ ឈ្លោះទាស់ពាក្យសម្តីគ្នា ។ ភ្លាមៗនោះជនសង្ស័យបានក្រឡេក ឃើញកាំបិ.ត ដែលទុកលើគ្រែមុខផ្ទះ រួចជនសង្ស័យបានស្ទុះទៅយកកាំបិ.ត និងបានធ្វើសកម្មភាពកា.ប់ទៅលើបងថ្លៃរបស់ខ្លួន បណ្តាលអោយរងរបួសដៃ និងក្បាលធ្ងន់ធ្ងរ ត្រូវបានគេបញ្ជូនទៅមន្ទីរពេទ្យ ដើម្បីសង្គ្រោះបន្ទាន់ភ្លាមៗតែម្តង ។
បច្ចុប្បន្ន ជនសង្ស័យត្រូវបានកម្លាំងសមត្ថកិច្ចឃាត់ខ្លួនយកមកសាកសួរ និងកសាងសំណុំរឿងបញ្ជូនខ្លួនទៅអធិការដ្ឋាននគរបាលខណ្ឌច្បារអំពៅ ដើម្បីចាត់ការបន្តតាមនីតិវិធី៕ (ដោយ៖រដ្ឋា)
ចែករំលែកព័តមាននេះ