ADផ្ទាំងផ្សព្វផ្សាយពាណិជ្ជកម្ម

Picture

សំណង់​រឹង​មាំ​លយ​ចូល​ក្នុង​ទន្លេមេគង្គ នៅ​តែ​បន្ត​សាងសង់​យ៉ាង​រំភើយ (​វី​ដេ​អូ​)

8 ខែ មុន
  • កណ្តាល

រឿង​សំណង់ផ្ទះ​ល្វែង​ដែល​ខ្លះ​ថា វីឡា​កំពុង​សាងសង់​លយ​ចូល​ក្នុង​ទន្លេមេគង្គ​នៅ​ក្រុង​អរិយ​ក្សត្រ មិន​ទាន់​កំចាត់​បាន​ទេ ព្រោះ​រសៀល​ថ្ងៃ​ទី​២៣ ខែកញ្ញា ឆ្នាំ​២០២៣ ក្រុម​ជាង​ដែល​កំពុង​ដឹក​ជញ្ជូន​ថ្ម ឥដ្ឋ ខ្សាច់ បំរុង​បន្ត​ការ​សាងសង់​សំណង់​រឹង​មាំ​មួយ​កន្លែង​រំ​លោ​.​ភ​ចូល​ចំណី​ទន្លេមេគង្គ

ខេត្តកណ្តាល ៖ រឿង​សំណង់ផ្ទះ​ល្វែង​ដែល​ខ្លះ​ថា វីឡា​កំពុង​សាងសង់​លយ​ចូល​ក្នុង​ទន្លេមេគង្គ​នៅ​ក្រុង​អរិយ​ក្សត្រ មិន​ទាន់​កំចាត់​បាន​ទេ ព្រោះ​រសៀល​ថ្ងៃ​ទី​២៣ ខែកញ្ញា ឆ្នាំ​២០២៣ ក្រុម​ជាង​ដែល​កំពុង​ដឹក​ជញ្ជូន​ថ្ម ឥដ្ឋ ខ្សាច់ បំរុង​បន្ត​ការ​សាងសង់​សំណង់​រឹង​មាំ​មួយ​កន្លែង​រំ​លោ​.​ភ​ចូល​ចំណី​ទន្លេមេគង្គ ស្ថិត​ក្នុងភូមិ​ព្រែក​ដូន​ហែម សង្កាត់​ព្រែក​អំពិល សង់​របង​ថ្ម រួចរាល់​បាន​ប្រហែលជា​៨០​ភាគរយ​ហើយ​។ ប៉ុន្តែ​ក្រោយ​ពី​ឃើញ​ក្រុម​អ្នក​សារព័ត៌មាន​ទៅ​ថត ទើប​ក្រុម​ជាង​ទាំងនោះ​ទាញ​ទូរស័ព្ទ​តេ​និយាយ​បាន​មួយសន្ទុះ ក៏​ផ្អាក​ធ្វើការ រួច​នាំ​គ្នា​ជិះ​ម៉ូតូ​ចេញពី​ការដ្ឋាន​សំណង់​បាត់​ស្រមោល​អស់​ទៅ​។

ប្រភព​ព័ត៌មាន​និយាយ​ថា ដី​មួយ​ជួរ​តាម​ដង​ទន្លេមេគង្គ​ខាងលិច​ផ្លូវ​នេះ គឺ​ពាក់កណ្តាល​ដី​ចំណី​ផ្លូវ និង​ពាក់កណ្តាល​ទៀត គឺជា​ដី​ចំណី​ទន្លេ ប្រជាជន​គ្រប់​រូប​មាន​សិទ្ធិ​អាស្រ័យ​ផល​បណ្តោះអាសន្ន​បាន តែ​គ្មាន​សិទ្ធិ​គ្រប់គ្រង​ធ្វើ​ជា​របស់​ឯកជន​បាន​ឡើយ ហើយ​ក៏​គេ​មិន​ចេញ​ប្លង់​អោយ​ដែរ​។ ប៉ុន្តែ​ចាប់តាំងពី​ដី​មាន​ហាងឆេង អ្នកមាន​លុយ​ៗ​ខ្លះ​នៅ​រាជធានី​ភ្នំពេញ បាន​មក​ឃុ​.​ប​ឃិ​.​ត​គ្នា​ជាមួយ​មេខ្យល់ និង​អាជ្ញាធរ​មូលដ្ឋាន​ចុះ​មក​ទិញ​ពី​អ្នក​ធ្លាប់​អាស្រ័យ​ផល​ពី​មុន​ក្នុង​តម្លៃ​ថោក​ៗ ហើយ​ពួក​គេ​ក៏​ធ្វើ​របង​ថ្ម​ព័ទ្ធ​យក​ធ្វើ​ជា​កម្មសិទ្ធិឯកជន​តែ​ម្តង​ទៅ​។ តែបើ​ប្រជាជន​សង់ ត្រឹមតែ​កូន​រោង​ឈើ​មួយ​យាម​ដី យាម​ចំការ មិន​បាន​ផង​។

ប្រភព​ដដែល​បន្ត​ថា ច្បាប់​ឥឡូវនេះ​ពិបាក​ណាស់ ពលរដ្ឋ​ចាក់​អាច​ម៌​ដី​មួយ​ឡាន ពីរ​ឡាន គ្រាន់​សង់ផ្ទះ​នៅ ក៏​អាជ្ញាធរ​តម្រូវ​អោយទៅ​សុំ​ច្បាប់ និង​បង់លុយ​ដែរ ខណៈ​ដែល​សេដ្ឋកិច្ច​ប្រជាពលរដ្ឋ​កំពុង​តែ​ធ្លាក់​ចុះ​ផង​នោះ​។ តែបើ​គេ​អ្នកមាន​លុយ មាន​អំណាច​វិញ ចង់​សាងសង់​ចូល​ដី​សាធារណៈ​របស់​រដ្ឋ សឹង​ដល់​ពាក់​កណ្តាលទន្លេ ក៏​គេ​ធ្វើ​បាន​ដែរ​។

បញ្ហា​ខាងលើ​នេះ ភ្នាក់ងារ​យើង​បាន​ទំនាក់ទំនង​ទៅ​សួរ​លោក កែវ ចាន់​រ៉ា ចៅសង្កាត់​ព្រែក​អំពិល តាម​រយៈ​លេខ​ទូរស័ព្ទ​លេខ ៖ 016.667202 តែ​លោក​ប្រាប់​ថា «​ច្រឡំ​លេខ គាត់​មិនមែន​ចៅសង្កាត់​ទេ គាត់​ធ្វើ​ប៉ូលិស​នៅ​ក្រសួងមហាផ្ទៃ​»​។ ចំណែក​លោក ចាន់ តារា អភិបាលក្រុង​អរិយ​ក្សត្រ បាន​បញ្ជាក់​ថា «​ចាំ​រូប​លោក​ចាត់​អភិបាលរង​ក្រុង​ទទួល​បន្ទុក ដឹកនាំ​កម្លាំង​ចុះ​ទៅ​ពិនិត្យ​មើល​»​។

គួរ​រំលឹក​ផង​ដែរ​ថាទាល់តែ​អ្នកមាន​លុយ មាន​អំណាច ទើប​ថ្លើមពាសមេឃ​សង់​សំណង់​រឹង​មាំ​លយ​ចូល​ទន្លេ​បាន​(​វី​ដេ​អូ​)

អត្ថបទសរសេរ ដោយ

កែសម្រួលដោយ