ADផ្ទាំងផ្សព្វផ្សាយពាណិជ្ជកម្ម

នាយករដ្ឋមន្ត្រីថៃថ្លែងថាលោកថាក់ស៊ីនអាចនឹងបានតំណែងអ្វីមួយបន្ទាប់ពីចេញពីព.ន្ធនាគារ

1 ឆ្នាំ មុន

២២ ខែ កញ្ញា ឆ្នាំ ២០២៣ ម៉ោង ០៥:៣០

បាងកក៖ នាយករដ្ឋមន្ត្រីថៃ លោកស្រឹត្ថា ថាវិស៊ីន ថ្លែងថាលោកថាក់ស៊ីននឹងមានឱកាសចូលរួមជីវភាពនយោបាយជាមួយនឹងរាជរដ្ឋាភិបាលរបស់លោកនៅពេលគាត់ចាកចេញពីពន្ធនាគារ។ លោកស្រឹត្ថាជឿជាក់ថាលោកថាក់ស៊ីននៅតែមានប្រយោជន៍សម្រាប់រដ្ឋាភិបាល និងប្រជារាស្ត្រថៃ។ លោកថ្លែងដូចនេះនៅក្នុងបទសម្ភាសជាមួយទូរទស្ស៍ប៊្លូមបឺក (Bloomberg) ដែលឆ្លៀតទៅស្កាត់ជួបលោកដោយផ្ទាល់នៅពេលលោកចូលរួមមហាសន្និបាតអង្គការសហប្រជាជាតិនៅទីក្រុងញូយ៉ក។…

បាងកក៖ នាយករដ្ឋមន្ត្រីថៃ លោកស្រឹត្ថា ថាវិស៊ីន ថ្លែងថាលោកថាក់ស៊ីននឹងមានឱកាសចូលរួមជីវភាពនយោបាយជាមួយនឹងរាជរដ្ឋាភិបាលរបស់លោកនៅពេលគាត់ចាកចេញពីពន្ធនាគារ។ លោកស្រឹត្ថាជឿជាក់ថាលោកថាក់ស៊ីននៅតែមានប្រយោជន៍សម្រាប់រដ្ឋាភិបាល និងប្រជារាស្ត្រថៃ។ លោកថ្លែងដូចនេះនៅក្នុងបទសម្ភាសជាមួយទូរទស្ស៍ប៊្លូមបឺក (Bloomberg) ដែលឆ្លៀតទៅស្កាត់ជួបលោកដោយផ្ទាល់នៅពេលលោកចូលរួមមហាសន្និបាតអង្គការសហប្រជាជាតិនៅទីក្រុងញូយ៉ក។

នាយករដ្ឋមន្ត្រីថ្មីរបស់ថៃកំពុងស្វះស្វែងរកការជំរុញកំណើនសេដ្ឋកិច្ចជាតិបន្ទាប់ពីពួកយោធាកាន់អំណាចរយៈពេលជិត១ទសវត្សធ្វើឱ្យប្រទេសជាតិដើរថយក្រោយ។ លោកស្រឹត្ថាយល់ថាលោកថាក់ស៊ីនមិនថាពេលមុន ឬពេលបច្ចុប្បន្ននេះទេ លោកនៅតែជានាយករដ្ឋមន្ត្រីដែលមានប្រជាប្រិយភាពខ្ពស់ជាងគេនៅក្នុងឆាកនយោបាយថៃ។ ដូច្នេះ លោកពិតជាត្រូវការខ្លាំងណាស់នូវមតិណែនាំពីលោកថាក់ស៊ីន ឬពីអតីតនាយករដ្ឋមន្ត្រីថៃដទៃទៀតដើម្បីបានជាគតិនៅក្នុងការដឹកនាំជាតិ។

លោកថាក់ស៊ីនសព្វថ្ងៃនេះចាប់ផ្ដើមជាសះពីមុខរបួសវះកាត់ជាបណ្ដើរៗហើយ ហើយកំពុងសម្រាកព្យាបាលនៅមន្ទីរពេទ្យនៃអគ្គស្នងការដ្ឋាននគរបាលជាតិថៃ។ អាជ្ញាធរធ្លាប់បង្ហើបឱ្យដឹងថាលោកថាក់ស៊ីនអាចនឹងមានសិទ្ធិស្នើសុំនៅក្រៅឃុំនាខែកុម្ភៈ ឆ្នាំ២០២៤។ លោកស្រឹត្ថាទៅទីក្រុងញូយ៉កលើកនេះជាការធ្វើដំណើរចេញទៅក្រៅប្រទេសថៃជាលើកទី១ចាប់តាំងពីលោកកាន់តំណែងជានាយករដ្ឋមន្ត្រី។ លោកនឹងឡើងថ្លែងនៅក្នុងមហាសន្និបាតអង្គការសហប្រជាជាតិនៅយប់ថ្ងៃសុក្រ។

ថ្វីដ្បិតមានបទពិសោធជាង៣០ឆ្នាំនៅក្នុងមុខជំនួញ និងវិស័យអចលនទ្រព្យ ប៉ុន្តែលោកស្រឹត្ថាទទួលស្គាល់ថាលោកគ្មានបទពិសោធខាងផ្នែកនយោបាយទេ។ ជាក់ស្ដែង លោកទើបតែប្រឡូកនៅក្នុងនយោបាយត្រឹមតែប៉ុន្មានខែប៉ុណ្ណោះមុនការបោះឆ្នោត។ ទោះបីនៅក្មេងខ្ចីខាងយោបាយក៏ពិតមែន ប៉ុន្តែលោកសូមកុំឱ្យមានការបារម្ភអំពីភាពរង្គោះរង្គើនៃរដ្ឋាភិបាលចម្រុះដែលចូលរួមដោយគណបក្សនយោបាយចំនួន១១។ លោកជឿជាក់ថានេះជារដ្ឋាភិបាលដែលមានស្ថិរភាពល្អណាស់។

ចំពោះសំណួរថាតើលោកថាក់ស៊ីនអាចនឹងទទួលបានមុខតំណែង ឬតួនាទីអ្វីនៅក្នុងរដ្ឋាភិបាលរបស់លោកក្រោយពេលចាកចេញពីពន្ធនាគារ, លោកស្រឹត្ថាសូមឱ្យមហាជនរង់ចាំមើលស្ថានភាពជាក់ស្ដែងព្រោះយើងត្រូវដើរ១ជំហានគិត១ជំហាន៕

ប្រភព៖ Bangkok Post
https://www.bangkokpost.com/thailand/politics/2650805/srettha-thaksin-could-have-role-after-release