រាជធានីភ្នំពេញ ៖ សាច់ជ្រូកសង្ស័យខូចគុណភាពជិត១តោនត្រូវបានជនមិនស្គាល់មុខយកទៅបោះចោលនៅទីលានចាក់សំរាមស្ទឹងមានជ័យ ផ្អើលពលរដ្ឋបំរុងរើសយកទៅទទួលទាន តែត្រូវបានអាជ្ញាធរធ្វើការហាមឃាត់ បង្ករឲ្យការភ្ញាក់ផ្អើលកាលពីវេលាម៉ោង១២ថ្ងៃត្រង់ថ្ងៃទី១៧ ខែកញ្ញា ឆ្នាំ២០២៥ នៅចំនុចទីលានចាក់សំរាមស្ទឹងមានជ័យចាស់ សង្កាត់ស្ទឹងមានជ័យទី២…
រាជធានីភ្នំពេញ ៖ សាច់ជ្រូកសង្ស័យខូចគុណភាពជិត១តោនត្រូវបានជនមិនស្គាល់មុខយកទៅបោះចោលនៅទីលានចាក់សំរាមស្ទឹងមានជ័យ ផ្អើលពលរដ្ឋបំរុងរើសយកទៅទទួលទាន តែត្រូវបានអាជ្ញាធរធ្វើការហាមឃាត់ បង្ករឲ្យការភ្ញាក់ផ្អើលកាលពីវេលាម៉ោង១២ថ្ងៃត្រង់ថ្ងៃទី១៧ ខែកញ្ញា ឆ្នាំ២០២៥ នៅចំនុចទីលានចាក់សំរាមស្ទឹងមានជ័យចាស់ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានបានអោយដឹងថា សាច់ជ្រូកខាងលើ មិនដឹងថាជាសាច់ខូចគុណភាព ឬមានបញ្ហាអ្វីនោះទេ ត្រូវបានជនមិនស្គាល់មុខបានច្រកបាវយកមកបោះចោលនៅទីលានចាក់សំរាមស្ទឹងមានជ័យជិត១តោន មិនដឹងថាយកមកតាំងពីពេលណានោះទេ ឃើញបែបនេះ ហើយក៍មានបងប្អូនប្រជាពលរដ្ឋមានជីវភាពខ្វះខាតនៅទីនោះ មានអ្នកខ្លះបំរុងរើសយកសាច់ជ្រូកនោះទៅទទួលទាន ដោយមិនបានគិតថាសាច់ទាំងនោះមានបញ្ហាអ្វីឬខូចគុណភាព ។ ចឹងហើយ ទើបពលរដ្ឋមួយចំនួនបានរាយការណ៍ជូនកម្លាំងអាជ្ញាធរមូលដ្ឋានបានចុះទៅពិនិត្យនិងបានណែនាំហាមឃាត់មិនអោយពលរដ្ឋមួយចំនួនដែលបំរុងយកសាច់ជ្រូកទៅទទួលទាន ឬធ្វើអ្វីមួយអោយមានការប្រុងប្រយ័ត្ន ព្រោះថាសាច់ជ្រូកនេះគ្មានប្រភពច្បាស់លាស់នោះទេ ។
ពាកព័ន្ធករណីនេះផងដែរ អាជ្ញាធរមូលដ្ឋានបានរាយការណ៍បន្តជូនជំនាញពាក់ព័ន្ធ តែមិនទាន់មានចំណាត់ការអ្វីនោះទេ រហូតដល់ម៉ោង៦ល្ងាចថ្ងៃដដែល ដោយអាជ្ញាធរបានដាក់កម្លាំងចាំឃ្លាំមើលនិងស្រាវជ្រាវស្វែងរកអ្នកយកសាច់មកបោះចោលដើម្បីយកទៅសួរនាំតាមជំនាញផងដែរ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ