បន្ទាយមានជ័យ ៖ ប្រជាពលរដ្ឋ៧៧គ្រួសារ រស់នៅជាប់អូរព្រំដែនបានលិចលង់ ដោយជំនន់ទឹកភ្លៀងត្រូវបានអាជ្ញាធរយកគ្រឿងចក្រកាយរំដោះទឹក នៅថ្ងៃទី១៦ ខែកញ្ញា ឆ្នាំ២០២៣ ស្ថិតភូមិ.សង្កាត់អូរជ្រៅ ក្រុងប៉ោយប៉ែត ។
លោក វ៉ា ជឹមណារ៉េត ចៅសង្កាត់អូររជ្រៅបានប្រាប់ថា ៖ ក្រោយទទួលព័ត៌មានបានដឹងប្រជាពលរដ្ឋ៧៧គ្រួសារ រស់នៅក្បែរអូរព្រំដែនកម្ពុជា.ថៃចំណុចអគារថ្មីខាងត្បូង ផ្លូវជាតិលេខ៥ បានរងផលប៉ះពាល់ដោយជំនន់ទឹកភ្លៀង រយៈពេល២ថ្ងៃមកហើយ ដែលធ្វើអោយប្រជាពលរដ្ឋជួបការលំបាក ជាពិសេសសិក្សានុសិស្សទៅសិក្សាពិបាកចេញ.ចូលធ្វើដំណើរ ។
លោកបានបញ្ជាក់ថា ៖ ជាការណែនាំពីអភិបាលក្រុងប៉ោយប៉ែត លោក គាត ហ៊ុល មានវត្តមានអភិបាលរង ក្រុង១រូប រួមជាមួយកងកម្លាំងបានចុះពិនិត្យដោយមិនទាន់រងប៉ះពាល់ធ្ងន់ធ្ងរទើបយកគ្រឿងចក្រប្រភេទអ៊ែស្កាទ័រចំនួន១គ្រឿង ដើម្បីកាយរំដោះទឹកដែលលិចលង់ផ្ទះសំបែងប្រជាពលរដ្ឋត្រូវកាយរំដោះទឹកចំនួន២ខ្សែ បង្ហូទំលាក់ចូលអូរព្រំដែនរហូតពេលនេះបានធូរស្រាលហើយ ។
លោក វ៉ា ជឹមណារ៉េត បានបញ្ជាក់ថា ៖ អាជ្ញាធរភូមិ និងសង្កាត់អូរជ្រៅ បានរាយការណ៍ជូនអភិបាលក្រុងប៉ោយប៉ែតបានដឹងហើយធ្វើរបាយការណ៍គណកម្មការគ្រប់គ្រងគ្រោះមហន្តរាយខេត្តអោយបានដឹង និងអំពាវដល់បងប្អូនប្រជាពលរដ្ឋរងផលប៉ះពាល់ទឹកជំនន់ក្បែរអូរព្រំដែន ត្រូវការពារចំពោះកូនចៅមិនអោយលេងទឹកប្រឈមគ្រោះថ្នាក់គ្រប់ពេលនៅរដូវវស្សា និងសម្រានដាក់ជើងមុង អោយបានល្អការពារសត្វសេរពឹស និងដាំទឹកផឹកអោយបានល្អការពារសុខភាព ៕
ចែករំលែកព័តមាននេះ