រាជធានីភ្នំពេញ ៖ ដោយអនុវត្តតាមការបញ្ជាពីលោកឧត្តមសេ នីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កាលពីថ្ងៃទី២២ ខែកញ្ញា…
រាជធានីភ្នំពេញ ៖ ដោយអនុវត្តតាមការបញ្ជាពីលោកឧត្តមសេ នីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កាលពីថ្ងៃទី២២ ខែកញ្ញា ឆ្នាំ២០២៣ លោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌនៃស្នងការដ្ឋាននគរបាលរាជធានីភ្នំពេញបានសហការជាមួយតម្រួតការពារព្រំដែនប្រទេសថៃ និងសមត្ថកិច្ចប៉ុស្តិ៍នគរបាលច្រកទ្វារអន្តរជាតិប៉ោយប៉ែត ធ្វើការឃាត់ខ្លួនពិរុទ្ធជនម្នាក់ដែលជាឃា.តកសម្លា.ប់មនុស្ស៣ឆ្នាំមុន ហើយបានទៅលាក់ខ្លួននៅក្នុងទឹកដីនៃប្រទេសថៃនោះ ។
ពិរុទ្ធជនខាងលើនោះមានឈ្មោះ លី ថារិយ ភេទប្រុស អាយុ៣២ឆ្នាំ មុខរបរ មិនពិតប្រាកដ មានទីលំនៅផ្ទះលេខ៣០ ផ្លូវលេខ៧០ ក្រុម៣០៣ ភូមិ២៩ សង្កាត់បឹងកក់២ ខណ្ឌទួលគោក រាជធានីភ្នំពេញ ដោយជាប់ចោទពីបទឃា.តកម្ម និងកាន់កា.ប់ ឬដឹកជញ្ជូនអាវុ.ធដោយគ្មានការអនុញ្ញាតប្រព្រឹត្តនៅចំណុចមុខផ្ទះលេខ១៩ ផ្លូវលេខ២៩១ ភូមិ១៣ សង្កាត់បឹងកក់២ ខណ្ឌទួលគោក រាជធានីភ្នំពេញ កាលពីថ្ងៃទី២៩ ខែកញ្ញា ឆ្នាំ២០២០ ។
កិច្ចសហការឃាត់ខ្លួនជនជាប់ចោទ សមត្ថកិច្ចបានអនុវត្តតាមដីកាបង្គាប់ឲ្យចាប់ខ្លួន និងឃុំខ្លួនលេខ៦៨៨ ឈ ដឃដ ចុះថ្ងៃទី០៥ ខែសីហា ឆ្នាំ២០២១ ចេញដោយលោក ឯក ប៉ូលីហ្វីល ចៅក្រមជំនុំជម្រះសាលា ដំបូងរាជធានីភ្នំពេញ ។
សូមបញ្ជាក់ថា កាលពីថ្ងៃទី២៩ ខែកញ្ញា ឆ្នាំ២០២០ វេលាម៉ោង ប្រមាណ១០យប់ មានករណីឃា.តកម្ម មួយប្រព្រឹត្តនៅចំណុចមុខផ្ទះលេខ១៩ ផ្លូវលេខ២៩១ ក្រុម៥៨ ភូមិ១៣ សង្កាត់បឹងកក់២ ខណ្ឌទួលគោក រាជធានីភ្នំពេញបង្កឡើងដោយជនសង្ស័យឈ្មោះ លី ថារិយ ដោយប្រើប្រាស់កាំភ្លើ.ងខ្លីមួយដើម មិនស្គាល់ម៉ាក បញ្ជូលគ្រា.ប់រួចជាស្រេច ដើរចូលទៅបា.ញ់ជនរងគ្រោះឈ្មោះ សុខ ឆន មុខរបរជាងកាត់សក់ កំពុងនៅក្នុងផ្ទះ ពេលនោះជនរងគ្រោះក៏បានឃើញទាន់ និងស្ទុះទៅទាញយកដែកបំពង់ទីប គោលបំណងការពារខ្លួន និងការពារក្រុមគ្រួសារកំពុងជួបជុំគ្នានៅក្នុងផ្ទះ និងបានវា.យទៅលើជនសង្ស័យតែមិនត្រូវទើបជនសង្ស័យចា.ប់បំពង់ទីបជាប់ និងបានបា.ញ់ចំនួន០១ គ្រា.ប់ ចំដើមទ្រូងជនរងគ្រោះ បណ្តាលឲ្យរងរបួសយ៉ាងទម្ងន់ ដេកដួលទៅលើដី និងស្លា.ប់បាត់បង់ជីវិតតែម្តងទៅ ។
បន្ទាប់ពីធ្វើសកម្មភាពរួចហើយ ជនសង្ស័យបានរត់គេចខ្លួនបាត់ តែការគេចខ្លួននោះមិនអាចគេចបានមួយជីវិតទេ ជាក់ស្តែងក្រោមការសហការរវាងសមត្ថកិច្ចប្រទេសជិតខាង ជនជាឃា.តករ និងត្រូវចាប់ខ្លួន ដើម្បីយកមកអនុវត្តទោសតាមផ្លូវច្បាប់ ៕
ចែករំលែកព័តមាននេះ