បុរសអ្នកលក់អំបុកម្នាក់ដេកស្លា.ប់នៅក្នុងបន្ទប់ជួល
- ភ្នំពេញ
រាជធានីភ្នំពេញ ៖ បុរសអ្នកលក់អំបុកម្នាក់ដេកមិនឃើញក្រោកទៅលក់អំបុកដូចរាល់ថ្ងៃសោះ ហើយ
រាជធានីភ្នំពេញ ៖ បុរសអ្នកលក់អំបុកម្នាក់ដេកមិនឃើញក្រោកទៅលក់អំបុកដូចរាល់ថ្ងៃសោះ ហើយបងប្អូនជីដូនមួយមានការងឿងឆ្ងល់បានទៅស្រែកហៅនិងគោះទ្វារហៅ ប៉ុន្តែមិនឮឆ្លើយសោះក៏បានបើកបង្អួចមើល ស្រាប់តែប្រទះឃើញស្លា.ប់បាត់ទៅហើយ ដោយពុំដឹងថាស្លា.ប់តាំងពីពេលណានោះទេ ចំណែកនគរបាលបានសន្និដ្ឋានថាបុរសនេះស្លា.ប់ដោយជម្ងឺខ្យល់គ ។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង១២ថ្ងៃត្រង់ ថ្ងៃទី២៤ ខែកញ្ញា ឆ្នាំ២០២៣ នៅក្នុងបន្ទប់ជួលលេខ៩ ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បុរសខាងលើឈ្មោះសុខ ឡៃ អាយុ៤៦ឆ្នាំ មានប្រពន្ធឈ្មោះលន មុំ អាយុ៤៦ឆ្នាំ អ្នកទាំង២នាក់នេះមានកូនប្រុស១នាក់ និងកូនស្រី១នាក់នៅក្នុងបន្ទុកគ្រួសារ ហើយសព្វថ្ងៃបុរសជាប្ដីស្នាក់នៅបន្ទប់ជួលខាងលើម្នាក់ឯង រីឯស្ត្រីជាប្រពន្ធនិងកូនៗរស់នៅឯភូមិពោធិ៍ម្រេញ ឃុំកញ្ជៀច ស្រុកកញ្ជ្រៀច ខេត្តព្រៃវែង ។
តាមប្រភពព័ត៌មានបានឲ្យដឹងថា បុរសរងគ្រោះរូបនេះគឺជាអ្នកដើរលក់អំបុក ចំណែកឯប្រពន្ធនិងកូនជាអ្នកបុកអំបុកសម្រាប់ឲ្យគាត់ដឹកដើលក់ ហើយពេលដើរលក់នោះគាត់ត្រូវស្នាក់នៅផ្ទះជួលខាងលើ លុះលក់អស់ទើបត្រឡប់ទៅស្រុកកំណើតយកអំបុកមកលក់បន្តទៀត ។ ដោយឡែកនៅវេលាយប់ថ្ងៃទី២៣ ខែកញ្ញា បុរសនេះបានចូលដេកជាធម្មតា លុះដល់វេលាម៉ោងប្រមាណជាង៨ព្រឹកថ្ងៃកើតហេតុ មិនឃើញគាត់ក្រោកពីដេក បងប្អូនក៏បានទូរស័ព្ទដាស់ដើម្បីឲ្យទៅលក់អំបុក ប៉ុន្តែគាត់អត់លើកទូរស័ព្ទសោះ។
តាមប្រភពដដែលបានប្រាប់បន្តទៀតថា ខណៈនោះបងប្អូនក៏ពុំបានទៅមើលដែរ ព្រោះគិតថា គាត់អស់កម្លាំងក៏ទុកពេលឲ្យគាត់សម្រាកបន្តទៀត ប៉ុន្តែរហូតដល់វេលាថ្ងៃត្រង់ទៅហើយនៅតែមិនទាន់ឃើញភ្ញាក់ទៀត ទើបបងប្អូននទៅស្រែកហៅនិងគោះទ្វារបន្ទប់ដែលជាប់គន្លឹះពីខាងក្នុង តែពុំឮឆ្លើយតបសោះ ។ ដោយមានការងឿងឆ្ងល់ក៏បើកបង្អួចមើលស្រាប់តែប្រទះឃើញគាត់ស្លា.ប់បាត់ទៅហើយ ទើបមានការភ្ញាក់ផ្អើលឆោឡោ និងរាយការណ៍ជូននគរបាលប៉ុស្តិ៍ចោមចៅទី៣ឲ្យជួយពិនិត្យមើលព្រមទាំងរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ ចុះធ្វើកោសល្យវិច័យ ហើយនគរបាលបានសន្និដ្ឋានថាបុរសនេះស្លា.ប់ដោយជម្ងឺខ្យល់គ៕
ចែករំលែកព័តមាននេះ