មហាសន្និបាត អ.ស.ប ! នាយករដ្ឋមន្ត្រីជប៉ុនថាត្រៀមជួបលោកគីម ជុងអ៊ុន
ប្រទេសជប៉ុន ៖ នាយករដ្ឋមន្ត្រីជប៉ុនលោកហ្វូមីអូគីស៊ីដា អះអាងកាលពីថ្ងៃទី ១៩កញ្ញាក្នុងមហា
ប្រទេសជប៉ុន ៖ នាយករដ្ឋមន្ត្រីជប៉ុនលោកហ្វូមីអូគីស៊ីដា អះអាងកាលពីថ្ងៃទី ១៩កញ្ញាក្នុងមហាសន្និបាត អ.ស.ប ពីការតាំងចិត្តរបស់លោកជួបជាមួយមេដឹកនាំកូរ៉េខាងជើងលោកគីម ជុងអ៊ុន ដែលការខិតចូលជិតគ្នានាពេលថ្មីៗនេះជាមួយរស្ស៊ី នាំឲ្យមានការភ័.យខ្លា.ចពីកិច្ចសហការគ្នាខាងយោធារវាងរបបឯកោទាំង២នេះ។
នៅលើវេទិកា អ.ស.ប លោកគីស៊ីដាថ្លែងថា នយោបាយរបស់ជប៉ុនលើកូរ៉េខាងជើងពុំមានការផ្លាស់ប្ដូរឡើយ។ ជប៉ុនចង់ធ្វើឲ្យមានប្រក្រតីភាពឡើងវិញនៃទំនាក់ទំនងរបស់ខ្លួនជាមួយកូរ៉េខាងជើង។ ក្នុងទស្សនវិស័យនៃការបើកសករាជថ្មីមួយរួមគ្នា ខ្ញុំចង់បង្ហាញពីការប្ដេជ្ញាចិត្តរបស់ខ្ញុំ ជួបជាមួយលោកគីមជុងអ៊ុនទល់មុខគ្នាទោះបីនៅពេលណានិងដោយគ្មានលក្ខខណ្ឌ។ លោកបញ្ជាក់ថាចង់រៀបចំការពិភាក្សាគ្នាកម្រិតខ្ពស់ ក្រោមការពិនិត្យរបស់លោកដើម្បីអាចរៀបចំការជួបគ្នាកំពូលនេះឲ្យបានឆាប់។
អ្នកនាំពាក្យនាយករដ្ឋមន្ត្រីជប៉ុនធ្លាប់់គូសបញ្ជាក់រួចហើយកាលពីប៉ុន្មានថ្ងៃមុននេះថា លោកគីស៊ីដាត្រៀមជួបលោកគីមជុងអ៊ុនដោយគ្មានលក្ខខណ្ឌជាមុន ។ អតីតនាយករដ្ឋមន្ត្រីជប៉ុនលោកជូនីជីរ៉ូកូអ៊ីហ្សូមី ធ្លាប់ទៅកាន់កូរ៉េខាងជើង២លើក ដើម្បីជួបជាមួយលោកគីមជុងអ៊ីល បិតាលោកគីមជុងអ៊ុន។ ការជួបគ្នានោះលើកទីមួយកាលពីឆ្នាំ២០០២ អាចសម្រេចបានការធ្វើមាតុភូមិនិវត្តន៍ ជនជាតិជប៉ុន៥នាក់ដែលត្រូវចាប់ពង្រត់៕
ចែករំលែកព័តមាននេះ