ឱ! ខេត្តសៀមរាបអើយ ឈ្មួញម្នាក់កំពុងចា.ក់ដីលុបស្ទឹងស្ងួតទាំងមូល អត់មានរដ្ឋអំណាចដឹង
- សៀមរាប
ខេត្តសៀមរាប ៖ ឈ្មួញបូមខ្សាច់លក់ដុះស្លែ ម្នាក់ឈ្មោះ អេង យីប អាយុប្រហែលជាង៣០ឆ្នាំ រស់នៅ
ខេត្តសៀមរាប ៖ ឈ្មួញបូមខ្សាច់លក់ដុះស្លែ ម្នាក់ឈ្មោះ អេង យីប អាយុប្រហែលជាង៣០ឆ្នាំ រស់នៅក្នុងភូមិត្បែង ឃុំត្បែង ស្រុកបន្ទាយស្រី ខេត្តសៀមរាប សង្ស័យប្រហែលត្រូវរ៉ូវគ្នាជាមួយ អាជ្ញាធរមូលដ្ឋាន បានជាហ៊ានលុបស្ទឹងស្ងួតរបស់រដ្ឋបំបាត់ភស្តុតាងយកទុកជាសម្បត្តិខ្លួនឯង ។
បើតាមប្រភពពីប្រជាពលរដ្ឋប្រមាណជិត៣០នាក់ រស់នៅក្នុងភូមិ ត្បែង ឃុំត្បែង ស្រុកបន្ទាយស្រី បានលួចខ្សឹបប្រាប់កោះសន្តិភាព នៅរសៀលថ្ងៃទី២៥ ខែ ឧសភា ឆ្នាំ ២០២៤ នេះថា កាលពីជំនាន់ ឪពុកម្តាយ របស់គាត់ រស់នៅនាំគ្នាមកដងទឹកស្ទឹងស្ងួតនេះយកមកប្រើប្រាស់ រហូតដល់បូមដាក់ស្រែចម្ការផងដែរ មិនដែលរីងទេ ។
តាមប្រភពបញ្ជាក់ថា ស្រាប់តែមួយរយៈក្រោយនេះ មានគេមកបូមខ្សាច់លក់ ជារៀងរាល់ថ្ងៃ មិនដឹងថា មានច្បាប់អនុញ្ញាតត្រឹមត្រូវឬយ៉ាងណាទេ រហូតដល់បច្ចុប្បន្នឃើញពួកគាត់នៅតែបូមខ្សាច់លក់ដដែល មិនដែលឃើញសមត្ថកិច្ច ឬអាជ្ញាធរ ឬមន្ត្រីពាក់ព័ន្ធណា ចុះមកពិនិត្យឡើយ។
ប្រភពបន្ថែមទៀតថា នៅប៉ុន្មានសប្តាហ៍ក្នុងឆ្នាំ២០២៤នេះ ពួកខ្ញុំទៅមើលគោ ស្រាប់តែឃើញមាន ឡានដឹកដី យកដីមកចាក់លុបស្ទឹងស្ងួត ដែលជាស្ទឹងបុរាណ កាលពីជំនាន់មុនលុបជិតអស់ហើយ ។
បើតាមប្រសាសន៍របស់ លោក រិន ឡូត អភិបាលស្រុកបន្ទាយស្រី បានប្រាប់កោះសន្តិភាព យើងតាមតេលេក្រាម នៅថ្ងៃទី២៥ ខែឧសភា ឆ្នាំ២០២៤ នេះថា លោក ធ្លាប់បានឱ្យ ក្រុមការងារ ចុះទៅពិនិត្យ ម្ដងហើយ ឃើញថា អត់មានលុបស្ទឹង របស់រដ្ឋទេ ។
លោកបន្ថែមថា ចំពោះករណីរឿងគេបូមខ្សាច់លក់នៅទីនោះ មានច្បាប់អនុញ្ញាតត្រឹមត្រូវ ឬយ៉ាងណានោះ លោកមិនបានដឹងទេ នេះជារឿងខាងមន្ទីរ រ៉ែនិងថាមពលខេត្ត។ លោកបញ្ជាក់ទៀតថា បើ ពលរដ្ឋរាយការណ៍មកអ្នកព័ត៌មានថា មានលុបស្ទឹងជាសម្បត្តិរបស់រដ្ឋនោះ លោកនឹងឱ្យក្រុមការងារ ចុះទៅពិនិត្យម្ដងទៀត។
ជុំវិញករណីខាងលើនេះដែរ កោះសន្តិភាពមិនអាចសុំការបកស្រាយពីប្រធានមន្ទីររ៉ែ និងថាមពល ខេត្តសៀមរាប នៅវេលាម៉ោង១៥និង២៧នាទីថ្ងៃទី២៥ ខែឧសភា ឆ្នាំ២០២៤ នេះបានទេ ដោយទូរសព្ទរបស់លោកហៅចូល គាត់ឆ្លើយតបមកវិញថា គាត់កំពុងជាប់ប្រជុំ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ