ឡានហាយឡែនឌ័រ បុកជាមួយឡានឡិចស៊ីRX.400h ក្រឡា.ប់ផ្ងារជើង នៅចំណុចផ្លូវវាងក្រុង
ខេត្តបន្ទាយមានជ័យ ៖ រថយន្តមួយគ្រឿងម៉ាកហាយឡិនឌ័រ បត់មិនប្រយ័ត្នត្រូវបានរថយន្តម៉ាក
ខេត្តបន្ទាយមានជ័យ ៖ រថយន្តមួយគ្រឿងម៉ាកហាយឡិនឌ័រ បត់មិនប្រយ័ត្នត្រូវបានរថយន្តម៉ាកឡិចស៊ី RX.400h បុ.ក បណ្តាលឱ្យក្រឡា.ប់ផ្ងារជើងរបួសធ្ងន់ស្រាល២នាក់ កាលពីរសៀលថ្ងៃទី២០ ខែកញ្ញា ឆ្នាំ២០២៣ នៅផ្លូវវាងក្រុងស្ថិតភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។
អ្នកឃើញហេតុការណ៍បានប្រាប់ឱ្យដឹងថា នៅពេលគ្រោះថ្នាក់ចរាចរណ៍កើតឡើងមានរថយន្តហាយឡិនឌ័រ ពាក់ស្លាកលេខ សៀមរាប 2B-5855 បានបើកឆ្លងផ្លូវពីត្បូងមកជើង ហើយមានរថយន្តម៉ាកឡិចស៊ីស RX.400h ពាក់ស្លាកលេខ ភ្នំពេញ 2BV-4178 បានបើកបរតាមផ្លូវជាតិលេខគន្លងខាងស្តាំដៃ ក្នុងទិសដៅពីកើតមកលិចបានបុ.កពីក្រោយយ៉ាងពេញទំហឹង បណ្តាលឱ្យរថយន្តឡិចស៊ីសរ៉េចង្កូតទៅបុ.កបង្កាន់ដៃដាច់ក្រឡា.ប់ផ្ងារជើង និងរថយន្តហាយឡែនឌ័របុ.កចូលផ្ទះលក់អីវ៉ានចាប់ហួយ បណ្តាលឱ្យបុរស២នាក់របួសធ្ងន់ស្រាល ត្រូវបានគេដឹកយកទៅសង្គ្រោះនៅមន្ទីរពេទ្យ។
ក្រោយគ្រោះថ្នាក់ចរាចរណ៍កើតឡើង គេឃើញវត្តមានមន្ត្រីនគរបាលចរាចរណ៍ផ្លូវគោកនៃស្នងការដ្ឋានគរបាលខេត្តបន្ទាយមានជ័យ បានចុះមកដល់កន្លែងកើតហេតុភ្លាមៗ ដើម្បីសម្រួលចរាចរណ៍ និងធ្វើការវាស់វែង បានប្រាប់ឱ្យដឹងថា មូលហេតុគ្រោះកើតឡើងបង្កដោយរថយន្តហាយឡិនឌ័របើកឆ្លងផ្លូវមិនប្រយ័ត្ន ហើយរថយន្តឡិចស៊ីសបើកលឿនបានបុ.កពេញទំហឹង បណ្តាលឱ្យរងរបួសបុរសចំនួន២នាក់ ត្រូវបានសង្គ្រោះក្នុងចំណោមអ្នករួមដំណើរជាមួយរថយន្តឡិចស៊ីសមានប្រពន្ធកូន៣ទៅ៤នាក់ ហើយរថយន្តទាំង២គ្រឿងរងការខូចខាតរថយន្តឡិចស៊ីសខូចខាតស្ទើរទាំងស្រុង និងរថយន្តហាយឡិនឌ័រក្រពិតគូថក្រោយ ។ ក្រោយវាស់វែងហើយ រថយន្តទាំង២គ្រឿងត្រូវបានយកទៅរក្សាទុក ដើម្បីដោះស្រាយគ្នាតាមច្បាប់ចរាចរណ៍ផ្លូវគោកនៅពេលក្រោយទៀត ៕
ចែករំលែកព័តមាននេះ