រាជធានីភ្នំពេញ ៖ ស្នងការនគរបាលរាជធានីភ្នំពេញ នៅរសៀលថ្ងៃទី២៥ ខែឧសភា ឆ្នាំ២០២៤ បានធ្វើសន្និសិទសារព័ត៌មាន បង្ហាញមុខ ក្រុមក្មេងទំនើង ចំនួន២០នាក់…
រាជធានីភ្នំពេញ ៖ ស្នងការនគរបាលរាជធានីភ្នំពេញ នៅរសៀលថ្ងៃទី២៥ ខែឧសភា ឆ្នាំ២០២៤ បានធ្វើសន្និសិទសារព័ត៌មាន បង្ហាញមុខ ក្រុមក្មេងទំនើង ចំនួន២០នាក់ រួមទាំងដាវ កាំបិតប៉័ងតោល ដុំថ្ម ពាក់ពន្ធ ប្រព្រឹត្តិបទល្មើស បង្កហិង្សា ដោយចេតនាមានស្ថានទង្ងន់ទោស ចំនួន៦ករណីផ្សេងគ្នា ។
ការបង្ហាញមុខ ក្រុមក្មេងទំនើងនេះ ដោយមានការចូលរួមពីលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ លី ប៊ុនអេង ស្នងការរងទទួលបន្ទុកដឹកនាំការិយាល័យ ព្រហ្មទណ្ឌ កំរិតស្រាល និងលោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ។
នៅក្នុងការបង្ហាញក្មេងទំនើង លោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ បានអោយដឹងថា ដោយអនុវត្តមានបទបញ្ជាពីសម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា និងមានការចង្ហាញពីឧត្តមសេនីយ៍ ស ថេត អគ្គស្នងការនគរបាលជាតិ និងមានការបញ្ជាដឹកនាំផ្ទាល់ពីឧត្តមសេនីយ៍ឯក ជួន ណារិន្ទ អគ្គស្នងការរង នគរបាលជាតិ និងជាស្នងការនគរបាលរាជធានីភ្នំពេញ បានបញ្ជាអោយផែននគរបាលព្រហ្មទណ្ឌ ដឹកនាំ អធិការខណ្ឌទាំង១៤ បានធ្វើការស្រាវជ្រាវបង្ក្រាបបានក្រុមក្មេងទំនើងជាបន្តបន្ទាប់ ក្នុងរយៈពេល២ថ្ងៃនេះចាប់ពីថ្ងៃទី២៣ និង២៤ នេះយើងសង្ក្រាបបានចំនួន ៥ករណី ដោយឃាត់ខ្លួន មនុស្ស ចំនួន២០នាក់ ដោយ ១.ពាក់ពន្ធកាន់កាប់អាវុធដោយគ្មានការអនុញ្ញាត, ២.ហិង្សាដោយចេតនាមានស្ថានទង្ងន់ទោស ។
នៅក្នុងនោះ ដែលការិយាល័យជំនាញព្រហ្មទណ្ឌកំរិតស្រាល បានឃាត់ខ្លួនបាន ១ករណី មានគ្នាចំនួន៨នាក់ គីក្រុមក្រុមចាក់ស្លុយ (JS) ។ ២.ខណ្ឌដង្កោ បង្ក្រាបបាន១ករណី-ឃាត់ខ្លួនក្មេងទំនើង បានចំនួន០៧នាក់, ៣.ខណ្ឌសែនសុខ បង្ក្រាបបាន១ករណី ឃាត់ខ្លួនបាន២នាក់, ៤.ខណ្ឌពោធិសែនជ័យឃាត់ខ្លួនក្មេងទំនើងបានចំនួន០២ នាក់ និងទី៥.ខណ្ឌចំការមន ឃាត់បានចំនួន១នាក់ ។
ជនសង្ស័យ និងវត្ថុតាង ត្រូវបានការិយាល័យ ជំនាញនិងអធិការកំពុងកសាងសំនុំរឿងបញ្ជូន ទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់ ។
លោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ ក៍បានផ្តាំផ្ញើទៅក្មួយៗកូនៗ ទាំងអស់ ដែលបានចូលរួមចូលសកម្មភាពយ៉ាងអានាធិបតេយ្យនេះ សូមកែខ្លួន កុំអោយជ្រុលខ្លួនឈានទៅប្រព្រឹត្តិបទល្មើសព្រហ្មទណ្ឌ ពាក់ពន្ធបទល្មើសព្រហ្មទណ្ឌនេះ គឺ ៖
១. ហិង្សាមានស្ថានទង្ងន់ទោស គីជាប់ពន្ធនាគាររយៈ ២ឆ្នាំទៅ៥ឆ្នាំ និងពិន័យជាប្រាក់ពី៤លានរៀល ទៅ១០លាន់រៀល ។
២. ករណី ធ្វើអោយខូចខាតដោយអចេតនា បំផ្លិចបំផ្លាញ សម្ភារះទ្រព្យសម្បត្តិជនរងគ្រោះ គឺជាប់ពន្ធនាគាពី២ឆ្នាំ ទៅ៥ឆ្នាំ និងពីន័យជាប្រាក់ចំនួន ៤លានរៀលទៅ១០លានរៀល ។
៣. កាន់កាប់អាវុធដូចជាដាវ ដឹកតាមម៉ូតូ នៅជាប់ខ្លួនត្រូវជាប់ពន្ធនាគារពី៦ខែទៅ២ឆ្នាំ ហើយពិន័យជាប្រាក់ចំនួន៥០ម៉ឺនរៀលទៅ២លានរៀល ។
៤. ពាក់ពន្ធបទល្មើស លួចមានស្ថានទង្ងន់ទោស ដោយប្រើហិង្សា ដូចជាក្រុមក្មេងទំនើងនោះ បានប្រើប្រាស់ហិង្សាហើយឈានទៅយក សម្ភារៈ ដូចជាទូរសព្ទម៉ូតូ ហៅថា បទល្មើសប្លន់ ត្រូវជាប់ពន្ធនាគាពី៣ឆ្នាំ ទៅ៥ឆ្នាំ ។
លោកឧត្តមសេនីយ៍ត្រី ប៊ុន សត្យា ក៍បានសំណូមពរ ដល់អាណាព្យាបាល ឪពុកម្តាយ ត្រូវតាមដានកូនៗ ពេលដែលកូនទៅរៀនថា កូនចូលសាលាឬមិនចូលរៀន ត្រូវទាក់ទងនាយកសាលា និងសូមលោក នាយកគ្រប់សាលាទាំងអស់ មេត្តាសហការជាមូយប៉ូលិសមូលដ្ឋាន ប៉ូលិសបណ្ឌល ត្រូវរាយការពីក្មេងទំនើងនេះថា គាត់បានចូលរៀន ឬមិនចូលរៀន ដើម្បី អោយនគរបាលយើង ធ្វើការតាមដានហើយឈានទៅបង្ក្រាបទប់ស្កាត់ក្រុមនោះ អោយបានទាន់ពេលវេលា។
ក្នុងនាមស្នងការដ្ឋាននគរបាលរាជធានីភ្នំពេញ លោកឧត្តមសេនីយ៍ត្រី ប៊ុន សត្យាក៍បានប្តេជ្ញាចិត្តថា នឹងបង្ការ បង្ក្រាបក្រុមក្មេងទំនើងអាណាធិបតេយ្យ ក្នុងភូមិសាស្ត្ររាជធានីភ្នំពេញ ដូចភ្លៀងរលើម ដោយមិនលើកលែងអោយឡើយ ៕
ចែករំលែកព័តមាននេះ