ឆេះរោងចក្រផលិតគ្រាប់កូនគោលមួយនៅតៃវ៉ាន់ ស្លា.ប់៩នាក់
កោះតៃវ៉ាន់ ៖ អាជ្ញាធរមូលដ្ឋានរាយការណ៍កាលពីថ្ងៃទី២៥ កញ្ញាថា ភ្លើងបានឆេះរោងចក្រផលិត
កោះតៃវ៉ាន់ ៖ អាជ្ញាធរមូលដ្ឋានរាយការណ៍កាលពីថ្ងៃទី២៥ កញ្ញាថា ភ្លើងបានឆេះរោងចក្រផលិតគ្រាប់កូនគោលមួយនៅតៃវ៉ាន់ បណ្ដាលឲ្យមនុស្សស្លា.ប់យ៉ាងតិច៩នាក់ ក្នុងនោះមានអ្នកពន្លត់ភ្លើង៤នាក់ ដែលរងគ្រោះដោយសារការផ្ទុះមួយ។
គ្រោះអគ្គិភ័យនោះកើតមានកាលពីយប់ថ្ងៃទី២២ កញ្ញា និងរាលដាលខ្លាំងពេញមួយយប់ ក្រៅពីអ្នកស្លា.ប់ មនុស្សដល់ជាង១០០នាក់ ភាគច្រើនជាកម្មកររងរបួស។ នេះជាការគូសបញ្ជាក់របស់តំណាងក្រុងPINGTUNG ប្រាប់ដល់បណ្ដាសារព័ត៌មានក្នុងស្រុក។ ចំណែកតំណាងម្នាក់របស់ក្រុមពន្លត់ភ្លើងក្រុងPINGTUNG អះអាងប្រាប់ដល់សារព័ត៌មានក្នុងស្រុកថា រហូតមកទល់ថ្ងៃទី២៥កញ្ញា មនុស្សម្នាក់នៅតែបា.ត់ខ្លួន ហើយការធ្វើតេស្តបន្ថែមទៀតគឹចាំបាច់ដើម្បីកំណត់អត្តសញ្ញាណសាកស.ពមនុស្ស ដែលរកឃើញនៅកន្លែងភ្លើងឆេះ។
អ្នកទទួលខុសត្រូវមូលដ្ឋានម្នាក់រៀបរាប់ប្រាប់AFPថា សារធាតុPEROXYDEដែលស្តុកក្នុងរោងចក្រ អាចជាប្រភពនៃការផ្ទុះឆេះខ្លាំងមួយនិងការផ្ទុះតូចៗដទៃទៀត ។ មនុស្សច្រើននាក់ជាប់នៅខាងក្នុងរោងចក្រពេលមានការផ្ទុះដែលបណ្ដាលឲ្យបាក់ដំបូលមួយផ្នែក ៕
ចែករំលែកព័តមាននេះ