ខេត្តកំពង់ស្ពឺ ៖ មុខសញ្ញាជួញដូរគ្រឿងញៀន មួយសម្បុក ត្រូវបានសមត្ថកិច្ចធ្វើការបង្ក្រាប និងដកហូតបានវត្ថុតាងមួយចំនួន។ ក្រោយឃាត់ខ្លួន សមត្ថកិច្ចបានបញ្ជូនទៅបញ្ជាការដ្ឋានកងរាជវុធហត្ថខេត្ត ដើម្បីចាត់ការបន្តតាមនីតិវិធី ។
ការបង្ក្រាបមុខសញ្ញាជួញដូរនេះ ធ្វើឡើងកាលពីវេលាម៉ោង០៩និង២៧នាទីព្រឹកថ្ងៃទី២៥ ខែឧសភា ឆ្នាំ២០២៤ ក្នុងសង្កាត់ចំនួនពីរ គឺសង្កាត់សុពណ៌ទេព និងសង្កាត់រកាធំ ក្រុងច្បារមន ខេត្តកំពង់ស្ពឺ ។
ប្រភពពីកម្លាំងកងរាជអាវុធហត្ថ ក្រុងច្បារមន បានឱ្យដឹងថា កម្លាំងកងរាជអាវុធហត្ថ ខេត្តកំពង់ស្ពឺ បានបង្ក្រាបករណីគ្រឿងញៀន ២ករណី រួមមាន ៖ ករណីទី១ នៅចំណុចភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ និងករណីទី២ ស្ថិតនៅភូមិប៉ែលហែល សង្កាត់សុព័រទេព ក្រុងច្បារមន ខេត្តកំពង់ស្ពឺ ។
ក្នុងប្រតិបត្តិក្រោមការដឹកនាំសម្របសម្រួលដោយព្រះរាជអាជ្ញារងលោក ទិន សុចិត្រា និងបានការអនុញ្ញាតពី មេបញ្ជាការរង ទទួលជំនាញ បានសហការ ជាមួយកម្លាំងមូលដ្ឋានកងរាជអាវុធហត្ថក្រុងច្បារមន ដោយបានឃាត់ខ្លួនជនសង្ស័យ និងបានដកហូតវត្ថុតាង រួមមាន ៖
-ករណីទី១ ឃាត់ខ្លួនជនសង្ស័យ ចំនួន៥នាក់ (ស្រី២នាក់) ដកហូតបានម្សៅក្រាម សថ្លា ១កញ្ចប់ធំម៉ូតូ ចំនួន៥គ្រឿង ។
-ករណីទី២ ឃាត់ខ្លួនជនសង្ស័យ ចំនួន៥នាក់ (ប្រុស) ម្សៅក្រាមសថ្លា ចំនួន១០កញ្ចប់ (កញ្ចប់តូច៨កញ្ចប់) ម៉ូតូចំនួន១គ្រឿង ។ នៅរសៀលថ្ងៃដដែលនេះ កម្លាំងជំនាញកំពុងធ្វើការសាកសួរ ដើម្បីកសាងសំណុំរឿង ។
បច្ចុប្បន្នជនសង្ស័យ និងវត្ថុតាងបានឃាត់ខ្លួនបណ្តោះអាសន្ននៅ បញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីអនុវត្តតាមនិតិវីធីច្បាប់ ៕
![](https://kohsantepheapdaily.com.kh/wp-content/uploads/2024/05/df7bf13c73beb0631c9d328885f26fbe.jpg)
![](https://kohsantepheapdaily.com.kh/wp-content/uploads/2024/05/b8ce9fbaa9df44d2ca22a67127482cc9.jpg)
![](https://kohsantepheapdaily.com.kh/wp-content/uploads/2024/05/1fb879ab93ef6306cbaf45777a684726.jpg)
![](https://kohsantepheapdaily.com.kh/wp-content/uploads/2024/05/e62e65aca03225fa59badb1fddab8aa8.jpg)
![](https://kohsantepheapdaily.com.kh/wp-content/uploads/2024/05/1d1d5026a4cc3c0224d403e53347cdc5.jpg)
![](https://kohsantepheapdaily.com.kh/wp-content/uploads/2024/05/c569eccf667097b505f9be69a7840c87.jpg)
![](https://kohsantepheapdaily.com.kh/wp-content/uploads/2024/05/f93923fad35b443d1e8dc53563a92a70.jpg)
ចែករំលែកព័តមាននេះ