នាយកមន្ត្រីថៃ ៖ ថៃ-អាស៊ានត្រៀមខ្លួនរួចរាល់ធ្វើម្ចាស់ផ្ទះ World Cup ឆ្នាំ២០៣៤
សហរដ្ឋអាមេរិក ៖ នាយករដ្ឋមន្ត្រីថៃ លោក ស្រេតថា ថាវីស៊ីន (Srettha Thavisin) បានថ្លែងថា លោក
សហរដ្ឋអាមេរិក ៖ នាយករដ្ឋមន្ត្រីថៃ លោក ស្រេតថា ថាវីស៊ីន (Srettha Thavisin) បានថ្លែងថា លោកបានគូសបញ្ជាក់ដល់លោក Gianni Infantino ប្រធានសហព័ន្ធបាល់ទាត់ពិភពលោក FIFA នៅក្នុងកិច្ចប្រជុំនាពេលថ្មីៗនេះ ថា ប្រទេសថៃ រួមនឹងសមាជិកអាស៊ានផ្សេងទៀត ត្រៀមខ្លួនរួចរាល់ ដើម្បីធ្វើជាសហម្ចាស់ផ្ទះព្រឹត្តិការណ៍ FIFA World Cup ឆ្នាំ ២០៣៤ ប្រសិនបើត្រូវបានជ្រើសរើស។
ជំនួបរវាងនាយករដ្ឋមន្ត្រីថៃ និងប្រធាន FIFA បានធ្វើឡើងកាលពីថ្ងៃទី២០ ខែកញ្ញា កន្លងទៅ នៅខាងក្រៅកិច្ចប្រជុំមហាសន្និបាតអង្គការសហប្រជាជាតិ (UNGA) នៅឯទីក្រុងញូវយ៉ក ដោយលោកបានបន្ថែមទៀតថា «ចាប់ពីពេលនេះតទៅ អាស៊ានត្រូវធ្វើការរួមគ្នា ដើម្បីអភិវឌ្ឍកម្រិតបាល់ទាត់របស់យើង ក៏ដូចជាការត្រៀមខ្លួនរបស់យើងក្នុងការធ្វើជាម្ចាស់ផ្ទះព្រឹត្តិការណ៍នេះ»។
ប្រទេសសមាជិកអាស៊ានទាំង១០ នាពេលថ្មីៗនេះ បានបង្កើតក្រុមការងាររួមគ្នាមួយ ក្នុងគោល បំណងធានាសិទ្ធិធ្វើជាម្ចាស់ផ្ទះ សម្រាប់ការប្រកួតបាល់ទាត់ពិភពលោកឆ្នាំ២០៣៤។ នៅក្នុងជំនួបនោះ លោក Infantino បានអញ្ជើញលោក ស្រេតថា ទៅចូលរួមមហាសន្និបាត FIFA លើកទី៧៤ ដែលនឹងធ្វើឡើងនៅរាជធានីបាងកក នៅខែឧសភា ឆ្នាំក្រោយ ដោយអ្នកតំណាងប្រហែល ២ពាន់នាក់មកពី ២១១ប្រទេស គ្រោងនឹងចូលរួមមហាសន្និបាតនេះ។
លោកនាយករដ្ឋមន្ត្រីថៃ ក៏បានថ្លែងបន្ទាប់ពីកិច្ចប្រជុំថា សមាជ FIFA នៅប្រទេសថៃ គឺជាការប្រជុំដ៏ធំ ដោយពិចារណាលើចំនួនអ្នកចូលរួម វាធំជាងសន្និសីទអង្គការសហប្រជាជាតិទៅទៀត ហើយការចូលរួមរបស់អ្នកចូលរួមអន្តរជាតិ ពិតជានឹងជំរុញសេដ្ឋកិច្ចរបស់ប្រទេសថៃ។ បាល់ទាត់គឺមានប្រជាប្រិយភាពយ៉ាងខ្លាំងនៅក្នុងតំបន់ភាគច្រើន នៃពិភពលោក ហើយមានតម្លៃពាណិជ្ជកម្មដ៏ធំសម្បើមផងដែរ៕ (ប្រភពពី Thai PBS World)
ចែករំលែកព័តមាននេះ