ឡានធុនធំបុ.កម៉ូតូ២គ្រឿង ស្លា.ប់សិស្សថ្នាក់ទី១២ម្នាក់ និងយុវជនម្នាក់ទៀតរបួសធ្ងន់
- បន្ទាយមានជ័យ
ខេត្តបន្ទាយមានជ័យ ៖ រថយន្តធុនធំបុ.កម៉ូតូ២គ្រឿង បណ្តាលឱ្យស្លា.ប់យុវតីម្នាក់ជាសិស្សថ្នាក់ទី១២
ខេត្តបន្ទាយមានជ័យ ៖ រថយន្តធុនធំបុ.កម៉ូតូ២គ្រឿង បណ្តាលឱ្យស្លា.ប់យុវតីម្នាក់ជាសិស្សថ្នាក់ទី១២
ខេត្តបន្ទាយមានជ័យ ៖ រថយន្តធុនធំបុ.កម៉ូតូ២គ្រឿង បណ្តាលឱ្យស្លា.ប់យុវតីម្នាក់ជាសិស្សថ្នាក់ទី១២និងយុវជនម្នាក់របួសធ្ងន់ ចំណែករថយន្តបង្កដែលបើកគេច ត្រូវសមត្តកិច្ចចាប់បាននៅវេលាយប់ថ្ងៃទី១៤ ខែកញ្ញា ឆ្នាំ២០២៣ តាមផ្លូវស្ថិតភូមិប្រឡាយលួង ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
ជនរងគ្រោះដែលស្លា.ប់ឈ្មោះ ម៉ៅ វិសាល ភេទស្រី អាយុ១៨ឆ្នាំ ជាសិស្សរៀនថ្នាក់ទី១២នៅវិទ្យាល័យមង្គលបូរី រស់នៅភូមិពាម ឃុំព្រះនេត្រព្រះ ស្រុកព្រះនេត្រព្រះ ជាអ្នកបើកបរម៉ូតូមួយគ្រឿងម៉ាកហុងដាឌ្រីម ពាក់ផ្លាកលេខ បន្ទាយមានជ័យ 1I-5397 និងយុវជនម្នាក់ទៀតដែលរងរបួសធ្ងន់មិនស្គាល់ឈ្មោះនោះទេ ជាអ្នកបើកបរម៉ូតូ១គ្រឿងម៉ាក់ហុងដាឌ្រីម ពាក់ផ្លាកលេខ បន្ទាយមានជ័យ 1Q-4438 ។
អ្នកឃើញហេតុការណ៍បានប្រាប់ឱ្យដឹងថា មុនពេលកើតហេតុ មានម៉ូតូ១គ្រឿងម៉ាកហុងដាឌ្រីម ពាក់ផ្លាកលេខ បន្ទាយមានជ័យ 1Q-4438 បានបើកបរដោយយុវជនម្នាក់ធ្វើដំណើរក្នុងទិសដៅពីកើតមកលិច ហើយយុវតីរងគ្រោះបានជិះម៉ូតូម៉ាកហុងដាឌ្រីម ពាក់ផ្លាក់លេខបន្ទាយមានជ័យ 1I-5397 បើកបរក្នុងទិសដៅបញ្ច្រាសទិសគ្នាពីលិចមកកើត ស្រាប់តែមានរថយន្តធុនធំ១គ្រឿងទៀតបើកក្នុងទិសដៅពីលិចមកកើត បានបុ.កម៉ូតូទាំង២គ្រឿង និងកិ.នយុវតីម្នាក់បែ.កក្បាលស្លា.ប់នៅនឹងកន្លែងកើតហេតុ ចំណែកយុវជនម្នាក់រងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យ ហើយរថយន្តធុនធំបានបើកគេច តែត្រូវសមត្ថកិច្ចចាប់បាននៅទឹកដីស្រុកព្រះនេត្រព្រះ។
ក្រោយគ្រោះថ្នាក់ចរាចរណ៍កើតឡើង គេឃើញមន្ត្រីនគរបាលចរាចរណ៍ស្រុកមង្គលបូរីបានចុះដល់កន្លែងកើតហេតុ និងបានសម្រួលចរាចរណ៍ ព្រោះផ្លូវពីរង្វង់មូលយាយជីច្រកស្រូវស្រុកមង្គលបូរីទៅស្រុកព្រះនេត្រព្រះតូចចង្អៀត ដើម្បីបញ្ចៀសការកកស្ទះចរាចរណ៍ ។
មន្ត្រីនគរបាលចរាចរណ៍ផ្លូវគោកបានបញ្ជាក់ថា ក្រោយធ្វើការវាស់វែងរួច ស.ពយុវតីដែលស្លា.ប់ត្រូវបានរថយន្តសង្គ្រោះមន្ទីពេទ្យមិត្តភាពកម្ពុជា-ជប៉ុនមង្គលបូរី ដឹកសាកស.ពជនរងគ្រោះប្រគល់ជូនក្រុមគ្រួសារសាច់ញាតិ ដើម្បីរៀបចំធ្វើបុណ្យតាមប្រពៃណី ។ ចំណែកម៉ូតូ២គ្រឿងរងការខូចខាតតិចតួច និងរថយន្ត ត្រូវបានយកមករក្សាទុកនៅអធិការដ្ឋាននគរបាលស្រុកមង្គលបូរី ដើម្បីចាត់ការតាមច្បាប់ ៕
ចែករំលែកព័តមាននេះ