ខេត្តសៀមរាប ៖ លោក ហេង ឈៀងគ្រី ចៅក្រមស៊ើបសួរ នៃសាលាដំបូងខេត្តសៀមរាប បានសម្រេចឱ្យមន្ត្រីនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប យកជនសង្ស័យដែលបើករថយន្តបុ.កសកម្មជនរបស់គណបក្ស «LDP» ម្នាក់ស្លា.ប់ ខណៈពេលកំពុងជិះម៉ូតូបញ្ច្រាស់ទិសគ្នា ទៅដាក់ពន្ធនាគារបណ្តោះអាសន្ន នៅសង្កាត់ជ្រាវ។
សូមបញ្ជាក់ផងដែរថា ហេតុការណ៍ខាងលើនេះ បានកើតឡើងនៅវេលាម៉ោង១៨និង១៥នាទីល្ងាច ថ្ងៃទី១៣ ខែកញ្ញា ឆ្នាំ២០២៣ នៅលើផ្លូវជាតិលេខ២៦៤១ ត្រង់ចំណុចមុខទីបញ្ជាការស្រាល ប្រចាំការចម្ការ ១២ហិកតារបស់ (LDP) ស្ថិតក្នុងភូមិថ្មរជល់ ឃុំត្បែង ស្រុកបន្ទាយស្រី ខេត្តសៀមរាប។
បើតាមមន្ត្រីនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានប្រាប់តាមតេឡេក្រាមនៅថ្ងៃទី១៦ ខែកញ្ញា ឆ្នាំ២០២៣ នេះថា ករណីគ្រោះថ្នាក់ចរាចរណ៍រវាងរថយន្តនិងម៉ូតូ បើកបរទិសដៅបញ្ច្រាស់ទិសគ្នានេះ ដោយរថយន្តបង្កម៉ាក VOLVO ពណ៌បៃ តង-ក្រហម ផ្លាកលេខ ៣F-៩៧ ១៨ បើកបរដោយឈ្មោះ សាន សេងហ៊ួត ភេទប្រុស អាយុ៣១ឆ្នាំ មានទីលំនៅភូមិស្វាយដំណាក់ ឃុំជំនីក ស្រុកក្រូចឆ្នារ ខេត្តកំពង់ចាម ពីជើងទៅត្បូងបុ.កជាមួយម៉ូតូម៉ាកហុងដា ពណ៌ខ្មៅ ផ្លាកលេខ ពោធិ៍សាត់១G-៥៤ ៦៩ បើកបរដោយឈ្មោះ ម៉ៃ ធី សកម្មជន LDP ភេទប្រុស អាយុ៥៩ឆ្នាំ មានទីលំនៅភូមិខ្នាចរមាស់ ឃុំបឹងខ្នារ ស្រុកបាកាន ខេត្តពោធិ៍សាត់ ពីលិចទៅកើត បណ្តាលឱ្យស្លា.ប់ភ្លាមៗនៅនឹងកន្លែងកើតហេតុ។
មន្ត្រីដដែលបន្តថា បច្ចុប្បន្ន សា.កស.ពជនរងគ្រោះ.ត្រូវបានកម្លាំងនគរបាលស្រុកបន្ទាយស្រី បានប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណីហើយ។ ចំណែកអ្នកបើកបររថយន្តវិញ ក៏ត្រូវបានលោក ហេង ឈៀងគ្រី ចៅក្រមស៊ើបសួរ នៃសាលាដំបូងខេត្តសៀមរាប សម្រេចឱ្យមន្ត្រីនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប យកជនសង្ស័យរូបនេះទៅដាក់ពន្ធនាគារបណ្តោះអាសន្ន នៅសង្កាត់ជ្រាវ នាល្ងាចថ្ងៃទី១៥ ខែកញ្ញា ឆ្នាំ២០២៣៕
ចែករំលែកព័តមាននេះ