រាជធានីភ្នំពេញ៖គណៈប្រតិភូខេត្តយូណានប្រទេសចិនបានធ្វើការស្វែងយល់ពីប្រព័ន្ធផ្សព្វផ្សាយនៅក្នុងប្រទេសកម្ពុជា ក្នុងគោលបំណងធ្វើកិច្ចសហកាជាមួយគ្នាលើការផ្សព្វផ្សាយព័ត៌មានរវាងគ្នា និងគ្នា ។
លោកស្រី ZENG YAN សមាជិកអចិន្ត្រៃយ៍ និងជាប្រធានផ្នែកឃោសនាកានៃគណៈកម្មារធិកាបក្សកុម្មុនីសចិន ខេត្តយូណាន បានលើកឡើងក្នុងកិច្ចប្រជុំពិភាក្សាអំពីស្ថានភាពប្រព័ន្ធសារព័ត៌មានក្នុងប្រទេសកម្ពុជា និងខេត្តយូណានប្រទេសចិន នាព្រឹកថ្ងៃទី២២ ខែកញ្ញា ឆ្នាំ២០២៣ នៅទីស្តីកាក្រសួងព័ត៌មានថា វិស័យព័ត៌មានពិតជាមានសារៈសំខាន់ណាស់ ហើយបានធ្វើប្រជាជនកម្ពុជា និងចិនមានភាពកាន់តែជិតស្និទ្ធ និងប្រាស្រ័យទាក់ទងគ្នាល្អ ។
លោកស្រីបានបញ្ជាក់ថា ៖«នៅពេលសិក្សាស្វែងយល់គ្នារួចនៅពេលក្រោយភាគីទាំងពីរនឹងធ្វើកិច្ចការកាន់តែមានភាពរឹងមាំ ។ នេះជាលើកទី១ ហើយដែលខ្ញុំមកដល់ក្រុងភ្នំពេញខ្ញុំបានស្វែងយល់ឃើញថា កម្ពុជាកំពុងតែរីកចម្រើនកាន់តែខ្លាំងឡើង» ។
លោកស្រី ZENG YAN ក៏បានឲ្យដឹងថា ក្នុងរយៈពេល៥ឆ្នាំកន្លងមកនេះ សេចដ្ឋកិច្ចនៅក្នុងខេត្តយូណានឈរនៅលេខ២៤ ប៉ុន្តែពេលនេះបានឈរមកលេខ១៨វិញ ក្នុងចំណោមបណ្តាខេត្តរបស់ចិន ។ លោកស្រីបានលើកឡើងវិស័យព័ត៌មានពិតជាសំខាន់ក្នុងនោះវិស័យ វប្បធម៌ អរិយធម៌ ក៏មានសារៈសំខាន់ផងដែរ ។ បើយើងចង់ឲ្យសេដ្ឋកិច្ចរីកចម្រើនមុនដំបូងយើងត្រូវឲ្យប្រជាជនភាគីទាំងពីរមានភាពកាន់តែជិតស្និទ្ធ និងការផ្តាស់ប្តូរវប្បធម៌ និងការផ្សព្វផ្សាយព័ត៌មានកាន់តែខ្លាំងនិងឈានទៅមុខ ។
ជាមួយគ្នានោះដែរ លោកស្រីថា នៅពេលបច្ចុប្បន្ននេះវិស័យព័ត៌មានបានកំពុងប្រឈមបញ្ហាមួយ គឺប្រព័ន្ធសារព័ត៌មានបែបប្រពៃណីបានកំពុងតែផ្លាស់ប្តូរទៅជាព័ត៌មានបែបឌីជីថល ។ នៅក្នុងខេត្តយូណានបានកំពុងតែធ្វើការួមបញ្ចូលគ្នានៃកាផ្សាយព័ត៌មាន ។
ក្នុងកិច្ចពិភាក្សាគ្នានោះដែរ លោកស្រី ថុង សុវណ្ណរង្ស៊ី អគ្គនាយិការនៃសារព័ត៌មានកោះ សន្តិភាពបានលើកឡើងថា សារព័ត៌មានកោះសន្តិភាពមានវត្តមានតាំងពីឆ្នាំ១៩៦៨ ហើយមកដល់ពេលបច្ចុប្បន្ននៅតែរក្សាការបោះពុម្ភជាការសែតដដែល ។ លោកស្រីបញ្ជាក់ថា ៖«ដោយសារតែបច្ចុប្បន្ននេះ មានការវិវត្តផ្នែកព័ត៌មានតាមបច្ចេកវិទ្យា កោះសន្តិភាពក៏បានធ្វើកាវិវត្តន៍ខ្លួនឯង គឺមានវេបសាយ ការផ្សាយតាមប្រព័ន្ធសង្គមជាច្រើនទៀត» ។
លោកស្រីបន្ថែមថា ដោយសារមានតម្រូវការពីសំណាក់ប្រជាពលដ្ឋក្នុងការប្រើប្រព័ន្ធសង្គមទាំងក្នុងស្រុក និងក្រៅប្រទេសនោះ កោះសន្តិភាពក៏បានបង្កើតឲ្យមានការផ្សាយឆាណែលផ្សាយដូចជា សារព័ត៌មានកោះសន្តិភាពអនឡាញ សារព័ត៌មានកោះសន្តិភាពTV មានការផលិតជាវិឌីអូ ផេកម្ហូបអាហា ផេកនិយាយពីកំពូលមនុស្សជាដើម ។
លោកស្រីអគ្គនាយិកាបានបន្ថែមថា ក្រៅពីតម្រូវការផ្នែកព័ត៌មានកោះសន្តិភាពក៏មានការផ្សាយបែបកម្សាន្តផងដែរ ក្នុងនោះ គឺផ្តោតសំខាន់លើការផ្សាយម្ហូបអាហានៅក្នុងប្រទេសកម្ពុជា ដែលពេលនេះបានបង្កើតជា APPផ្ទាល់ខ្លួនផងដែរ ។ ប៉ុន្តែជាការសោកស្តាយកោះសន្តិភាពមិនទាន់មានការផ្សាយជាភាសារចិននោះទេ ។
ក្នុងកិច្ចពិភាក្សានោះដែរ លោកស្រីអគ្គនាយិកាក៏បានលើកឡើងថាកន្លងមកកោះសន្តិភាពក៏មានការសហការជាមួយខេត្តយូណានផងដែរក្នុងនោះបានផ្សាយពីខេត្តយូណានមួយសប្តាហ៍២លេខផងដែរ។ លោកស្រីថា ទោះបីមានការសហការគ្នាក្តីក៏នៅមានភាពចន្លោះខ្វះខាតផងដែរ ប៉ុន្តែធ្វើឲ្យកិច្ចសហការគ្នាបានល្អជាងមុន គប្បីស្នើឲ្យភាគីខេត្តយូណានចំនួន៣ចំណុច ៖ ១.ការផ្លាស់ប្តូររូបភាព អត្ថបទ និងវីឌីអូ ។ ២.ការផ្លាស់ប្តូបទពិសោធនរវាងអ្នកសារព័ត៌មានរវាងខេត្តយូណាន និងកោះសន្តិភាព ។ និងទី៣.ការបណ្តុះបណ្តាលរវាងអ្នកសារព័ត៌មាន ខេត្តយូណាន ជាមួយអ្នកសារព័ត៌មានកោះសន្តិភាព ។ លោកស្រីថា ការធ្វើការផ្លាស់ប្តូរគ្នានេះ ដើម្បីឲ្យអ្នកសារព័ត៌មានដែលសរសេរអត្ថបទអាចពន្យល់ប្រជាជនបានយល់ច្បាស់ថែមទៀត ។
ចំណែកឯកឧត្តម ឈាង លាន រដ្ឋលេខាធិការក្រសួងព័ត៌មានបានលើកឡើងថា ខេត្តយូណាន បានដើរតួនាទីសំខាន់ និងរួមវិភាគទានយ៉ាងច្រើនបង្កើតបានជាស្ពានមិត្តភាពមួយសម្រាប់ជំរុញការផ្លាស់ប្ដូរវប្បធម៌អន្តរជាតិក្នុងយុគសម័យថ្មី ក៏ដូចជា ចូលរួមពិភាក្សាផ្លាស់ប្ដូរយោបល់ចែករំលែកបទពិសោធន៍ចំណេះដឹងពីគ្នាទៅវិញទៅមក ដើម្បីរៀបចំគោលនយោបាយ ផែនការយុទ្ធសាស្ត្រ និងទិសដៅការងារ សម្រាប់អនុវត្តបន្តឲ្យកាន់តែមានគុណភាព ប្រសិទ្ធភាព ស៊ីសង្វាក់ ប្រទាក់ក្រឡាគ្នាឆ្លើយតបទៅនឹងតម្រូវការ និងស្ថានភាពជាក់ស្ដែង ដើម្បីអភិវឌ្ឍន៍វិស័យព័ត៌មានឲ្យកាន់តែមានការរីកចម្រើនថែមទៀត និងដើរទាន់ការវិវត្តនៃបច្ចេកវិទ្យា ប្រព័ន្ធផ្សព្វផ្សាយឌីជីថលនៅក្នុងយុគសម័យបដិវត្តន៍ឧស្សាហកម្មជំនាន់ទី៤ ដើម្បីសម្រេចបានសមិទ្ធផលថ្មីៗបន្ថែមទៀត ។
ឯកឧត្តមលើកឡើងថា បច្ចុប្បន្នសារព័ត៌មានបោះពុម្ពផ្សាយតាមបែបប្រពៃណីរួមមានៈ កាសែត ព្រឹត្តប័ត្រ ទស្សនាវដ្ដី ដែលបានចុះបញ្ជីនៅក្រសួងព័ត៌មានចំនួន៦៦១អង្គភាព គេហទំព័រ និងទូរទស្សន៍អនឡាញ មានចំនួន៨៧៨អង្គភាព វិទ្យុ FM ដែលកំពុងដំណើរការផ្សាយមាន ចំនួន២២១ស្ថានីយ៍ ទូរទស្សន៍ផ្សាយផ្ទាល់មានចំនួន១៩ស្ថានីយ៍ និងផ្សាយបន្តមានចំនួន១៦៥ស្ថានីយ៍ ទូរទស្សន៍ផ្កាយរណបមានចំនួន ២ស្ថានីយ៍ (Sky ONE និងតេជោ DTV) ទូរទស្សន៍ឌីជីថល (Pay TV) មានចំនួន ៤ស្ថានីយ៍ និងទូរទស្សន៍ប្រភេទ OTT (Over The Top) មាន ៦ស្ថានីយ៍ ចំណែកទីភ្នាក់ងារសារព័ត៌មានបរទេស និងការិយាល័យតំណាងវិទ្យុ ទូរទស្សន៍ បរទេសប្រចាំការអចិន្ត្រៃយ៍នៅកម្ពុជា មានចំនួន ១៧អង្គភាព និងសមាគមសារព័ត៌ មានសរុបមានចំនួន ៥១អង្គភាព សមទ្ធិផលទាំងនេះបានបង្ហាញអំពីការបើកទូ លាយសិទ្ធិសេរីភាពនៃការបញ្ចេញមតិ និងសេរីភាពខាងសារព័ត៌មាន ព្រមទាំងសក្ដានុពលនៃប្រព័ន្ធផ្សព្វផ្សាយនៅក្នុងព្រះរាជាណាចក្រកម្ពុជា៕
ចែករំលែកព័តមាននេះ