(បាងកក)៖ លោក Pita Limjaroenrat សម្រេចចិត្តចុះចេញពីតំណែងជាប្រធានគណបក្សឆ្ពោះទៅមុខ (Move Forward) ដោយបើកផ្លូវឱ្យគណៈកម្មាធិការបក្សរបស់ខ្លួនជ្រើសរើសអ្នកជំនួសគាត់ ដែលនឹងក្លាយជាមេដឹកនាំគណបក្សប្រឆាំងនៅក្នុងសភាផងដែរ។

ការ​សម្រេច​ចិត្ត​នេះ​បាន​ធ្វើ​ឡើង​បន្ទាប់​ពី​បាន​ពិភាក្សា​ជាមួយ​គណៈ​កម្មាធិការ​រដ្ឋបាល​របស់​គណបក្ស និង​សមាជិក​សភា លោក​បាន​សរសេរ​លើ​ទំព័រ​ហ្វេសប៊ុក​របស់​លោក​នៅ​ថ្ងៃ​សុក្រ​នេះ ដោយលោកបានឱ្យដឹងថា «ឥឡូវ​នេះ ខ្ញុំ​ស្ថិត​នៅ​ក្រោម​ការ​ព្យួរ​ទោស​តាម​ដីកា​របស់​តុលាការ​ធម្មនុញ្ញ ដែល​ធ្វើ​ឱ្យ​ខ្ញុំ​មិន​អាច​ធ្វើ​ជា​មេ​បក្ស​ប្រឆាំង​នៅ​ពេល​ខាង​មុខ។ ដូច្នេះ ដើម្បី​ឲ្យ​គណបក្ស Move Forward ធ្វើ​ការ​ក្នុង​សភាបាន ខ្ញុំ​បាន​សម្រេច​ចិត្ត​លាលែង​ចេញពីតំណែង ហើយ​គណៈកម្មាធិការ​បក្ស​នឹង​រក​អ្នក​ជំនួស​ខ្ញុំ»។

លោក Pita ដែលគណបក្សមានសមាជិកសភាច្រើនជាងសមាជិកសភាទាំងអស់នោះ មិនអាចបន្តធ្វើជាប្រធានគណបក្សប្រឆាំងបានទេ ដោយសារបច្ចុប្បន្នលោកត្រូវបានព្យួរពីតួនាទីជាសមាជិកសភា ដោយរង់ចាំលទ្ធផលនៃសំណុំរឿងតុលាការធម្មនុញ្ញទាក់ទងនឹងលក្ខណៈសម្បត្តិរបស់ខ្លួន៕ ប្រភព៖ thaipbsworld