អាមេរិកនិងអ៊ីរ៉ង់ដោះដូរអ្នកទោសគ្នាជាមួយការលុបចោលការផ្អឹបទុកទ្រព្យសម្បត្តិអ៊ីរ៉ង់៦ពាន់លានដុល្លារ
សហរដ្ឋអាមេរិក-អ៊ីរ៉ង់ ៖ ក្រោយការរង់ចំអស់ពេលច្រើនខែ ទីបំផុត អ៊ីរ៉ង់ប្រកាសពីការដោះដូរអ្នក
សហរដ្ឋអាមេរិក-អ៊ីរ៉ង់ ៖ ក្រោយការរង់ចំអស់ពេលច្រើនខែ ទីបំផុត អ៊ីរ៉ង់ប្រកាសពីការដោះដូរអ្នកទោសគ្នា រវាងអ៊ីរ៉ង់និងសហរដ្ឋអាមេរិក និងលុបចោលវិញការផ្អឹបទុកទ្រព្យសម្បត្តិអ៊ីរ៉ង់ ក្នុងប្រទេសជាច្រើនមានទំហំទឹកប្រាក់៦ពាន់លានដុល្លារ។ នេះបើតាមការគូសបញ្ចាក់កាលពីថ្ងៃទី១៨ កញ្ញារបស់AFP។
អតីតអ្នកទោសអាមេរិក៥នាក់នៅអ៊ីរ៉ង់ដែលដោះដូរគ្នាជាមួយអ្នកទោសអ៊ីរ៉ង់៥នាក់នៅអាមេរិក បានមកដល់ទីក្រុងដូហាកាលពីថ្ងៃទី១៨កញ្ញា មកពីក្រុងតេហេរ៉ង់បន្ទាប់មកបន្តដំណើរទៅកាន់ក្រុងវ៉ាស៊ីនតោន ដោយអនុវត្តកិច្ចព្រមព្រៀងដោះដូរអ្នកទោសគ្នាមួយ ជាមួយអាមេរិកដែលចុះហត្ថលេខា ជាមួយការធ្វើអាជ្ញាកណ្ដាលរបស់កាតា។ យន្តហោះកាតា១គ្រឿងបានចុះនៅព្រលានយន្តហោះអន្តរជាតិក្រុងដូហា នាវេលាម៉ោង១៧និង៤០នាទីម៉ោងក្នុងស្រុក។ យន្តហោះនោះដឹកអតីតអ្នកទោសអាមេរិក៥នាក់និងសមាជិកគ្រួសារពួកគេ២នាក់ អមដំណើរដោយឯកអគ្គរដ្ឋទូតកាតាប្រចាំអ៊ីរ៉ង់។
ក្នុងចំណោមអ្នកទោសអាមេរិកដែលដោះដូរគ្នានោះ មានជាពិសេសបុរសអ្នកជំនួញម្នាក់លោកSIAMAK NAMAZI ដែលត្រូវចាប់ខ្លួនកាលពីឆ្នាំ២០១៥ ហើយទទួលការកាត់ទោសដាក់គុក១០ឆ្នាំកាលពីឆ្នាំ២០១៦ពីបទចារកម្ម។ ការដោះដូរអ្នកទោសគ្នានេះធ្វើឡើងក្រោមលក្ខខណ្ឌផ្ទេរប្រាក់អ៊ីរ៉ង ដែលផ្អឹបទុកនៅកូរ៉េខាងត្បូង ប្រមាណជា៦ពាន់់លានដុល្លារ។ ការផ្ទេរនេះត្រូវបានប្រកាសនៅក្រុងដូហានិងដោយអ៊ីរ៉ង់។
លោកMOHAMMADREZA FARZIN អភិបាលធានាគារកណ្ដាលអ៊ីរ៉ង់ បញ្ជាក់ថា ពេលនេះទឹកប្រាក់ស្មើនឹង៥ ៥៧៣ ៤៩២ ០០០អឺរ៉ូ ត្រូវបានបញ្ចូលក្នុងគណនីបណ្ដាធានាគារអ៊ីរ៉ង់ដែលរកស៊ីជាមួយធនាគារកាតា២រួចហើយ៕
ចែករំលែកព័តមាននេះ