ត្រឹម២ថ្ងៃ! បង្ក្រាបឧបករណ៍នេសាទខុសច្បាប់ជាច្រើន និងដុតកម្ទេចចោល (វីដេអូ)
- ក្រចេះ
ត្រឹមរយៈពេល២ថ្ងៃ ឧបករណ៍បទល្មើសនេសាទតាមដងទន្លេមេគង្គជាច្រើនប្រភេទ ត្រូវបានកម្លាំងជំនាញសហការជាមួយខណ្ឌរដ្ឋបាលជលផលខេត្ត ចុះបង្ក្រាបបាន
ត្រឹមរយៈពេល២ថ្ងៃ ឧបករណ៍បទល្មើសនេសាទតាមដងទន្លេមេគង្គជាច្រើនប្រភេទ ត្រូវបានកម្លាំងជំនាញសហការជាមួយខណ្ឌរដ្ឋបាលជលផលខេត្ត ចុះបង្ក្រាបបាន
ខេត្តក្រចេះ ៖ ត្រឹមរយៈពេល២ថ្ងៃ ឧបករណ៍បទល្មើសនេសាទតាមដងទន្លេមេគង្គជាច្រើនប្រភេទ ត្រូវបានកម្លាំងជំនាញសហការជាមួយខណ្ឌរដ្ឋបាលជលផលខេត្ត ចុះបង្ក្រាបបាន និងយកមកដុតបំផ្លាញចោលនៅនឹងកន្លែងតែម្ដង។
ការចុះបង្ក្រាបខាងលើនោះ បានធ្វើឡើងកាលពីថ្ងៃទី១៦ និងថ្ងៃទី១៧ ខែកញ្ញា ឆ្នាំ២០២៣ ដោយកម្លាំងឆ្មាំទន្លេអភិរក្សសត្វផ្សោតខេត្តក្រចេះ សហការជាមួយកម្លាំងនគរបាលប៉ុស្តិ៍រដ្ឋបាលថ្មគ្រែ និងសហគមន៍នេសាទ សរុបចំនួន០៩នាក់ បានប្រើប្រាស់ទូកម៉ាស៊ីនចំនួន៣គ្រឿង ចុះល្បាតត្រួតពិនិត្យ និងបង្ក្រាបបទល្មើសនេសាទតាមដងទន្លេមេគង្គ នៅក្នុងតំបន់គ្រប់គ្រង ព្រមទាំងការពារសត្វផ្សោត មិនមានបទល្មើសនោះទេ។
ចំណែកឯនៅក្នុងការចុះបង្ក្រាបខាងលើនោះដែរ ទទួលបានលទ្ធផលនៅក្រៅតំបន់អភិរក្សសត្វផ្សោតនោះ ដោយមន្ត្រីខណ្ឌរដ្ឋបាលជលផលក្រចេះ និងផ្នែករដ្ឋបាលជលផលព្រែកប្រសព្វ រួមសហការជាមួយគណៈបញ្ជាការឯកភាពរដ្ឋបាលស្រុកឆ្លូង ក្រុមប្រឹក្សាឃុំ និងសហគមន៍នេសាទ ចុះបង្ក្រាបបទល្មើសជលផលនៅកន្លែងនេសាទបឹងកញ្ជនជ័យ ទួលសោយ និងនៅតាមទំនាបលិចទឹក ស្ថិតក្នុងភូមិថ្មីទី១-ទី២ ឃុំខ្សាច់អណ្តែត ស្រុកឆ្លូង ហើយសម្រចបានលទ្ធផលដូចខាងក្រោម ៖
ទី១- បានរុះរើ និងបំផ្លាញចោលឧបករណ៍នេសាទល្មើសច្បាប់រួមមាន ៖ របាំងស្បៃមុងចំនួន២៩ខ្សែ មានប្រវែង១៦៤០ម៉ែត្រ, លូស្បៃមុងចំនួន៣២មាត់, លូរបាំងសាច់អួននីឡុងចំនួន០១ខ្សែ ប្រវែង១៥០ម៉ែត្រ ក្រឡា០២សង់ទីម៉ែត្រ, លបរ៉ាវចំនួន៤គ្រឿង, ក្រឡាទំហំ២សង់ទីម៉ែត្រ និងបង្គោលចម្រឹងប្ញស្សីចំនួន២៥០ដើមផងដេរ។
ទី២- ក្នុងនោះក៏បានចាក់លែងត្រីចម្រុះទម្ងន់ប្រមាណ៣៥០គីឡូក្រាមចូលទៅក្នុងបឹងធម្មជាតិវិញដែរ។
គួរបញ្ជាក់ផងដែរថា ឧបករណ៍នេសាទជាច្រើនដែលត្រូវបានចុះរុះរើខាងលើនោះ ក៏ត្រូវបានដុតបំផ្លាញចោលទាំងអស់ផងដែរនៅនឹងកន្លែងតែម្ដង៕
ចែករំលែកព័តមាននេះ