ខេត្តសៀមរាប ៖ មានករណីទុស្សេប្រអប់ភ្លើងនៅក្រោមជណ្តើរ បណ្តាលឱ្យឆាបឆេះម៉ូតូចំនួន០២ គ្រឿងដែលរបស់និស្សិតអស់ស្ទើរទាំងស្រុង ។ ប៉ុន្តែចាត់ជាសំណាងល្អមួយ ដែលគ្មានមនុស្សណាម្នាក់ត្រូវរងគ្រោះថ្នាក់ ឬរាលដាលឆេះដល់ផ្ទះអ្នកជិតខាង ។
ហេតុការណ៍ឆេះនេះ បានកើតឡើងកាលពីវេលាម៉ោង១២ និង៣០នាទីរំលងអធ្រាត្រ ឈានចូល ថ្ងៃទី១៥ ខែ កញ្ញា ឆ្នាំ២០២៣ ហើយរលត់ទៅវិញកាលពីវេលាម៉ោង១៣ និង០០នាទីស្ថិតនៅចំណុចក្រោមជណ្តើរបន្ទប់ជួលមួយកន្លែង ក្នុងភូមិថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប ។
លោកឧត្តមសេនីយ៍ត្រី ឌុត ខុន ស្នង ការរងទទួលដឹកនាំការិយាល័យបង្ការពន្លត់អគ្គិភ័យ និងសង្គ្រោះ បានប្រាប់ទូរស័ព្ទនៅវេលាម៉ោង១១ព្រឹកថ្ងៃទី១៥ ខែកញ្ញា ឆ្នាំ២០២៣ នេះថា ករណីឆេះ ម៉ូតូ២គ្រឿង របស់និស្សិត នោះបណ្តាលឱ្យរងការខូចខាត ស្ទើរទាំងស្រុង ។ លោកបានបញ្ជាក់ថា ម្ចាស់ផ្ទះឈ្មោះ សេង ស៊ាន ភេទស្រី អាយុ៦៦ឆ្នាំ មុខរបរលក់ ដូរ ក្នុងភូមិថ្មី សង្កាត់ ស្វាយដង្គំ ក្រុងសៀមរាប ខេត្តសៀមរាប ។
លោកបញ្ជាក់ទៀតថា ករណីទុស្សេរប្រអប់ភ្លើងក្រោមជណ្តើរ បណ្តាលឱ្យឆាបឆេះម៉ូតូចំនួន០២គ្រឿងស្ទើរទាំងស្រុងមាន ម្ចាស់ ទី១- ម្ចាស់ឈ្មោះ សិទ្ធ ស្រីវ៉ាន់ ភេទស្រី អាយុ១៨ឆ្នាំ ជានិស្សិត បន្ទប់លេខ២ ដែលមានម៉ូតូ ០១ គ្រឿង ម៉ាកHonda dream C 125 សេរីឆ្នាំ២០១៩ ពណ៌ខ្មៅ ស្លាកលេខ សៀមរាប១-AC ៤៣៤៤ លេខទូរសព្ទ័ ០៩៣ ៩១៤ ១១៥ ។-ទី២ ម្ចាស់ ឈ្មោះ ចំរើន ណាគ្រីត ភេទប្រុស អាយុ២២ឆ្នាំ មុខរបរនិស្សិត ដែល មានម៉ូតូ ០១ គ្រឿងម៉ាក Honda dream C.125 សេរីឆ្នាំ ២០១៩ ពណ៌ក្រហម ស្លាកលេខឧត្តរមានជ័យ ១.D- ៦៣០៥ លេខទូរសព្ទ័ ០៧១ ៣២៩៨ ៦៦០ របស់ ។
លោកបន្ថែមថា ក្រោយទុស្សេឆេះ លោកបានឱ្យរថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត បានមកដល់ដែរ តែមិនបានប្រើប្រាស់ទឹកទេ ព្រោះអ្នកជួលបន្ទប់និងកម្លាំងប៉ុស្តិ៍បាននាំគ្នាយកទឹកពន្លត់ អស់ទាំងស្រុងហើយ។
ចែករំលែកព័តមាននេះ