លោកពូទីន នឹងមកធ្វើទស្សនកិច្ចជាលើកដំបូងនៅចិន នាខែក្រោយនេះ
ប្រទេសរុស្ស៊ី-ចិន ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន ថ្លែងកាលពីថ្ងៃទី២០កញ្ញាថា លោកនឹង
ប្រទេសរុស្ស៊ី-ចិន ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន ថ្លែងកាលពីថ្ងៃទី២០កញ្ញាថា លោកនឹងមកកាន់ប្រទេសចិន នាខែតុលា ខាងមុខនេះតាមការអញ្ជើញរបស់សមភាគីចិនលោកស៊ី ជីនពីង។ នោះនឹងជាទស្សនកិច្ចលើកដំបូងរបស់លោកនៅចិន តាំងពីចាប់ផ្ដើមសង្គ្រាមនៅអ៊ុយក្រែនមក។
តាមរូបភាពផ្សាយដោយទូរទស្សន៍រុស្ស៊ី លោកពូទីនលើកឡើងថា លោករីករាយទទួលសំណើនោះរបស់លោកស៊ី ជីនពីង តាមរយៈរដ្ឋមន្ត្រីការបរទេសចិនលោកវ៉ាងយី ពេលជួបគ្នានៅរុស្ស៊ី។ តាមពិតទៅវិមានក្រឹមឡាំងធ្លាប់ប្រកាសរួចហើយ ពីបំណងរបស់លោកពូទីនមកកាន់ប្រទេសចិន ដើម្បីចូលរួមក្នុងវេទិកាខ្សែក្រវ៉ាត់និងផ្លូវ ដែលមានការជួបជុំគ្នារបស់បណ្ដាមេដឹកនាំលើពិភពលោក។ រុស្ស៊ីដែលរងទណ្ឌកម្មរបស់ពួកលោកខាងលិចដោយសារការលុកលុយចូលអ៊ុយក្រែននោះ បានស្វែងរករឹតបន្តឹងថែមទៀតទំនាក់ទំនងសេដ្ឋកិច្ចជាមួយចិន។
អ្នកនាំពាក្យវិមានក្រឹមឡាំងលោកឌីមីទ្រីប៉េស្កូវថ្លែងនាពេលមុននេះថា លោកពូទីនបានជួបជាមួយលោកវ៉ាងយី ហើយទទួលលោកនៅវិមានកុងស្តង់ទីនក្រុងសាំងប៉េទ័រស្បួរភាគពាយ័ព្យរុស្ស៊ី។ ចាប់តាំងពីទស្សនកិច្ចរបស់លោកស៊ីជីនពីងនៅរុស្ស៊ីកាលពីខែមីនា ក្រុងម៉ូស្គូនិងក្រុងប៉េកាំងមានបំណងពង្រឹងកិច្ចសហប្រតិបត្តិការសេដ្ឋកិច្ចនិងយោធា ក្នុងក្របខណ្ឌនៃមិត្តភាព ដែលជាផ្លូវការចាត់ទុកថាគ្មានព្រំដែន៕
ចែករំលែកព័តមាននេះ