រាជធានីភ្នំពេញ ៖ ថ្លែងចេញពីទឹកដីខេត្តតាកែវ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់យ៉ាងដូច្នេះ ពាក់ព័ន្ធទៅនឹងទិន្នន័យសន្តិសុខជាតិ ថា៖…
រាជធានីភ្នំពេញ ៖ ថ្លែងចេញពីទឹកដីខេត្តតាកែវ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់យ៉ាងដូច្នេះ ពាក់ព័ន្ធទៅនឹងទិន្នន័យសន្តិសុខជាតិ ថា៖ “បើមិនដឹង កុំចង់ដឹង បើគ្មានសិទ្ធិដឹង កុំទារគេចង់ដឹង” ។
ការលើកឡើងបែបនេះ នៅក្នុពិធីសំណេះសំណាលជាមួយកម្មករកម្មការិនី ជិត ២ម៉ឺននាក់ នៅស្រុកបាទី ខេត្តតាកែវ នាព្រឹកថ្ងៃទី១៩ ខែកញ្ញា ឆ្នាំ២០២៣ ។
ការបញ្ជាក់របស់សម្តេចធិបតី នាយករដ្ឋមន្ត្រី ហ៊ុន ម៉ាណែត ក្នុងន័យណែនាំទៅស្ថាប័នក្រសួងផ្សេងទៀត កុំឲ្យចង់ដឹងចង់ឮ ពីសន្តិសុខជាតិ បើគេមិនឲ្យដឹង ក្រោយសម្តេច បានបញ្ជាឲ្យធ្វើលិខិតឆ្លងដែន សម្រាប់ពលករខ្មែរ កំពុងធ្វើការនៅក្រៅប្រទេស ដែលមានការចូលរួម ពីក្រសួងពាក់ព័ន្ធមួយចំនួន ។
ក្នុងជំនួបសំណេះសំណាល ដូចសព្វមួយដង នាពេលកន្លងមកនេះ គឺសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានមានប្រសាសន៍ជាហូរហែរ ពាក់ព័ន្ធនឹងការអភិវឌ្ឍជាតិ ប្រយោជន៍ប្រជាពលរដ្ឋ និងទាក់ទាញក្រុមវិនិយោគិនពិសេសនៅពេលទស្សនៈកិច្ចនៅប្រទេសចិន កាលពីពេលកន្លងមកនេះ ។
ក្នុងឱកាសនោះដែរ សម្តេចបានលើកឡើង ទាក់ទងទៅនឹងការធ្វើលិខិតឆ្លងដែន ដល់ពលករខ្មែរ នៅប្រទេសកូរ៉េខាងត្បូង ថា កុំឲ្យព្រួយបារម្ភ ចំពោះតម្លៃ នៃការធ្វើ ហើយមិនត្រឹមតែប៉ុណ្ណោះ សម្តេចនាយករដ្ឋមន្ត្រី ក៏បានគិតគូរពីពេលវេលា នៃការធ្វើមិនឲ្យយូរពេកនោះទេ ។ ប៉ុន្តែសម្តេចក៏ផ្តាំ ទៅភាគីពាក់ព័ន្ធ អំពីបញ្ហាសន្តិសុខជាតិ ធ្វើយ៉ាងណា ត្រូវគ្រប់គ្រងឲ្យបាន។ ក្នុងនោះក្រសួងការងារ ក៏មានភារកិច្ច ជួយលើរបៀបរបបការងារ យកលិខិតឆ្លងដែនផងដែរ ។
សម្តេចធិបតី បានគូសបញ្ជាក់ថា ៖ «ខាងអត្តសញ្ញាណកម្ម គឺជាអ្នកទទួលខុសត្រូវ ទៅលើកិច្ចការងារទិន្នន័យ ជាមួយនឹងក្រសួងមហាផ្ទៃ និងក្រសួងការបរទេសជាដើម ដើម្បីជួយសម្របសម្រួល ប៉ុន្តែមិនត្រូវលូកដៃចូលកិច្ចការងារជំនាញទេ ។
នៅចំពោះថ្នាក់ដឹកនាំ និងក្រសួសស្ថាប័នពាក់ព័ន្ធ សម្តេចធិបតី នាយករដ្ឋមន្ត្រី សង្កត់ថា ៖ “ការងារនេះ ទាក់ទងទៅនឹងសន្តិសុខជាតិ “រឿងទិន្នន័យស្ថាប័ន ដែលដឹង បានដឹង បើមិនដឹង កុំចង់ដឹង បើគ្មានសិទ្ធិដឹង កុំទារគេចង់ដឹង បញ្ជាក់ឲ្យច្បាស់” ៕
ចែករំលែកព័តមាននេះ