ប្រធានាធិបតីស៊ីរីមកបំពេញទស្សនកិច្ចនៅចិន
ប្រទេសស៊ីរី-ចិន ៖ ស្ថិតនៅឯកោលើឆាកអន្តរជាតិប្រធានាធិបតីស៊ីរី លោកបាចាអាល់អាសាដ ចាប់
ប្រទេសស៊ីរី-ចិន ៖ ស្ថិតនៅឯកោលើឆាកអន្តរជាតិប្រធានាធិបតីស៊ីរី លោកបាចាអាល់អាសាដ ចាប់ផ្ដើមនាថ្ងៃទី២១ កញ្ញា បំពេញទស្សនកិច្ចផ្លូវការមួយនៅចិន ជាលើកដំបូងក្នុងប្រទេសនេះតាំងពីជិត២០ឆ្នាំមកហើយ។ ទស្សនកិច្ចនោះតាមក្រុងប៉េកាំងថា ផ្ដោតលើទំនាក់ទំនងទ្វេភាគីដែលនឹងពង្រឹងក្នុងកម្រិតថ្មីមួយ។
មេដឹកនាំស៊ីរីតាមរយៈទស្សនកិច្ចនេះស្វែងរកមូលនិធិ សម្រាប់ការកសាងស៊ីរីឡើងវិញ ក្រោយសង្គ្រាមបង្ហូរឈាម ដែលនាំដល់ការបំផ្លាញប្រទេសនេះធ្ងន់ធ្ងរបំផុត ពិសេសបណ្ដាហេដ្ឋារចនាសម្ព័ន្ធនិងបំផ្លាញផ្នែកជាច្រើននៃសេដ្ឋកិច្ច ខណៈក្រុងដាម៉ាស់ក៏រងទណ្ឌកម្មអន្តរជាតិធ្ងន់បំផុតផងដែរ។
ក្នុងសន្និសីទសារព័ត៌មានមួយអ្នកនាំពាក្យក្រសួងការបរទេសចិន លោកស្រីម៉ៅនិញថ្លែងថា យើងជឿជាក់ថា ទស្សនកិច្ចនោះរបស់ប្រធានាធិបតីលោកបាចាអាល់អាសាដ នឹងពង្រឹងទំនុកចិត្តគ្នាខាងនយោបាយទៅវិញទៅមក និងកិច្ចសហប្រតិបត្តិការក្នុងផ្នែកផ្សេងៗរវាងប្រទេសទាំង២ ដែលធ្វើឲ្យទំនាក់ទំនងទ្វេភាគីឡើងដល់កម្រិតថ្មីមួយ ។ លោកស្រីបន្តថាប្រធានាធិបតីចិនលោកស៊ីជីនពីងនិងអ្នកទទួលខុសត្រូវជាន់ខ្ពស់ចិនដទៃៗទៀត នឹងជួបពិភាក្សាជាមួយលោកអាសាដ ពីទំនាក់ទំនងរវាងប្រទេសទាំង២ និងបញ្ហាមានផលប្រយោជន៍រួមនានា។
ក្នុងពេលស្នាក់អាស្រ័យនៅចិនលោកអាសាដនឹងចូលរួមនាថ្ងៃទី២៣ កញ្ញា ក្នុងពិធីបើកការប្រកួតកីឡាអាស៊ីនៅចិន ដែលក្នុងឱកាសនោះលោកស៊ីជីនពីងត្រូវជួបជាមួយមេដឹកនាំប្រទេសជាច្រើន។ ទស្សនកិច្ចនោះក៏តំណាងឲ្យការចាកចេញពីភាពឯកោរបស់ស៊ីរីលើឆាកអន្តរជាតិផងដែរ៕
ចែករំលែកព័តមាននេះ