ខេត្តបន្ទាយមានជ័យ ៖ ស្ត្រីម្នាក់កាន់ក្បាលមេក្រូទាំងទឹកភ្នែករលីងរលោង និងនិយាយអួលដើម.ករឿងអយុត្តិធម៌ដោយសារមានអ្នកទិញផ្ទះនិងដីហើយ ត្រូវគេបិទផ្លូវចាស់មិនអោយគ្រួសារគាត់ចេញ-ចូលបាន ដែលបង្កការលំបាកជារៀងរាល់ថ្ងៃ ។ ដូច្នេះ គាត់សុំអោយអាជ្ញាធរក្រុង ជួយដោះស្រាយជូនគាត់…
ខេត្តបន្ទាយមានជ័យ ៖ ស្ត្រីម្នាក់កាន់ក្បាលមេក្រូទាំងទឹកភ្នែករលីងរលោង និងនិយាយអួលដើម.ករឿងអយុត្តិធម៌ដោយសារមានអ្នកទិញផ្ទះនិងដីហើយ ត្រូវគេបិទផ្លូវចាស់មិនអោយគ្រួសារគាត់ចេញ-ចូលបាន ដែលបង្កការលំបាកជារៀងរាល់ថ្ងៃ ។ ដូច្នេះ គាត់សុំអោយអាជ្ញាធរក្រុង ជួយដោះស្រាយជូនគាត់ ដែលការលើកឡើងរបស់ស្ត្រីរូបនេះគឺនៅក្នុងវេទិកាមួយ ធ្វើឡើងកាលពីថ្ងៃទី១៤ ខែកញ្ញា ឆ្នាំ២០២៣ ស្ថិតនៅសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
ស្ថិតក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងសិរីសោភ័ណ គឺមានស្ត្រីម្នាក់បានស្ម័គ្រចិត្តឡើងកាន់ក្បាលមេក្រូទាំងទឹកភ្នែករលីងរលោងនិយាយអួលដើមករថា សុំអោយអភិបាលក្រុងសិរីសោភ័ណ និងប្រធានក្រុមប្រឹក្សាក្រុង និងស្ថាប័នពាក់ព័ន្ធ ជួយរកយុត្តិធម៌ផងខណៈជាច្រើនឆ្នាំមកនេះ ត្រូវបានផ្ទះមួយនៅខាងមុខបិទផ្លូវចាស់ដែលធ្លាប់ចេញ-ចូលយកធ្វើជាកម្មសិទ្ធិ ។
ហើយគ្មានផ្លូវចេញ-ចូល ក៏គាត់ទៅសុំអ្នកជិតខាងមួយទៀតចេញ-ចូលបាន តែពេលនេះម្ចាស់គាត់ និងបិទផ្លូវលេងមានផ្លូវចេញ-ចូលលែងបានទៀតហើយ ទើបដាច់ចិត្តលើកដៃសំពះសុំអោយចៅហ្វាយក្រុង ជួយរកយុត្តិធម៌និងបើផ្លូវចាស់ចេញ-ចូលបាន ។ ស្ត្រីរូបនេះបានបញ្ជាក់ទៀតថា ផ្លូវដែលត្រូវបិទមិនអោយចេញ-ចូលនោះ ស្ថិតភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ដែលត្រូវបានម្ចាស់ផ្ទះខាងមុខបិទ រយៈពេលយូរឆ្នាំមកហើយ ធ្លាប់បានទៅសុំអន្តរាគមន៍ពីចៅសង្កាត់អូរអំបិតម្តង ជាពីរដងដែរ តែគ្មានប្រសិទ្ធភាពសោះ ។ ឃើញនៅតែបន្តបិទដដែល ដែលគាត់ហ៊ានរំលោភយកផ្លូវចាស់ធ្វើជាកម្មសិទ្ធិ ធ្វើអ្នកនៅខាងក្រោយគ្មានផ្លូវចេញ-ចូលបាន ។
អាជ្ញាធរភូមិរោងម៉ាស៊ីនបានបញ្ជាក់ថា វាពិតជារឿងអយុត្តិធម៌សម្រាប់គ្រួសារដែលបានលើកឡើងក្នុងវេទិកាទាំងទឹកភ្នែកនេះមែន សុំអោយជួយអន្តរាគមន៍ពីអាជ្ញាធរក្រុង តាមដឹងផ្លូវមានរយៈពេលយូរមកហើយ ក្រោយម្ចាស់ថ្មីទិញដីនិងផ្ទះយកហើយ បានចុះបញ្ជីដីធ្លីជាលក្ខណៈប្រព័ន្ធជំនាញចុះធ្វើចេញប្លង់បានផ្លូវនេះដោយមិនដឹងមូលហេតុអី ។
ចៅហ្វាយក្រុងសិរីសោភ័ណ លោក ស្រេង សុផល តបវិញថា នឹងឱ្យមន្ត្រីជំនាញ សហការជាមួយអាជ្ញាធរសង្កាត់ និងភូមិចុះពិនិត្យមើល ។ ហើយរកវិធីដោះស្រាយជូនប្រជាពលរដ្ឋដែលកំពុងវិវាទ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ